Hebreo 9:11 - U Maganda A Baheta Ni Jesu-Cristo

¹¹ Pero dummemát dán ti Cristo a pinakapuno a saserdote nu bigu a kasunduwan. Nagserbi siya tu págsambaan a awan ti kapareho ti kadakila, awan ginimet ni tolay, sakay awan ti munduway.

Hebreo 9:11 ပူးပေါင်းရင်းမြစ်များ

Mateo 11:3

Tinanung de ti Jesus “Hiko beman a talaga u Cristo a áuhayán me oni magguhay kami pa ti iba?”

Mateo 2:6

‘U lugar a Betlehem a sakup ti Juda ay mas tanyag nan tu agum a banuwan ti Juda, dipo hod a meenak u puno a mamahala sakay magpospos tu tolay ko hide a Israelita.’ ”

Markos 14:58

“Nasaneg me a kinagi na, ‘Hábbaán ko u Templo a ginimet ni tolay, pero tu alay nu tállo a aldew ay maggimiták ti bigu a Templo a awan magimet ni tolay.’”

Juan 1:14

Nagin tolay u Upos sakay nákpágyan siya nikitam. Netan me u kapangyariyan na sakay kadakilaan na, bilang kaessa-essa a anak nu Ama. Hod nikuna u págmahal sakay u katapatan, sakay atanan nu kinákkagi na ay tatahoden.

Juan 4:25

Nadid, kinagi nu bábbey, “Tukoy ko a pademát u Mesias a dáddulawán a Cristo. Káddemát na ay siya u mángpaliwanag nikame tu atanan a bagay.”

Gimet 7:48

Konna pa man hod u Kataas-taasan a Diyos ay awan mámmágyan tu bilay a ginimet nu tolay, ayun tu kinagi nu prupeta:

2 Corinto 4:18

Kaya awan me pahalagaan u bagay hide a ketan nan tu bagay hide a awan ketan. Dipo pansandaliyan la u bagay hide a ketan, pero awan ti kahád u bagay hide a awan ketan.

2 Corinto 5:1

Nadid, tukoy tam a masida u bággi tam a luta a kumán a bilay a páppágyanan tam mentaras a katoy kitam palla ti munduwáy. Pero tukoy tambe a te inhanda u Diyos a para nikitam a bággi a panglanget. Iye ay awan mata-matay magpakahanggan dipo iye ay ginimet nu Diyos, bakán a ginimet nu tolay.

Colosas 2:11

Dipo tu pákpagkaessa moy ni Cristo, ay kumán kamon a nature. Pero bakán a tu págture a gimitán nu tolay nan u págture a gábwat ni Cristo, a awan ti agum nan tu páng-adág tu mágkadukás a kagustuwan nu bággi.

Hebreo 10:1

U Kautusan ay mage-anino la, bakán a tatahoden a letrato nu mágkaganda a bagay a dumemát. Awan iye mangpabanal tu umadene hide tu Diyos a magalay kada taon.

Hebreo 12:27

U upos a, “Pumensan pa,” ay maliwanag a mángpatukoy a ibutan nu Diyos u bagay hide a mayanág, tán manatile u bagay hide a awan mayanág.

Hebreo 13:14

Dipo bakán a ti lutaáy u talaga a lugar tam, nan tehod kitam a áohayán a lugar a págyanan tam tu dumemát a panahun.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.

Hebreo 7:1

Ti Melquisedek ay hare ti Salem sakay saserdote nu Kataasan a Diyos. Nikuna a pasole dán ti Abraham a gábwat tu págpuksa tu hare hide ay tinagbu siya ni Melquisedek sakay kinagi na, “Pagpalaán ka nu Panginoon.”

1 Juan 5:20

Tukoy tam a immangay dán he u Anak nu Diyos sakay inatádden na kitam ti pággintendi tánni matukuyan tam u tatahoden a Diyos. Sakay katoy kitam tu tatahoden a Diyos, tu Anak na a ti Jesu-Cristo. Siya u tatahoden a Diyos sakay u Biyag a awan ti Kahád.

2 Juan 1:7

Nadid, makpal dán ti munduwáy u manglinlang hide, magtoldu hide a ti Jesu-Cristo ay awan nagin tolay. U konna hod hide a tolay ay máglinlang sakay kontara ni Cristo.