Hebreo 8:2 - U Maganda A Baheta Ni Jesu-Cristo

² Magserbi siya bilang pinakapuno a saserdote hod tu lugar a Banal, lugar a bakán a ginimet ni tolay nan u Panginoon.

Hebreo 8:2 ပူးပေါင်းရင်းမြစ်များ

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Roma 15:8

Dipo kagiyán ko nikam a pinaangay nu Diyos ti Cristo ti lutaáy para magserbi tu Judio hide sakay para mepeta na a tapat u Diyos tu pángtupad na tu pananto na hide tu ninuno de hide.

2 Corinto 5:1

Nadid, tukoy tam a masida u bággi tam a luta a kumán a bilay a páppágyanan tam mentaras a katoy kitam palla ti munduwáy. Pero tukoy tambe a te inhanda u Diyos a para nikitam a bággi a panglanget. Iye ay awan mata-matay magpakahanggan dipo iye ay ginimet nu Diyos, bakán a ginimet nu tolay.

Colosas 2:11

Dipo tu pákpagkaessa moy ni Cristo, ay kumán kamon a nature. Pero bakán a tu págture a gimitán nu tolay nan u págture a gábwat ni Cristo, a awan ti agum nan tu páng-adág tu mágkadukás a kagustuwan nu bággi.

Hebreo 10:11

Balang saserdote ay aldew-aldew a magserbi sakay magalay ti konna labe hod a alay, pero awan labe itod hide makaibut ti kasalanan.

Hebreo 10:21

Sakay tehhod kitam a dakila a kataasan a saserdote a mamahala tu pinile hide nu Diyos,

Hebreo 11:10

Dipo áohayán ni Abraham u essa a banuwan a matibay u pundasiyon a mismo u Diyos u nagplano sakay nángtatag.

Hebreo 9:1

U dipalongo a kasunduwan ay tehhod a patakaran tu págsamba sakay tu págsambaan a katoy ti lutaáy.

Pahayag 21:3

Sakay nasaneg ko u mabegsák a boses a gábwat tu trono, kinagi na, “Ilingán moy kapisan dán nu Diyos u katolayan tu páppágyanan na! Mákpágyan dán siya nide sakay magin banuwan na dán hide. Sakay pirme di dán a kakaguman u Diyos sakay siya dán u eessa a Diyos de.