Hebreo 6:9 - U Maganda A Baheta Ni Jesu-Cristo

⁹ Mahal me hide a amigu, maski ni konna he u kákkagiyán me, ay tukoy me a katoy kam ti maganda a kalagayan tungkul tu kaligtasan moy.

Hebreo 6:9 ပူးပေါင်းရင်းမြစ်များ

Markos 16:16

U sumampalataya sakay magpabawtismo ay maligtas, pero u umád a sumampalataya ay maparusaan.

Gimet 11:18

Nikuna masaneg di iye ay awan dán hide nagbaháng nan nagpure hide tu Diyos, kinagi de “Ni konna hod ay inatádden be nu Diyos u Hentil hide ti pagkakataun a magsise tu kasalanan de sakay magbagu tánni maligtas.”

Gimet 20:21

Impangaral ko tu Judio hide sakay tu Griego hide a dapat de adággen u kasalanan de sakay magsole tu Diyos sakay sumampalataya tu Panginoon tam a ti Jesu-Cristo.

1 Corinto 10:14

Kaya ngane, kákkapatkákka ko hide, dyan kam sumamba tu diyos-diyosan hide.

2 Corinto 12:19

Akala moy beman ay isuhog ko u sadile ko? Awan! Mahal me hide a kákkapatkákka, kagiyán ko nikam nadid tu atubang nu Diyos sakay bilang alipin ni Cristo, a atanan nu gággimitán ko ay para bumegsák u pánnampalataya moy.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

2 Corinto 7:10

Dipo u kalungkutan a ayun tu kaluuban nu Diyos, u mánggiya nikam tánni magsise sakay magbagu, para maligtas kam. U konna he a kalase ni kalungkutan ay awan pagsisiyan. Pero u kalungkutan nu bakán hide a taga sunud nu Diyos ay kamatayan u demáttán na dipo awan ti págsise.

Galacia 5:6

Tu nákpagkaessa dán ni Jesu-Cristo ay awan dán mahalaga ni awan nature oni nature u essa a tolay. U mahalaga ay u pánnampalataya ni Cristo a ketan tu gimet dipo tu págmahal.

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.

Hebreo 10:39

Pero awan kitam kasale tu immadág hide sakay nepahamak, nan tu sumampalataya hide tu Diyos sakay tu nágkaligtas hide.

Hebreo 2:3

Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.

Hebreo 5:9

Nikuna a nagin ganap dán siya, ay siya u naggábwatan nu awan ti katapusan a kaligtasan nu atanan a sumunud nikuna.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

1 Pedro 2:11

Kákkapatkákka ko hide, bakán a munduwáy u permamente tam a págyanan nan kumán kitam la a bisita ti iye. Kanya mákkekagbiyák nikam, adággen moy dán u mágkadukás a kagustuwan nu bággi moy dipo ina u mangsida tu kássunud moy tu Diyos.

2 Pedro 3:1

Mahal ko hide a kákkapatkákka, iye u kaduwwa ko a sulat nikam. Tu sulat ko hide, ay pinagsumakitan ko a lukagán u isip moy tu mágkaganda hide a gimet, tu pamamag-itan nu pág-paalaala nikam tu sangan hide a bagay.

1 Juan 2:7

Mahal ko hide a kákkapatkákka, bakán a bigu a utus u insulat ko nikam nan u date dán a utus a katoy dán nikam tu itod pa. Iye a mensahe ay nasaneg moy dán.

Judas 1:3

Mahal ko hide a kákkapatkákka, gugusto ko nakwa a magsulat nikam tungkul tu kaligtasan a natanggap tamon tu pamamag-itan nu pánnampalataya tam ni Jesus. Pero mas kailangan ko nadid a magsulat tungkul tu págpabegsák tán metaknág moy u pánnampalataya tam a kompleto a nepagkaluub nikitam ti pumensan.