Hebreo 7:6 - U Maganda A Baheta Ni Jesu-Cristo

⁶ Ti Melquisedek ay awan gábwat tu lahe ni Levi, pero nakatanggap siya ti ikapo a gábwat ni Abraham. Pinagpala na pa ti Abraham a pinanantuwan nu Diyos.

Hebreo 7:6 ပူးပေါင်းရင်းမြစ်များ

Gimet 3:25

U impananto hide nu Diyos a kinagi nu prupeta na hide ay para nikam a Judio hide, sakay kaguman kam tu kasunduwan a ginimet nu Diyos tu ninuno tam hide, dipo kinagi na ni Abraham, ‘Pagpalaán ko u atanan a tolay ti munduwáy tu pamamag-itan nu essa a tolay a maggábwat tu lahe mo.’

Roma 4:13

Impananto nu Diyos ni Abraham sakay tu lahe na hide a hide u mangmana ti munduway. U pananto a iye ay inyatád nu Diyos ni Abraham bakán a dipo tu kássunud na tu Kautusan, nan dipo inbilang siya nu Diyos a matuwid tu pamamag-itan nu pánnampalataya na.

Roma 9:4

Bilang Israelita ay inturing hide nu Diyos a anak na, impeta na nide u kadakilaan na, naggimet u Diyos ti kasunduwan nide, inyatád na nide u Kautusan, tinolduwan na hide tu tama a págsamba sakay makpal a pananto u Diyos nide.

Galacia 3:16

U Diyos ay nagpananto ni Abraham, sakay tu apu na. Awan nesulat tu Kasulatan a, “Tu apo mo hide,” a u gusto na a kagiyan ay makpal a apo. Nan u nakasulat ay, “Essa tu apo mo hide,” a u gusto na a kagiyan ay eessa la a apo, awan ti agum nan ti Cristo.

Hebreo 11:13

Natay hide a atanan a tehhod a pánnampalataya tu Diyos. Awan de natanggap u inpananto nu Diyos pero natannaw de itod tu adeyo. Inturing de u sadile de a dayuhan la ti munduwan iye.

Hebreo 11:17

Dipo tu pánnampalataya ni Abraham, ay inyalay na ti Isaac nikuna a subukán siya nu Diyos. Handa siya a máng-alay tu mággeessa na a anak, maski tukoy na a u pananto nikuna nu Diyos

Hebreo 7:1

Ti Melquisedek ay hare ti Salem sakay saserdote nu Kataasan a Diyos. Nikuna a pasole dán ti Abraham a gábwat tu págpuksa tu hare hide ay tinagbu siya ni Melquisedek sakay kinagi na, “Pagpalaán ka nu Panginoon.”

Hebreo 7:7

Tukoy tam a atanan a mas mataas u mangatád ti págpapala nan tu pinagpala.