Hebreo 8:13 - U Maganda A Baheta Ni Jesu-Cristo

¹³ Nikuna a kagiyán nu Diyos u bigu a kasunduwan, ay pinawanan na ti bisa u date. Sakay u ánya man a mawanan ti bisa sakay dati dán ay adene dán a mawan.

Hebreo 8:13 ပူးပေါင်းရင်းမြစ်များ

Mateo 24:35

Mawan u langit sakay u luta pero u upos ko hide ay awan mawan.”

Lukas 22:20

Sakay konna bi hod u ginimet na tu tasa a te alak, sakay kinagi na, “I mainuman iye ay tanda nu bigu a kasunduwan nu Diyos a pinatibay nu dige ko a mebuhus dipo nikam.

1 Corinto 13:8

Mawan u kakayanan a magpahayag tu upos nu Diyos, mawan u kakayanan a magupos ti iba-iba a upos sakay mawan u karunungan, pero u págmahal ay awan ti kahád.

2 Corinto 3:6

Inatádden na kame ti kakayanan para ipangaral u tungkul tu bigu na a tipan. Sakay i ipáppangaral miyan iye ay awan neayun tu nakasulat tu Kautusan nan tu Ispirito. Dipo u iyatád nu nakasulat a Kautusan ay kamatayan, pero u Ispirito ay mangatád ti biyag.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

Hebreo 1:11

Iye hide ay mawan, Magin háppot hide a atanan a konna tu damit, pero hiko ay awan mamawan.

Hebreo 12:24

Sakay umadene kitam ni Jesus, u tagasuhog tu bigu a kasunduwan. Sakay nákkaguman kamon tu kapatawaden nu kasalanan dipo tu nebuhus a dige ni Cristo. Awan iye kapareho nu kákkebuhus nu dige ni Abel a mangaged ti katarungan.

Hebreo 7:22

Dipo ni Jesus ay nakasiguradu kitamon tu mas maganda a kasunduwan.

Hebreo 8:6

Pero u tungkulin a neatád ni Jesus, ay mas dakila nan u neatád a tungkulin tu agum a saserdote. Dipo siya u mángtaknág tu bigu a kasunduwan a mas maganda, sakay pinatibay iye nu Diyos tu pananto na.

Hebreo 8:8

Pero netan nu Diyos u liwat nu tolay hide, kanya kinagi na, “Dumemát u aldew hide, a mákpagkasunduwanák ti bigu tu Israelita hide sakay tu lahe ni Juda.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.