Hebreo 8:6 - U Maganda A Baheta Ni Jesu-Cristo

⁶ Pero u tungkulin a neatád ni Jesus, ay mas dakila nan u neatád a tungkulin tu agum a saserdote. Dipo siya u mángtaknág tu bigu a kasunduwan a mas maganda, sakay pinatibay iye nu Diyos tu pananto na.

Hebreo 8:6 ပူးပေါင်းရင်းမြစ်များ

Lukas 22:20

Sakay konna bi hod u ginimet na tu tasa a te alak, sakay kinagi na, “I mainuman iye ay tanda nu bigu a kasunduwan nu Diyos a pinatibay nu dige ko a mebuhus dipo nikam.

Roma 9:4

Bilang Israelita ay inturing hide nu Diyos a anak na, impeta na nide u kadakilaan na, naggimet u Diyos ti kasunduwan nide, inyatád na nide u Kautusan, tinolduwan na hide tu tama a págsamba sakay makpal a pananto u Diyos nide.

Efeso 2:12

Isipán moy a ti panahunan itod ay hiwalay kam be ni Cristo, awan kam kasale tu banuwan nu Israel sakay awan kasale tu kasunduwan nu Diyos a inpanantu na hide. Tu itod ay nabiyag kam ti munduwan iye a awan ti pag-asa sakay awan ti Diyos.

1 Timoteo 2:5

a tehhod a eessa a Diyos sakay tehhod be a eessa a mángtaknág tu tolay tu Diyos, u tolay a ti Jesu-Cristo.

Tito 1:2

U pánnampalataya sakay pakkaunawa a iye u mangatád tu pag-asa tam a matanggap tam u biyag a awan ti kahád a inpananto nu Diyos bagu na a linalang i munduwáy. Siya u Diyos a awan mágbule-bule.

Hebreo 12:24

Sakay umadene kitam ni Jesus, u tagasuhog tu bigu a kasunduwan. Sakay nákkaguman kamon tu kapatawaden nu kasalanan dipo tu nebuhus a dige ni Cristo. Awan iye kapareho nu kákkebuhus nu dige ni Abel a mangaged ti katarungan.

Hebreo 7:22

Dipo ni Jesus ay nakasiguradu kitamon tu mas maganda a kasunduwan.

2 Pedro 1:4

Tu pamamagitan nu kapangyariyan na, ay nagpananto siya tu bagay hide a mahalaga sakay makataka-taka para magkahod kitam ti ugale a konna tu ugale nu Diyos, sakay para makaiwas kitam tu mágkadukás hide a gimet ti munduway.