Hebreo 9:12 - U Maganda A Baheta Ni Jesu-Cristo

¹² Pumensan la a simmáddáp ti Cristo tu Lugar a Kabanalan, sakay awan dán kailangan a huwayán. Bakán a digi ni kambing sakay digi ni bul-o a baka u inyalay na nan u sadile na a dige, tánni mapatawad kitam tu kasalanan tam hanggan-hanggan.

Hebreo 9:12 ပူးပေါင်းရင်းမြစ်များ

Markos 3:29

pero ni ti deyaman u magupos kontara tu Banal a Ispirito ay awan ti kapatawaden. U konna hina a kasalanan ay awan mapatawad hanggan-hanggan.

Lukas 1:68

“Puriyán u Panginoon a Diyos nu Israel. Dipo immangay he siya ti lutaáy para palayaán sakay iligtas u anak na hide.

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Efeso 1:7

Tinubus kitam ni Cristo tu pamamag-itan nu kákkatay na, sakay pinatawad na kitamon tu kasalanan tam hide. Konna hod ti kadakál u págmahal na,

Colosas 1:14

Tu pamamag-itan nu Anak na, ay napalaya sakay napatawad kitamon tu kasalanan tam hide.

1 Tesalonica 1:10

Kinagi di pa a áuhayán moy dán u kássole ni Jesus a Anak nu Diyos a gábwat ti langet a biniyag nu Diyos a huway. Ti Jesu-Cristo u mángligtas nikitam tu pádemát a iyamut nu Diyos.

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 10:19

Kanya ngane kákkapatkákka ko hide, malaya kitamon a makasáddáp tu Lugar a Kabanalan dipo tu kákkatay ni Jesus.

Hebreo 10:4

Dipo u dige nu lállake hide a baka sakay nu kambing hide ay awan makapang-ibut tu kasalanan hide nu tolay.

Hebreo 13:12

Kaya konna labi hod, natay ti Cristo tu luwas nu banuwan tán malinis na u tolay tu kasalanan de hide tu pamamag-itan nu dige na.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

Hebreo 7:27

Awan siya kapareho nu agum hide a pinakapuno a saserdote a kailangan pa a magalay kada aldew. U purumero de a iyalay ay para tu sadile de a kasalanan, sakay káttapos ay para tu kasalanan nu katolayan. Pero ti Jesus ay pumensan la nagalay sakay awan dán kailangan a huwayán, itod ay nikuna a inyalay na u sadile na.

Hebreo 9:13

U dige nu kambing sakay nu toro sakay u abu nu dumalaga a baka ay iwasek-wasek tu tolay a madangát ti biyag. Káttapos ni itod ay mebilang dán hide a malinis ayun tu Kautusan.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

Hebreo 9:19

Dipo káttapos a inpakapospos ni Moises u Kautusan tu katolayan, ay inalap na u dige nu baka hide sakay kambing sakay hinaluwan na ti dinom. Nangalap siya ti madideg a langis sakay pinget ni hisopo, sakay insawsaw na itod tu dige a te halo a dinom. Sakay winasek-wasikan na u libro nu Kautusan sakay u tolay hide.

Hebreo 9:28

Konna labi hod, ti Cristo ay pumensan la a natay tán buhaán na u kasalanan nu tolay hide. Dumemát siya a huway, bakán a para tubusán a huway u kasalanan nu tolay nan tán iligtas na u magáohay hide nikuna.

Hebreo 9:7

Pero u makasáddáp la tu kaduwwa a bahagi ay u pinakapuno a saserdote sakay pumensan na la iye a gimitán ti sataon. Te tawed siya a dige a iyalay na tu Diyos, para tu kasalanan na hide sakay tu katolayan, tu nagimet de hide a kasalanan a awan de namalayan.

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.

Pahayag 5:9

Sakay mágkansiyon hide ti bigu a kansiyon, “Hiko u karapat-dapat a mangalap tu kasulatan a nalukot. Sakay mangibut tu selyo na hide. Dipo nabuno ka sakay tu pamamag-itan nu digi mo, ay tinubus mo para tu Diyos u atanan a tolay, gábwat tu kada lahe, upos, banuwan, sakay bansa.