Hebreo 7:25 - U Maganda A Baheta Ni Jesu-Cristo

²⁵ Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

Hebreo 7:25 ပူးပေါင်းရင်းမြစ်များ

Juan 14:13

Sakay maski ni ánya u agidán moy tu Diyos, tu pamamag-itan nu ngahan ko ay iyatád na, para maparangalan u Ama ko dipo nikán a Anak na.

Juan 14:16

Sakay magdasalák tu Ama a atádden nakam ti Banal a Ispirito, siya u Tagagiyya nikam, kaguman moy siya a hanggan-hanggan.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Roma 5:2

Tu pamamag-itan ni Jesus sakay dipo tu pánnampalataya tam ay mabati tamon u habag na sakay masaya kitamon dipo tu pag-asa tam a makahate kitam tu kadakilaan nu Diyos.

Roma 8:34

Awan be ti makahatul nikitam a dapat kitam a maparusaan dipo ti Cristo Jesus dán a mismo u hinatulan a matay para nikitam. Sakay bakán la a ina; nan biniyag siya a huway sakay nadid ay hod dán siya tu kawanan nu Diyos sakay siya u mamagitan para nikitam.

1 Corinto 1:21

Sigun tu karunungan nu Diyos, ay awan na impahintulut a matukuyan siya nu tolay tu pamamag-itan nu karunungan ni munduwan iye. Nan, inligtas na u manalig hide nikuna tu pamamag-itan nu Maganda a Baheta a ipáppangaral me a tu pangileng nu agum ay awan ti kabuluhan.

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

Efeso 3:12

Dipo tu pákpagkaessa sakay pánnampalataya tam ni Cristo Jesus, ay malaya kitamon a makaadene tu Diyos a awan ti ánteng oni págduwwa-duwwa.

Efeso 3:20

Nadid, puriyán tam u Diyos a makagimet tu higit pa tu agidán sakay isipán tam hide, tu pamamag-itan nu kapangyariyan na a magahikad nikitam.

Filipos 3:21

Káddemát ni itod a aldew ay baguwán na u mágkahina sakay matay a bággi tam sakay gimitán na a makalanget a konna tu bággi na. Gimitán na iye tu pamamag-itan nu kapangyariyan na a nangsakup na tu atanan a bagay.

1 Timoteo 2:5

a tehhod a eessa a Diyos sakay tehhod be a eessa a mángtaknág tu tolay tu Diyos, u tolay a ti Jesu-Cristo.

2 Timoteo 1:12

Ina u dahilan kaya maghirapák ti konna he. Pero maskin konna pa man hod u nangyare nikán, ay awan ko iye ikasanike. Dipo tukoy ko nitideya u sinampalatayaan ko sakay siguraduwák a awan na pabayan u impagkatiwala ko nikuna hanggan tu aldew a kássole na.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Hebreo 13:15

Kanya pirmi kitam a magalay ti papure tu Diyos tu pamamag-itan ni Jesus, papure a mángkagi tu pákkatukoy tam tu ngahan na.

Hebreo 2:18

Dipo naranasan na a tinokso sakay naghirap, kanya matulungan na be nadid u toksuwán hide.

Hebreo 2:9

Pero tukoy tam ti Jesus, maski ni nebaba ti sabadit a panahun tu anghel hide, ay naatádden ti karangalan sakay kaluwalhatian dipo tu kákkatay na. Dipo tu habag nu Diyos nikitam ay ingkaluub na a matay ti Jesus para nikitam a atanan.

Hebreo 5:7

Nikuna a katoy palla ti Jesus ti lutaáy, ay insanget na a magdasal sakay nákkekagbi tu Diyos a makapángligtas nikuna tu kamatayan. Kanya tinábbeg siya nu Diyos dipo tatahoden u págpakababa na.

Hebreo 7:16

Nagin saserdote siya dipo tu kapangyariyan na dipo u biyag na ay awan ti kahád, bakán a dipo tu lahe a konna tu patakaran nu Kautusan.

Hebreo 7:19

Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.

Hebreo 7:24

Pero ti Jesus ay biyag hanggan-hanggan, kanya awan ti katapusan u pagkasaserdote na.

Hebreo 7:8

U Levita hide a tumanggap ti ikapo ay matay; pero pinatunayan nu Kasulatan a biyag ti Melquisedek.

Hebreo 9:24

Dipo ti Cristo ay awan simmáddáp tu Lugar a Kabanalan a ginimet ni tolay, sakay mageletrato la nu tatahoden, nan tu lugar a kabanalan ti langet. Nadid ay katoy dán siya tu atubang nu Diyos a mamag-itan para nikitam.

Judas 1:24

Puriyán tam nadid u kaessa-essa a Diyos tam a Tagapagligtas! Siya u mangtáttawed nikitam tánni awan kitam magkasala sakay siya u makapáng-adene nikitam tu atubang na a awan ti kapintasan sakay makapangatád ti kasayaan.