Hebreo 6:2 - U Maganda A Baheta Ni Jesu-Cristo

² tu bawtismo, tu págtupo ti kamát ni te ipagdasal, u kákkabiyag a huway, sakay tungkul tu pághatul nu Diyos tu tolay hide a makasalanan a hide ay maparusaan tu awan ti kahád.

Hebreo 6:2 ပူးပေါင်းရင်းမြစ်များ

Mateo 28:19

Kanya angay kam sakay gimitán moy a disepulus ko u atanan a tolay tu atanan a bansa. Bawtismuwan moy hide tu ngahan nu Ama sakay nu Anak sakay tu Banal a Ispiritu.

Mateo 3:14

Pero gusto ni Juan a hadlangan u plano ni Jesus kanya kinagi na nikuna “Hikán nakwa u kailangan a bawtismuwan mo pero nadid hiko pa u inumangay nikán.”

Markos 16:16

U sumampalataya sakay magpabawtismo ay maligtas, pero u umád a sumampalataya ay maparusaan.

Markos 7:4

Kággábwat de ti palengke ay awan hide kuman mentaras a awan hide makadigus. Sakay makpal palla hide a sunudán a kaugaliyan ni kodya u págguges tu iba de a kasangkapan.

Markos 7:8

Sássuwayán moy u utus nu Diyos, sakay u kaugaliyan nu tolay u sássunudán moy.”

Lukas 11:38

Nagtaka u Pariseo nikuna ketan na ti Jesus a kimman a awan naguges tu kamát na.

Lukas 12:50

Pero bagu iye mangyare ay magdanasák pa ti dakál a hirap. Mabalisaák dán mentaras awan palla iye matupad.

Lukas 14:14

Ni konna he u gimitán mo ay pagpalaan ka, dipo maski ni awan hide makagante niko, u Diyos u mangatád niko ti piremyo tu kákkabiyag a huway nu tolay hide a sumunud nikuna.”

Lukas 3:16

Pero timmábbeg ti Juan, “Bawtismuwan takam tu dinom, pero tehhod a dumemát a mas makapangyariyan nan hikán. Siya u mangbawtismo nikam tu Banal a Ispirito sakay tu apoy. Awanák dámmanla karapat-dapat a mangokbis tu sinelas na.

Juan 1:33

Tu itod ay awan ku be siya talaga kilala ni ti deya siya, pero u Diyos a nagutus nikán a magbawtismo ti dinom u nagkagi nikán, ‘Ni ketan mo a umogsad u Banal a Ispirito sakay mágyan tu essa a tolay, i tolayan ina ay magbawtismo ti Banal a Ispirito.’

Juan 5:29

Mabiyag hide a huway sakay lumuwas hide tu nelábbángngan de. Atanan a naggimet ti maganda ay magkahod ti biyag a awan ti kahád. Pero atanan a naggimet ti madukás ay mahatulan sakay maparusaan.”

Gimet 10:47

“Tehhod pa beman a makahadlang para bawtismuwan hide tu dinom? Konna labe hide nikitam a napagkaluuben ti Banal a Ispirito.”

Gimet 13:3

Káttapos de a magkulasyon sakay magdasal ay intupo de tu duwwa u kamát de sakay pinaghektat di dán hide.

Gimet 16:15

Sakay nagpabawtismo siya sakay tu buo na a pamilya. Káttapos ay inakit na kame, “Ni maniwala kam a tatahodinák dán a mánnampalataya tu Panginoon ay tumulos kam ti bilay.” Kanya tinanggap me u pággakit na.

Gimet 16:33

Sakay ti itod be a gibi ay lininisan nu guwardiya u talingu de, sakay nagpabawtismo siya pate u buo na a pamilya.

Gimet 17:18

Nákpagtábbegan be siya tu sangan a pinakamaisto a kasale tu gurupo nu Epicureo sakay Estoico. Tehhod be a sangan a nagkagi a, “Ánya wád i kákkagi-kagiyán ne ni mumaru-marunungay a tolay?” Kinagi be nu agum, “Mangaral wád tungkul tu agum a diyos nu taga iba a banuwan.” Konna hina u kagi de dipo nangaral ti Pablo tungkul ni Jesus sakay tu kákkabiyag a huway.

Gimet 2:38

Timmábbeg ti Pedro, “Kákkapatkákka ko hide, pagsisiyan moy dán sakay adeyuwan u kasalanan moy hide, sakay magpabawtismo kam tu ngahan ni Jesu-Cristo tánni mapatawad kam tu kasalanan moy hide, sakay pagkaluuben nakam tu Banal a Ispirito.

