Hebreo 4:16 - U Maganda A Baheta Ni Jesu-Cristo

¹⁶ Kanya diyan kitam magduwwa-duwwa a umadene tu trono nu makákkagbiyán a Diyos, tán matanggap tam u kagbi na sakay habag na tu panahun a kailangan tam u tulung.

Hebreo 4:16 ပူးပေါင်းရင်းမြစ်များ

Efeso 2:18

Dipo ni Cristo ay pari-pareho kitamon a makaadene tu Ama tu pamamag-itan nu mággeessa a Banal a Ispirito.

Efeso 3:12

Dipo tu pákpagkaessa sakay pánnampalataya tam ni Cristo Jesus, ay malaya kitamon a makaadene tu Diyos a awan ti ánteng oni págduwwa-duwwa.

Hebreo 13:6

Kanya awan ti pagduwwa-duwwa a makagi tam, “U Panginoon u tumulung nikán, awanák manteng. Ánya u magimet nikán nu tolay?”

Hebreo 3:6

Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Hebreo 7:19

Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.

Hebreo 7:25

Kanya ngane, a meligtas na u atanan a umadene tu Diyos tu pamamag-itan na. Dipo biyag siya hanggan-hanggan sakay siya u mángsuhog nide.

Hebreo 9:5

Tu dibbew nu Kaban ay tehhod a kerubin a mángpeta a katoy hod u Diyos. Táttakáppan nu pakpak de hide u Lugar nu Kagbi. Pero ti nadidáy ay awan mi palla mepaliwanag a atanan.

1 Pedro 2:10

Tu itod ay bakán kam palla a sakup nu Diyos pero nadid ay sakup na kamon. Awan nikam tu itod u kagbi nu Diyos, pero nadid ay hod dán nikam u kagbi na.