Hebreo 3:6 - U Maganda A Baheta Ni Jesu-Cristo

⁶ Pero ti Cristo ay matapat bilang Anak a namahala tu pinili hide nu Diyos. Sakay hikitam u pamilya na hide ni tulos-tulos kitam a magin tapat tu pag-asa tam nikuna.

Hebreo 3:6 ပူးပေါင်းရင်းမြစ်များ

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

Mateo 16:18

Sakay kagiyán ku be niko a hiko ti Pedro sakay ti iye a bito u magin pundasyon nu pinili ko hide a tolay. Sakay awan ti makapangtalo maski u kapangyariyan ni Satanas.

Mateo 24:13

Pero u matapat hanggan tu katapusan ay siya u maligtas.

Roma 11:22

He tam a ketan u kabaitan nu Diyos sakay ni sakodya siya a kahigpit a maghatul. Mahigpit na a hatulan ti parusa u magkasala hide nikuna. Pero mabait siya nikam ni manatile kam tu kabaitan na, pero ni awan, ay káttulán na kam be.

Roma 12:12

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

Roma 15:13

Nakwa u Diyos a mangatád nikitam ti pag-asa ay siya u mangatád nikam ti kasayaan sakay kapayapaan dipo tu pánnampalataya moy nikuna, tánni tulos-tulos a lumagu u pag-asa moy tu pamamag-itan nu Banal a Ispirito.

Roma 5:2

Tu pamamag-itan ni Jesus sakay dipo tu pánnampalataya tam ay mabati tamon u habag na sakay masaya kitamon dipo tu pag-asa tam a makahate kitam tu kadakilaan nu Diyos.

1 Corinto 3:16

Awan moy beman tukoy a templo kam nu Diyos dipo mágyan nikam u Ispirito na?

1 Corinto 6:19

Awan moy beman tukoy a u bággi moy ay templo nu Banal a Ispirito a kátna nikam sakay tinanggap moy a gábwat tu Diyos? Kaya awan moy dán kao u bággi moy.

2 Corinto 6:16

U Diyos u hed nikitam kaya hikitamon u Templo nu Diyos a biyag dipo hina madukás nite ugnayan u Templo nu Diyos tu diyos-diyosan. Siya dán u nagkagi: “Mágyanák sakay mákkabiyagák nide, Hikán u magin Diyos de, sakay hide ay magin kao ko.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Efeso 3:12

Dipo tu pákpagkaessa sakay pánnampalataya tam ni Cristo Jesus, ay malaya kitamon a makaadene tu Diyos a awan ti ánteng oni págduwwa-duwwa.

Colosas 1:23

Pero kailangan a manatile kam a tapat sakay matatag tu pánnampalataya moy. Dyan moy pabayan a mawan u pag-asa a gábwat tu Maganda a Baheta a nasaneg moy. U Maganda a Baheta a iye ay nepangaral dán tu buo a mundu, sakay hikán ati Pablo ay naging tagapangaral ti iye.

1 Tesalonica 5:16

Pirme kam a magsaya.

2 Tesalonica 2:16

Paha-pahaán kam nakwa nu Panginoon tam a ti Jesu-Cristo sakay u Diyos tam a Ama a magmahal nikitam. Sakay tu pamamag-itan nu kagbi na, ay inatadden na kitam ti awan magbabagu a begsák ni isip sakay matibay a pag-asa.

1 Timoteo 3:15

ni mara awanák makademát a pagdaka ay tukoy mu dán u dapat a ugale nu tolay hide a kabilang dan tu pamilya nu biyag a Diyos. Dipo intiwala nikitam u tatahoden tungkul ni Cristo a kuman a hikitam u adigi sakay pundasyon nu tatahoden.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Hebreo 10:19

Kanya ngane kákkapatkákka ko hide, malaya kitamon a makasáddáp tu Lugar a Kabanalan dipo tu kákkatay ni Jesus.

Hebreo 10:21

Sakay tehhod kitam a dakila a kataasan a saserdote a mamahala tu pinile hide nu Diyos,

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Hebreo 10:35

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Hebreo 11:1

U pánnampalataya ay u págtiwala a mangyare u áasaan tam hide, sakay tehhod kitam a kasiguraduwan tu bagay hide a awan ketan.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

Hebreo 4:11

Kanya pagsikapan tam a makasáddáp sakay umimang tu páppágyanan nu Diyos. Dipo u sumuway tu Diyos ay awan makasáddáp a konna tu Israelita hide.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

Hebreo 4:16

Kanya diyan kitam magduwwa-duwwa a umadene tu trono nu makákkagbiyán a Diyos, tán matanggap tam u kagbi na sakay habag na tu panahun a kailangan tam u tulung.

Hebreo 6:11

U gusto me ay magtulos-tulos kam a magsikap tu paggimet ti iye, hanggan a matanggap moy u áasaan moy.

Hebreo 6:18

Awan magbabagu oni magbule-bule u Diyos ti duwwaan iye a bagay: U pananto na sakay u sinumpaan na. Kanya hikitam a nagpasakup tu Diyos ay matibay u isip tam a umasa tu inpananto na.

Hebreo 7:19

Dipo awan ti magin ganap tu pamamag-itan nu Kautusan ni Moises. Pero mas maganda u bigu a pag-asa a tinanggap tam nadid, dipo makaadene kitamon tu Diyos.

1 Pedro 1:8

Maski ni awan moy siya netan ay minahal moy dán siya. Sakay maski ni awan moy palla siya netan hanggan nadid ay naniwala kamon nikuna. Kaya awan masukat u kasayaan moy sakay awan mepaliwanag tu pamamag-itan nu pággupos.

1 Pedro 2:5

Nadid, ay tehhod kamon a bigu a biyag a gábwat tu Diyos. Sakay nagkaessa kam a nagin konna tu essa a Templo. Kumán kam a bito a biyag a ginimet a templo na. Konna kam be tu essa a saserdote a nelaan para tu Diyos. U alay a ispiritwal a makasaya tu Diyos ay u págserbi moy nikuna alang-alang ni Jesu-Cristo.

1 Pedro 4:17

Nadid, adene dán a dumemát u panahun nu pághatul nu Diyos. Tu pághatul na ay idipalongo na a hatulan u pinile na hide. Ni hikitam a anak na idipalongo naay a hatulan ay tunay ti dágge u parusa a maguhay tu tolay hide a awan maniwala tu Maganda a Baheta a gábwat tu Diyos.

Pahayag 2:18

Isulat mo tu anghel nu gurupo nu mánnampalataya hide ti Tiatira: “Iye u pekagi nu Anak nu Diyos a tehhod a mata a kumán a maggehab a apoy sakay u tikád na ay kumán a magkinang-kinang a pinakintab a tangso.

Pahayag 2:25

Pero dapat kam a magtulos-tulos a tapat nikán hanggan tu káddemát ko.

Pahayag 2:26

U magtagumpay sakay sumunud tu kagustuwan ko hanggan ti katapusan ay atádden ko siya ti kapangyariyan a mamahala tu bansa hide,

Pahayag 3:11

Adeniyák dán a sole. Kaya itulos-tulos moy u mágkaganda moy a gimet, tánni awan ti makapang-agew tu piremyo moy a kurona.