Hebreo 5:14 - U Maganda A Baheta Ni Jesu-Cristo

¹⁴ Pero u maigát a kanán ay para tu mágkatanda dán hide sakay tukoy na dán u maganda ay tu madukás.

Hebreo 5:14 ပူးပေါင်းရင်းမြစ်များ

Mateo 5:48

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Roma 14:1

Nadid, tanggapán moy u kapatkákka moy a mahina ti pánnampalataya sakay dyan kam mákpagtalo tu pánniwala na hide.

1 Corinto 2:6

Pero tu mágkatatag dán hide tu ispiritwal a kákkabiyag, u itáttoldu me ay u karunungan nu Diyos, bakán a karunungan ni munduwan iye oni u tagapamahala hide ti panahunan iye a u kapangyariyan de ay lumipas.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 4:13

Tánni hikitam a atanan ay magkaessa tu pánnampalataya sakay tu pákkatukoy tu Anak nu Diyos, sakay tánni magin awan kitam ti kapintasan a konna ni Cristo.

Filipos 3:15

Dapat konna hina u magin isipan tam bilang mágkatatag dán ti pánnampalataya. Ni bakán be a konna hina u isip moy ay ipakapospos iye nikam nu Diyos.

1 Tesalonica 5:21

Pagadalan moy ti husto u toldu hide ni iye ay gabwat tu Diyos oni awan sakay ni anya u maganda ay sala itod u sunudan moy.

1 Timoteo 4:7

Dyan mo pagsayangan ti odas u awan hide ti kuwenta a bida sakay u awan tatahoden a istorya; nan sanayan mo u sadile mo a mabiyag ate kabanalan.

Hebreo 6:1

Kanya dapat kitam a lumagu sakay sapulan tam a pagadalan u maspa nan tu pangpurumero hide a adal a tungkul ni Cristo. Sakay magtulos-tulos kitamon tu adal hide a mágkadisalad. Awan tam kailangan a huway-huwayán u adal hide a tungkul tu káadág tu gimet hide a awan maganda tu pangileng nu Diyos, sakay tungkul tu pánnampalataya tu Diyos,

Santiagu 3:2

Atanan tam ay pirme a magkamale. U tolay a awan magkamale tu pággupos na ay essa dán siya a ganap a tolay dipo tukoy na a pugáddan u sadile na.