Hebreo 4:6 - U Maganda A Baheta Ni Jesu-Cristo

⁶ Awan nakasáddáp sakay nakaimang tu páppágyanan nu Diyos u dipalongo hide a nakasaneg tu Maganda a Baheta dipo awan hide summampalataya. Pero nadid ay tehhod pade a makasáddáp sakay makaimang tu páppágyanan nu Diyos,

Hebreo 4:6 ပူးပေါင်းရင်းမြစ်များ

Mateo 21:43

Kaya ngane kagiyan ko nikam: Bakán dán a hikam u pághariyan nu Diyos ni awan u bansa a magserbi nikuna ti matapat.

Gimet 28:28

Kinagi pa ni Pablo, “Kanya nadid gustu ko a matukuyan moy a iye a impakapospos ko nikam tungkul tu kaligtasan a gubwát tu Diyos ay impáppangaral dán tu Hentil hide sakay hide pa u naniwala ti iye!”

1 Corinto 7:29

Iye u gusto ko a kagiyán, kákkapatkákka: adene dán u netakda a panahun, kaya sapul nadid, u tehhod a kabanga ay mabiyag a kumán a madiket.

Galacia 3:8

Bagu pa iye a nangyare ay kinagi dán nu kasulatan a ituring nu Diyos a matuwid u Hentil hide tu pamamag-itan nu pánnampalataya de nikuna, sakay iye a Maganda a Baheta ay inpakapospos na ni Abraham, “Tu pamamag-itan mo ay pagpalaán nu Diyos u atanan a bansa.”

Hebreo 4:11

Kanya pagsikapan tam a makasáddáp sakay umimang tu páppágyanan nu Diyos. Dipo u sumuway tu Diyos ay awan makasáddáp a konna tu Israelita hide.

Hebreo 4:2

Dipo konna nide ay nakasaneg kitam be ti Maganda a Baheta. Pero awan de napakinabangan u nasaneg de, dipo awan di iye tinanggap a tehhod a pánnampalataya.

Hebreo 4:9

Kanya ngane tehhod palla a nakahanda a imangan u pinile hide nu Diyos, a konna tu káimang nu Diyos káttapos nu pánglalang na tu kapitto a aldew.