Hebreo 5:12 - U Maganda A Baheta Ni Jesu-Cristo

¹² Dapat nakwa ay tagapagtoldu kamon, pero hanggan nadid ay kailangan kampa a tolduwan tu pasapul hide a adal tungkul tu upos nu Diyos. Hanggan nadid ay gatas palla u kákkanán moy embes a u mágkakásseng dán a makan.

Hebreo 5:12 ပူးပေါင်းရင်းမြစ်များ

Mateo 17:17

Timmábbeg ti Jesus, “Lahi kam a awan ti paniwala sakay maigát ti ulo! Hanggan nikanák moy dapat palagi a kakaguman? Hanggan nikan ta kam a pagtiisan? Iyangay moy he u anak!”

Markos 9:19

Kinagi ni Jesus nide, “Awan ti pánniwala i tolayay nadid a panahun! Hanggan nikasanganák moy a kakaguman? Hanggan nikasangan takam a pagtiisan? Iyangay mo he anake!”

Gimet 7:38

Ti Moises u kaguman nu nuno tam hide tu parang. Siya u nákpágguhon tu anghel a nákpágguhon nikuna sakay tu ninuno tam hide tu Buked a Sinai. Siya u tummanggap tu upos hide a makapangatád ti biyag a gábwat tu Diyos para iyatád nikitam.

Roma 3:2

Tahod a mas higit u Judio hide tu makpal a bagay: Dipalongo tu atanan, hide u nángkatiwalaan nu Diyos tu upos na.

1 Corinto 14:19

Pero tu pamággipun-ipun nu mánnampalataya hide ay mas gusto ko pa a magupos ti limma a upos a maintendiyan sakay makapagtoldu tu agum, nan libu-libu a upos a awan labe ti makaintendi.

1 Corinto 14:20

Kákkapatkákka hide, dyan kam konna tu isip nu anak. Pero ni tungkul tu págkasala magin konna kam tu anak a awan ti tukoy tu mágkadukás. Pero dapat a mágkakáttáng dán i isip moye.

Galacia 4:3

Konna labe nikitam, nikuna a awan kitam palla mánnampalataya ni Cristo, alipin kitam palla nu toldu hide ti munduwáy.

Filipos 3:1

Nadid, kákkapatkákka ko hide, magsaya kam para tu Panginoon. Awanák magsasawa a mánghuway-huway a mangkagi nikam ti bagayan hidenye dipo para la be iye tu kapiyyaan moy.

Colosas 3:16

U upos hide ni Cristo ay iyasák moy tu isip moy. Mamágpaala-alaan kam sakay mamágtolduwan tu balang essa ayun tu karunungan a kaluub nu Diyos. Mágkansiyon kam ti pang-ispirituwal a kansiyon a gábwat tu Diyos a te págpasalamat.

Hebreo 10:32

Isipán moy u nangyare nikam tu itod, nikuna a pákkatanggap moy tu Maganda a Baheta. Nagdanas kam ti makpal a kahirapan pero awan kam natalo.

Hebreo 5:11

Makpal kami pa a makagi tungkul ti bagayan iye hide, pero mahirap a ipaliwanag dipo awan kam makaintendi sakay sala moy a mágsaneg.

Hebreo 5:13

U mabiyag hide ti gatas ay anak palla a badit, awan palla ti tukoy tu maganda ay tu madukás.

Hebreo 6:1

Kanya dapat kitam a lumagu sakay sapulan tam a pagadalan u maspa nan tu pangpurumero hide a adal a tungkul ni Cristo. Sakay magtulos-tulos kitamon tu adal hide a mágkadisalad. Awan tam kailangan a huway-huwayán u adal hide a tungkul tu káadág tu gimet hide a awan maganda tu pangileng nu Diyos, sakay tungkul tu pánnampalataya tu Diyos,

1 Pedro 2:2

Dapat kam a mauwaw tu Upos nu Diyos, konna tu kákkauwaw nu anak ti gatas, tánni bumegsák u pánnampalataya moy hanggan matanggap moy u kaligtasan.

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.