Hebreo 7:26 - U Maganda A Baheta Ni Jesu-Cristo

²⁶ Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Hebreo 7:26 ပူးပေါင်းရင်းမြစ်များ

Mateo 27:18

Dipo tukoy ni Pilato a seni u dahilan de ni bakin a inyangay de nikuna ti Jesus.

Markos 16:19

Nadid káttapos ni Jesus a nagupos nide ay inyontok siya ti langet sakay nággetnod tu kawanan nu Diyos.

Lukas 1:35

Timmábbeg u anghel, “Angay niko u Banal a Ispirito sakay lenduman ka nu kapángyariyan nu Diyos. Dipo ti iye, u iyenak mo ay banal sakay dulawán siya a Anak nu Diyos.

Lukas 23:22

Pumentállo a kagiyán nide ni Pilato a, “Ánya beman i ginimet naay a madukás? Awanák ti ketan a dahilan para ipabuno ko siya. Ipalatigu ko dálla siya sakay palayaán.”

Lukas 23:41

pero hikita la a duwwa la u dapat maparusaan ti kamatayan dipo tu ginimet ta hide a kasalanan. Pero i tolayan iye ay awan ti ginimet a madukás.”

Lukas 23:47

Nikuna ketan nu kapitan nu sundalo hide u nangyare ay nagpure siya tu Diyos. “Talaga a malinis i tolayan iye!” kagi na.

Lukas 24:26

Awan beman kailangan madanas nu Cristo u atanan a paghihirap a iye bagu na a matanggap u marangal na a páppágyanan ti langet?”

Lukas 24:46

Sakay kinagi na nide, “Konna he u nesulat, ‘Kailangan a maghirap sakay matay u Cristo sakay mabiyag a huway tu katállo a aldew.’

Juan 14:30

Awan ku dán pakaatakdugán i kákkagiyán kuwáy nikam, dipo pademát dán ti Satanas a siya u maghare ti munduwáy, pero awan siya ti kapangyariyan nikán.

Juan 8:29

Pirme ko a kakaguman u nangpaangay he nikán, sakay awanák na páppabayan a mágge-essa, dipo pirme ko a gimitán u bagay hide a makasaya nikuna.”

Gimet 3:14

Inadiyan moy u Banal a awan ti kasalanan, mas ginusto moy pa a paluwasan tu págpiresuwan ti Barabas a essa a mágbabono.

Gimet 4:27

Natupad ngani iye nikuna a nagkaessa di Herodes ay ti Poncio a Pilato, kaguman u Hentil hide sakay u buo a Israel. Nagkaessa hide kontara ni Jesus a banal a pinile mo a tagapagserbi.

2 Corinto 5:21

Maski nikan ay awan nagkasala ti Cristo, pero dipo nikitam, ay nebilang siya a makasalanan tánni meturing kitam nu Diyos a matuwid tu atubang na tu pamamag-itan nu pákpágkaessa tam ni Cristo.

Hebreo 1:3

U Anak u mángpeta tu kaluwalhatian nu Diyos. Dipo ni ánya u Diyos ay konna bihod u Anak. Siya u mangalaga tu buu a mundu tu pamamag-itan nu upos na a makapangyariyan. Káttapos na a linisan u kasalanan tam hide, ay simmole siya ti langet sakay nággetnod tu kawanan nu makapangyariyan a Diyos.

Hebreo 12:2

Ituun tam u pangileng tam ni Jesus a naggábwatan nu pánnampalataya tam sakay nangpatupad ti iye. Dipo tu kasayaan a magáohay nikuna ay awan na ingkasanike a matay tu kudus, sakay siya nadid ay mággetnod tu kawanan nu trono nu Diyos.

Hebreo 2:10

U Diyos u nanglalang tu atanan a bagay para tu kaluwalhatian na. Kanya karapat-dapat u ginimet nu Diyos a pinakultaden na a maghirap ti Jesus para magin ganap ti Jesus sakay magimet na u dapat bilang paggábwatan nu kaligtasan. Ti konna hod ay makapagtawed siya ti makpal a tolay tu kaluwalhatian na.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

Hebreo 7:11

U Kautusan ay inyatád nu Diyos tu Israelita hide tán magin ganap hide. Ni u pagin ganap ay natanggap tamon, tu pamamag-itan nu saserdote a gábwat tu lahe ni Levi ay awan dán nakwa kailangan u iba a saserdote, ayun tu pagkasaserdote ni Melquisedek a iba tu pagkasaserdote ni Aaron.

Hebreo 8:1

Iye u gusto me a kagiyán: tehhod kitam a pinakapuno a saserdote a mággetnod tu kawanan nu trono nu Kataas-taasan a Diyos ti langet.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

1 Pedro 1:19

Nan u nangtubus na nikitam ay u dige ni Cristo. Siya u konna tu tupa a awan ti dangát sakay kapintasan, a ne alay tu Diyos tánni matubus u kasalanan nu tolay.

1 Pedro 2:22

Maski nikan ay awan siya nagkasala sakay nagbule-bule.

1 Pedro 3:22

Ti Cristo ay katoy dán ti langet sakay mággetnod dán tu kawanan nu Diyos. Maghare siya hod nadid tu anghel hide sakay tu agum pa hide a tehhod a kapangyariyan ti langet.

1 Juan 2:2

Inyalay ni Cristo u bággi na para mapatawad u kasalanan tam hide, sakay bakán la a u kasalanan tam hide nan pate u kasalanan nu atanan a tolay.

1 Juan 3:5

Tukoy moy a ti Cristo ay awan ti kasalanan sakay kaya he siya a immangay ay para ibutan u kasalanan tam hide.

Pahayag 3:7

Isulat mo be iye tu anghel nu gurupo nu mánnampalataya hide ti Filadelfia: Iye u pekagi nu banal sakay u tatahoden, hod nikuna u susi oni kapangyariyan a nagsapul tu pághare ni David. Siya u maghatul ni ti deya u makasaddáp tu kahariyan na, nan awan ti makapángsiradu tu binukasan na, sakay awan ti makapangbukas tu siniraduwan na: