Hebreo 5:13 - U Maganda A Baheta Ni Jesu-Cristo

¹³ U mabiyag hide ti gatas ay anak palla a badit, awan palla ti tukoy tu maganda ay tu madukás.

Hebreo 5:13 ပူးပေါင်းရင်းမြစ်များ

Mateo 11:25

Sakay ti itona be a panahun ay nanalangin ti Jesus “Amáng, u Panginoon ti langet sakay ti munduway, magpasalamaták niko dipo awan mo impakapospos u kalooban mo tu mágkalalake hide pero impakapospos mo tu mapagpakumbaba hide.

Markos 10:15

Tandaan moy: u umád a tumanggap tu pághare nu Diyos a konna tu págtanggap nu anak ay awan siya makasáddáp tu kahariyan nu Diyos.”

Roma 2:20

Sakay dipo hikam u timmanggap tu Kautusan ni Moises ay kákkagiyán moy a tukoy moy dán u atanan, kanya kákkagiyán moy a hikam u tagapagtoldu tu awan hide ti tukoy sakay tagapagtoldu tu anak palla hide ti pákkatukoy tu bagay hide tungkul tu Diyos.

1 Corinto 13:11

Nikuna a anakák palla ay magupusák, magisipák sakay mangatuwiranák a konna tu anak. Nadid ta te idadák dán ay inibutan ku dán u pagkaanak ko.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

1 Corinto 3:1

Nadid, kákkapatkákka, awan takam makauhon konna tu gággimitán ko tu tolay hide a katoy nide u Banal a Ispirito. Kailangan a kauhunán takam bilang tolay a mabiyag palla ayun tu kagustuwan nu bággi, sakay anak palla ti pánnampalataya ni Cristo.

2 Corinto 3:9

Ni nángpeta u Diyos tu kapangyariyan na nikuna a iyatád na u Kautusan a nakapangatád ti kamatayan, maspa u ipeta na a kapangyariyan ni ibutan na dán u kasalanan nu tolay.

Efeso 4:14

Tánni awan kitamon konna tu anak hide a pabagu-bagu ti isip sakay alisto la a maniwala tu iba-iba a toldu nu tolay hide a mágdaya. Awan kitamon metaw-taw nu tolay hide a u gustu dila ay meangay u tolay tu baka-bakán tu pamamag-itan nu págdaya de.

2 Timoteo 3:16

U atanan a nakasulat a upos nu Diyos ay impesulat na tu pamamag-itan nu kapangyariyan na. Magamit iye tu págtoldu tu tatahoden, págsaway, págtuwid tu liwat a gimet, sakay mánggiya nikitam tu makadiyos a kákkabiyag.

1 Pedro 2:2

Dapat kam a mauwaw tu Upos nu Diyos, konna tu kákkauwaw nu anak ti gatas, tánni bumegsák u pánnampalataya moy hanggan matanggap moy u kaligtasan.

2 Juan 1:11

dipo u umuhon nikuna ay kaessa na tu madukás na a gimet.