Hebreo 4:11 - U Maganda A Baheta Ni Jesu-Cristo

¹¹ Kanya pagsikapan tam a makasáddáp sakay umimang tu páppágyanan nu Diyos. Dipo u sumuway tu Diyos ay awan makasáddáp a konna tu Israelita hide.

Hebreo 4:11 ပူးပေါင်းရင်းမြစ်များ

Mateo 11:12

Sapul tu págtoldu ni Juan a Mágbawtismo hanggan nadid u kahariyan nu Diyos ay nakadanas ti grabe a atake sakay gusto nu mágkatapang a tolay a agiwán u kahariyan.

Mateo 7:13

Kinagi pa ni Jesus “Sumaddáp kam tu mapiit a pintuwan nu langet dipo malawa u pintuwan sakay alisto a lakadán u dilan a tamo ti impiyerno. Makpal u dumilan ti itod a dilan.

Lukas 13:24

Kinagi na nide, “Pilitán moy a makasáddáp tu mapiit a pintuwan. Makpal u masoh a sumáddáp hod pero awan makasáddáp.

Lukas 16:16

“U kautusan ni Moises sakay u insulat nu prupeta hide u sassunudan nu tolay hide hanggan dummemat ti Juan a Mágbawtismo. Sapul hod ay nepangaral dán u Maganda a Baheta tungkul tu pághare nu Diyos. Kaya makpal u magpilit a magin kaparte hod.

Juan 6:27

U makan ay masida, kanya diyan moy iye sikapan a ehyukan. U sikapan moy a ehyukan ay u makan a awan masisida sakay makapangatad ti biyag a awan ti kahad. Hikán a Anak nu Tolay u makapangatad ti biyag a hanggan-hanggan, dipo hikán u inatádden nu Ama ko ti kapangyariyan.”

Gimet 26:19

Dipo ti iye, kagalang-galang a hare a Agripa, kanya awanák simmuway tu pangitain a gábwat ti langet.

Efeso 2:2

Sinunud moy tu itod u madukás a ugale. Sakup kam tu itod nu kapangyariyan ni Satanas a maghare ti munduwáy. Siya u ispirito a maghare tu tolay hide a masuwayin.

Efeso 5:6

Dyan kam padaya tu maskin ti deya tu pamamag-itan nu pángngatuwiran hide a awan ti kabuluhan tungkul tu mágkadukás de a gimet, dipo u Diyos ay maiyamut tu masásuwayán hide.

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

Colosas 3:6

Parusaan nu Diyos u tolay hide a maggimet ti konna he a bagay.

Tito 1:16

Kákkagiyán de a tukoy de u Diyos, pero awan labe ketan tu gimet de. Awan hide ti pinagseserbiyan a tolay sakay masássuwayán hide, kaya awan de tukoy a maggimet ti maganda.

Tito 3:3

Dipo tu itod ay awan kitam be ti tukoy. Hikitam be tu itod ay masássuwayán sakay maigát ti págguluwan. Nalinlang kitam sakay naalipin kitam tu atanan a kalase nu kadukássan sakay mágkadangát a gimet, nabiyag kitam tu kadukássan sakay kassene. Kaiyamutan kitam nu agum sakay kaiyamutan tam be hide.

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

Hebreo 3:18

Sakay ti deya u kinagiyan a, “Awan hide makasáddáp tu páppágyanan na sakay makaimang” Awan beman u masássuwayán hide?

Hebreo 4:6

Awan nakasáddáp sakay nakaimang tu páppágyanan nu Diyos u dipalongo hide a nakasaneg tu Maganda a Baheta dipo awan hide summampalataya. Pero nadid ay tehhod pade a makasáddáp sakay makaimang tu páppágyanan nu Diyos,

Hebreo 6:11

U gusto me ay magtulos-tulos kam a magsikap tu paggimet ti iye, hanggan a matanggap moy u áasaan moy.

2 Pedro 2:6

Pinarusaan be nu Diyos u banuwan a Sodoma sakay Gomora dipo tu kasalanan de, para ipeta tu mággagimitán ti mágkadukás u sangpáttán de.