Gimet 2:41

Makpal u naniwala tu mensahe na sakay nagpabawtismo hide a agad. Ti itod a aldew ay mga tállo a libu a tolay u nedagdag tu mánnampalataya hide.

Gimet 23:6

Natukuyan ni Pablo a tehhod hod a Saduseo sakay Pariseo hide, kanya kinagi na ti mabegsák, “Kákkapatkákka ko hide, Pariseowák, anakák nu Pariseo hide. Naimbistigaanák nadid dipo tu pánniwala ko a mabiyag a huway u patay hide.”

Gimet 24:15

Konna nide, sumampalatayaák tu Diyos a huway na a biyagán u atanan a tolay, matuwid oni awan matuwid.

Gimet 24:21

U maare dila a ibintang nikán ay u impákhaw ko a konna he, ‘Imbistigaanák moy nadid dipo tu pánniwala ko a huway a mabiyag u patay hide.’”

Gimet 24:25

Pero nikuna ipaliwanag ni Pablo a dapat mabiyag a malinis u tolay, sakay magpugád tu sadile para awan magkasala, sakay impaliwanag nabe u tungkul tu pághatul a dumemát ay neántingan ti gobernador Felix. Kinagi na, “Maare ka dán a lumakad, ipadulaw taka dálla a huway ni tehhodák dámman a odas.”

Gimet 26:8

Bakin mahirap kam a maniwala a biyagán nu Diyos u nágkatay dán hide?

Gimet 4:2

Grabi u iyamut de tu duwwa a apostol dipo ibábbaheta de tu tolay hide a nabiyag a huway ti Jesus. Sakay iye u mángpatunay a mabiyag a huway u patay hide.

Gimet 6:6

Nikuna a inyatubang de hide tu apostol hide; ay impagdasal de sakay intupo de u kamát de nide.

Roma 2:16

Mangyare iye tu aldew a hatulan nu Diyos u atanan a sekreto nu tolay, tu pamamag-itan ni Jesu-Cristo, ayun tu Maganda a Baheta a itáttoldu ko.

1 Corinto 10:2

Ni konna hod, nabawtismuwan hide a atanan tu diklám sakay tu diget tánni magin tagasunud hide ni Moises.

1 Corinto 12:13

Dipo atanan tam, maskin Judio oni ni Griego, alipin man oni malaya, ay nabawtismuwan tu eessa a Ispirito tánni magin essa a bággi. Sakay atanan tam ay nakatanggap tu eessa a Ispirito.

2 Corinto 5:10

Dipo atanan tam ay umatubang ni Cristo, sakay hatulan na u ginimet tam hide maganda man oni madukás, mentaras biyag kitam palla he ti munduáy. Tanggapán nu balang essa u karapat-dapat a hatul ayun tu ginimet na.

Filipos 3:21

Káddemát ni itod a aldew ay baguwán na u mágkahina sakay matay a bággi tam sakay gimitán na a makalanget a konna tu bággi na. Gimitán na iye tu pamamag-itan nu kapangyariyan na a nangsakup na tu atanan a bagay.

Colosas 2:12

Sakay nikuna mabawtismuwan kamon, ay kumán kamon a nelábbáng a kaguman ni Cristo sakay nabiyag kam a huway a kaguman na dipo tu pánniwala moy tu kapangyariyan nu Diyos a nangbiyag nikuna a huway.

2 Timoteo 2:18

Limmise hide tu tatahoden sakay Itáttoldu de a tapus kanon u kákkabiyag a huway nu tolay hide a nágkatay. Dipo ti iye ay te agum a naniwala nide kaya nasida u pánnampalataya de.

Hebreo 11:35

Dipo tu pánnampalataya, ay nesole tu sangan a bábbey u mahal di hide ti biyag a nagkatay káttapos a biyagán a huway. U agum be ay umád de a palayaán hide, nan tiniis de u págpahirap nide, dipo tukoy de a maske matay hide ay huway labe hide a biyagán; sakay ibiyagan itod ay adeyo a masmaganda.

Hebreo 9:10

I gággimitán diyan itod hide ay tungkul la ti pagkain sakay inuman sakay tu sare-sare a kalase a páglinis. Kautusan hide a pangluwas a gumana la a hanggan a dumemat u bigu a paraan nu Diyos.

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.