Hebreo 4:9 - U Maganda A Baheta Ni Jesu-Cristo

⁹ Kanya ngane tehhod palla a nakahanda a imangan u pinile hide nu Diyos, a konna tu káimang nu Diyos káttapos nu pánglalang na tu kapitto a aldew.

Hebreo 4:9 ပူးပေါင်းရင်းမြစ်များ

Mateo 1:21

Magenak siya ti essa a lállake, u ingahan mo nikuna ay Jesus dipo siya u mángligtas tu tolay na hide tu kaparusaan nu kasalanan de.”

Tito 2:14

Inyatád na u biyag na tánni tubusán na kitam tu atanan a kadukássan tam. Sakay lininisan na kitam tánni magin kao na a tolay a magággustuwán a maggimet ti maganda.

Hebreo 11:25

Ginusto na pa a mákpaghirap tu tolay hide nu Diyos, nan magtamasa ti kasayaan a awan la magmalay a maggábwat tu kasalanan.

Hebreo 3:11

Kaya dipo tu iyamut ko ay insumpa ko a, ‘Awan di dán mademát u lugar a inpananto ko nide.’”

Hebreo 4:1

Sakay nadid, u pananto nu Diyos tungkol tu imangan a inhanda na ay para labe nikitam. Kanya ngani mangilag kam makay tehhod nikam a awan makaguman tu impananto na.

Hebreo 4:10

Ta dipo ni deyaman u makasáddáp a umimang tu páppágyanan nu Diyos, ay umimang be tu tarabaho na a konna tu káimang nu Diyos tu páglalang na.

Hebreo 4:3

Hikitam a maniwala u makasáddáp sakay makaimang tu páppágyanan nu Diyos. Tu awan hide maniwala ay kinagi na a, “Tu iyamut ko ay isumpa ko, ‘a awan hide makasáddáp sakay makaimang tu páppágyanan ko.’” I maimanganan itod ay inhada nadán sapul a lalangán na i munduway.

Hebreo 4:8

Ta dipo ni nakaimang u tolay hide tu pamamag-itan ni Josue tu itod ay awan dán nakwa huway a nagpananto u Diyos ti essa pa a aldew a káimang.

1 Pedro 2:10

Tu itod ay bakán kam palla a sakup nu Diyos pero nadid ay sakup na kamon. Awan nikam tu itod u kagbi nu Diyos, pero nadid ay hod dán nikam u kagbi na.

Pahayag 14:13

Sakay nasaneg ko u boses a gábwat ti langet a nagupos, “Isulat mo iye: Sapul nadid ay pinagpala u magserbi hide tu Panginoon ati Jesus hanggan tu kákkatay de!” “Tatahoden,” kagi nu Banal a Ispirito. “Makaimang dán hide tu pághirap de; dipo maalap di dán u gantimpala tu mágkaganda de a ginimet.”

Pahayag 21:4

Pahidán na u luwa de hide. Awan dán ti matay, malungkut, magsanget, oni magkasakit dipo limmipas dán u date hide a bagay.”