Hebreo 7:16 - U Maganda A Baheta Ni Jesu-Cristo

¹⁶ Nagin saserdote siya dipo tu kapangyariyan na dipo u biyag na ay awan ti kahád, bakán a dipo tu lahe a konna tu patakaran nu Kautusan.

Hebreo 7:16 ပူးပေါင်းရင်းမြစ်များ

Roma 7:14

Tukoy tam a u Kautusan ay maganda dipo gábwat tu Banal a Ispirito nu Diyos. Pero hikán ay makamundu, sakay alipin nu kasalanan.

Galacia 4:3

Konna labe nikitam, nikuna a awan kitam palla mánnampalataya ni Cristo, alipin kitam palla nu toldu hide ti munduwáy.

Galacia 4:9

Pero nadid a matengge moy dán u Diyos, o mas maganda a kagiyán a, matengge kamon nu Diyos, bakin a soliyán moy dámman u baka-bakán hide a toldu ni munduwáy? Bakin a gusto moy dámman a paalipin a huway ti itod hide a bagay?

Colosas 2:14

Tehhod kitam nakwa a panagutan tu Diyos dipo awan tam natupad u Kautusan. Pero imbut iye nu Diyos tu pamamagitan nu kákkepako ni Cristo tu kudus. Kaya awan na kitamon parusaan.

Colosas 2:20

Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,

Hebreo 10:1

U Kautusan ay mage-anino la, bakán a tatahoden a letrato nu mágkaganda a bagay a dumemát. Awan iye mangpabanal tu umadene hide tu Diyos a magalay kada taon.

Hebreo 7:15

Mas lalo pa iye a nagin maliwanag nikuna a nagkahod ti iba a saserdote a kapareho ni Melquisedek.

Hebreo 7:17

Dipo konna he u kinagi nu Kasulatan tungkul nikuna, “Saserdote ka hanggan-hanggan, a konna tu pagkasaserdote ni Melquisedek.”

Hebreo 7:21

Pero simmumpa siya nikuna a gimitán na a saserdote ti Jesus, konna tu kinagi na, “Simmumpa u Panginoon a hiko u Saserdote hanggan-hanggan! Sakay awan magbabagu u isip na.”

Hebreo 7:28

U napile hide tu itod a saserdote a ayun tu Kautusan ay palagi a te kahinaan dipo tolay labe hide. Pero ayon tu pananto nu Diyos kinagi na a u mismu na a Anak u magin pinakapuno a saserdote hanggan-hanggan. Sakay awan siya ti kahinaan. I panantuwan iye nu Diyos ay dimodyan a dimmemát nan u Kautusan.

Hebreo 7:3

I Hariyan iye ay awan ti ama sakay ina kanya awan bi siya neenak sakay awan ti kamatayan. Konna siya tu Anak nu Diyos a saserdote hanggan-hanggan.

Hebreo 9:14

Pero mas dakál u magimet nu dige ni Cristo! Tu pamamag-itan nu awan ti katapusan a Ispirito ay inyalay na tu Diyos u sadile na bilang alay a awan ti kapintasan. U digi na u manglinis tu puso ay tu isip tam tán adággen tamon u gimet hide a awan ti kabuluhan sakay pagserbiyan tam u Diyos a biyag.

Pahayag 1:18

sakay Hikán u Biyag. Natayák pero ilingán mo, biyagák nadid sakay awanák dán mata-matay maski nikan. U kamatayan sakay u páppágyanan nu patay ay katoy dán tu disalad nu kapangyariyan ko.