Hebreo 7:19 - U Maganda A Baheta Ni Jesu-Cristo

¹⁹ Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.

Hebreo 7:19 ပူးပေါင်းရင်းမြစ်များ

Juan 1:17

Pero inyatád nikitam nu Diyos u Kautusan tu pamamag-itan ni Moises, pero u kagbi sakay u tatahoden ay neatád nikitam tu pamamag-itan ni Jesu-Cristo.

Juan 14:6

Timmábbeg ti Jesus nikuna, “Hikán u dilan, u tatahoden, sakay u biyag. Awan ti makaangay tu Ama ni awan tu pamamag-itan ko.

Gimet 13:39

Sakay u atanan nu summampalataya hide nikuna ay napatawad dán tu atanan nu kasalanan de a awan mapatawad maski tu págsunud tu Kautusan hide ni Moises.

Roma 5:2

Tu pamamag-itan ni Jesus sakay dipo tu pánnampalataya tam ay mabati tamon u habag na sakay masaya kitamon dipo tu pag-asa tam a makahate kitam tu kadakilaan nu Diyos.

Roma 7:7

U gusto na beman a kagiyán ay madukás u Kautusan? Awan! Dipo awan ko nakwa natukuyan u kasalanan ni awan u Kautusan. Awan ko nakwa natukuyan ni ánya u pagin sakim ni awan kinagi nu Kautusan, “Dyan ka magin sakim.”

Roma 8:3

U Kautusan ay awan makapangibut tu kapangyariyan nu kasalanan tu biyag tam dipo tu kahinaan nu makasalanan tam a pagkatolay. U Diyos u nangibut nikuna a pinaangay nahe u sadile na a anak a konna tu essa a tolay a makasalanan tánni magin alay para tu kasalanan tam. Sakay nikuna a nagin tolay siya ay tinapos nu Diyos u kapangyariyan nu kasalanan.

Galacia 2:16

Pero tukoy me a imbilang dán nu Diyos u tolay a awan ti kasalanan tu pamamag-itan nu pánnampalataya na ni Jesu-Cristo bakán a tu kássunud tu kautusan. Kanya ngane, summampalataya kami be ni Jesu-Cristo tánni meturing kame a matuwid tu pamamag-itan nu pánnampalataya nikuna, bakán a tu kássunud tu kautusan. Dipo awan ni ti deyaman u meturing a matuwid tu pamamag-itan la nu kássunud tu kautusan.

Galacia 3:21

Gusto bemanay ni iye a kagiyán ay kontara tu pananto hide nu Diyos u Kautusan? Awan, dipo u Kautusan sakay u pananto ay awan magkapareho ti layunin. Bakán a u págsunud tu Kautusan u dahilan para u tolay ay meturing a matuwid kaya bakán a u Kautusan u makapangatad ti biyag a awan ti kahad.

Galacia 3:24

Kanya ngane u Kautusan u itáttoldu nikitam hanggan tu káddemát ni Cristo, para matukuyan tam ani dumemát dán siya ay dapat kitam a sumampalataya nikuna dipo meturing kitam la a matuwid tu pamamag-itan nu pánnampalataya tam nikuna.

Efeso 3:12

Dipo tu pákpagkaessa sakay pánnampalataya tam ni Cristo Jesus, ay malaya kitamon a makaadene tu Diyos a awan ti ánteng oni págduwwa-duwwa.

Colosas 1:27

Ginusto nu Diyos a ihayag tu atanan a tolay u dakila sakay makataka-takaan iye a planu na, a awan ti agum nan ti Cristo a katna nikam. Dipo nikuna ay nakasigudu kitam tu pag-asa tam a makaguman kitam tu kahariyan nu Diyos.

1 Timoteo 1:1

Gábwat iye a sulat nikán a ti Pablo a apostol ni Jesu-Cristo ayun tu utus nu Diyos a Tagapagligtas tam sakay ni Cristo Jesus a pag-asa tam.

Hebreo 10:1

U Kautusan ay mage-anino la, bakán a tatahoden a letrato nu mágkaganda a bagay a dumemát. Awan iye mangpabanal tu umadene hide tu Diyos a magalay kada taon.

Hebreo 11:40

Iye ay dipo tehhod a mas maganda a plano u Diyos para nikitam, dipo gusto na a makaguman de kitam ni tupadán na dán u impanananto na nide a hide ay magin ganap.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Hebreo 4:16

Kanya diyan kitam magduwwa-duwwa a umadene tu trono nu makákkagbiyán a Diyos, tán matanggap tam u kagbi na sakay habag na tu panahun a kailangan tam u tulung.

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.

Hebreo 7:11

U Kautusan ay inyatád nu Diyos tu Israelita hide tán magin ganap hide. Ni u pagin ganap ay natanggap tamon, tu pamamag-itan nu saserdote a gábwat tu lahe ni Levi ay awan dán nakwa kailangan u iba a saserdote, ayun tu pagkasaserdote ni Melquisedek a iba tu pagkasaserdote ni Aaron.

Hebreo 7:20

I biguwan iye a pag-asa ay mas maganda dipo iye u sinumpaan nu Diyos. Awan siya simmumpa nikuna a gimitán na a saserdote u lahe hide ni Levi.

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

Hebreo 8:6

Pero u tungkulin a neatád ni Jesus, ay mas dakila nan u neatád a tungkulin tu agum a saserdote. Dipo siya u mángtaknág tu bigu a kasunduwan a mas maganda, sakay pinatibay iye nu Diyos tu pananto na.

Hebreo 9:9

Itod hide ay mage anino la, u gusto na a ipakapospos ay u panahun nadid a kasalukuyan. U kaluub hide sakay u alay hide hod ay awan makapangpabanal tu sumamba hide.

Santiagu 4:8

Umadene kam tu Diyos tánni umadene siya nikam. Kanya hikam a makasalanan hide, iyemang moy dán u pággagimet ti madukás, sakay u pabagu-bagu hide ti isip, diyan kamon magduwwa-duwwa ti isip a sumunud tu Diyos.