Hebreo 6:4 - U Maganda A Baheta Ni Jesu-Cristo

⁴ Dipo kodya mo a mapagsise sakay pasoliyán u immadág dán hide tu pánnampalataya de? Nademlagan dán hide tu itod, naranasan di dán be u kaluub a gábwat ti langet, sakay nakatanggap be hide tu Banal a Ispirito.

Hebreo 6:4 ပူးပေါင်းရင်းမြစ်များ

Mateo 12:45

Kanya magehyok siya ti pitto a mas madukás pa nikuna sakay angay hide a atanan sumáddáp tu dati na a págyanan sakay mágyan hide hod. Kanya mas lalo a dumukás u kalagayan nu tolay nan tu date. Konna labe hina u magin karanasan moy dipo madukás kam a katolayan.”

Mateo 5:13

Kinagi pa ni Jesus nide “Hikam ay kumán a asen ti munduway. Ni mawan u lasa nu asen, awan dán ti paraan a mesoli pa u lasa na. Awan dán ti serbi u asen kaya ibut dálla sakay gággemmakan dálla nu katolayan.

Juan 15:6

U awan manatile nikán ay konna tu pinget a malanás sakay ibábbut, káttapos ay ipunán a ibut tu apoy para tutudán.

Juan 3:27

Timmábbeg ti Juan, “Awan ti magimet u tolay ni awan ipakultad nu Diyos.

Juan 4:10

Kinagi ni Jesus nikuna, “Ni tukoy mo la ni ánya u inyatád nu Diyos, sakay ni deya i mák-enomáy niko ay hiko pa u mák-enom nikuna tán painumán na ka tu dinom a makapangatád ti biyag.”

Juan 6:32

Kinagi nide ni Jesus, “Kagiyan ko nikam u tatahoden: Bakán a ti Moises u nangatád ti makan a gábwat ti langet, nan u Ama ko. Sakay siya be u mangatád nikam ti tunay a makan a gábwat ti langet.

Gimet 10:45

Nagtaka u mánnampalataya hide a Judio a kaguman ni Pedro, dipo nepagkaluub be tu bakán hide a Judio u Banal a Ispirito.

Gimet 11:17

Ni inatádden hide nu Diyos ti kaloob a konna tu inyatád na nikitam nikuna maniwala kitam tu Panginoon a ti Jesu-Cristo, deyaák para humadlang tu Diyos?”

Gimet 15:8

U Diyos a makatukoy tu isip nu balang essa i nángpatunayay a tinanggap na dán u Hentil hide nikuna inyatád na nide u Banal a Ispirito a konna labe nikitam.

Gimet 8:20

Tinábbeg siya ni Pedro, “Mepahamak ka a kaguman ni pilak muwe, dipo u akala mo ay mabale mo ti pilak u kaluub nu Diyos.

Roma 1:11

Gusto ko dán be a ketan takam, tánni mabahagiyan tu kaluub hide a ispiritwal para bumegsák kam.

2 Corinto 4:4

Awan hide summampalataya, dipo u isip de ay binuhák nu diyos ni munduwáy. Binuhák na hide tánni awan de ketan u demlag nu Maganda a Baheta tungkul tu demlag ni Cristo a kapareho nu Diyos.

2 Corinto 4:6

Dipo u Diyos mismo u nagkagi a, “Magkahod ti demlag tu kadiklámman.” Siya be u nangdemlag tu puso me hide tánni ketan me u kadakilaan nu Diyos a netan tu hupa ni Cristo.

Galacia 3:2

Saiye u gusto ko a itanung nikam: Tinanggap moy beman u Banal a Ispirito dipo tu kássunud moy tu Kautusan? Awan! Nan dipo simmampalataya kam tu nasaneg moy tungkul ni Cristo.

Galacia 3:5

Bakin inyatád nikam nu Diyos u Ispirito na? Bakin maggimet siya ti makataka-taka? Dipu beman tu kássunud moy tu Kautusan? Awan! Nan dipo tu pánnampalataya moy tu nasaneg moy tungkul tu Maganda a Baheta.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 2:8

Dipo tu habag nu Diyos ay naligtas kam tu pamamag-itan nu pánnampalataya moy ni Cristo. Iye a kaligtasan ay kaluub nu Diyos, bakán a gábwat nikam.

Efeso 3:7

Dipo tu kagbi nu Diyos, ay nagin tagapagserbiyák na para tu Maganda a Baheta tu pamamag-itan nu kapangyariyan na.

Efeso 4:7

Pero u bawat essa nikitam ay inátadden ni Cristo ti kaluub, ayun tu gustu na a inyatád.

1 Timoteo 4:14

Dyan mo páppabayan u inyatád niko nu Banal a Ispirito a kakayanan a inpagkatiwala na niko nikuna a itupo niko nu pinuno hide nu simbaan u kama-kamát de hide iye u kinagi nu prupeta a gimitan mo.

2 Timoteo 2:25

sakay tehhod siya a kahinahunan tu pángtama na tu mangkontara hide nikuna. Ta bakay tu konna he a paraan ay atádden hide nu Diyos ti pagkakataon a magsise sakay umadág tu kasalanan de hide, sakay matukuyan di pa u tatahoden.

2 Timoteo 4:14

Grabi't dukás u ginimet nikán ni Alejandro a mágpanday. U Panginoon dálla u bahala a magparusa nikuna tu ginimet na nikán.

Hebreo 10:32

Isipán moy u nangyare nikam tu itod, nikuna a pákkatanggap moy tu Maganda a Baheta. Nagdanas kam ti makpal a kahirapan pero awan kam natalo.

Hebreo 2:4

Pinatunayan be iye nu Diyos tu pamamag-itan nu senyal hide sakay iba-iba a makataka-taka a bagay, sakay tu pamamag-itan nu kaluub nu Banal a Ispirito a inyatád na a ayun tu kaluuban na.

1 Juan 5:16

Ni ti deyaman u maketa tu kapatkákka na a naggimet ti kasalanan a awan himmayun tu kákkatay ay ipagdasal na itod a kapatkákka tu Diyos a makapangatád nikuna ti bigu a biyag. Iye ay para tu kapatkákka hide a awan himmayun u kasalanan de tu kákkatay. Dipo tehhod a kasalanan a humayun ti kákkatay, pero awan ko kagiyán a ipagdasal moy u makán gimitán ti konna hod.