Hebreo 3:1 - U Maganda A Baheta Ni Jesu-Cristo

¹ Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

Hebreo 3:1 ပူးပေါင်းရင်းမြစ်များ

Juan 17:3

Sakay sa iye u gusto a kagiyán nu biyag a awan ti kahád: u matukuyan ka nu tolay hide a hiko la u tunay a Diyos, sakay matukuyan di be u pinaangay mu he.

Juan 20:21

Kinagi a huway ni Jesus iye, “Magkahod kam nakwa ti kapayapaan. Ni kodyaák he a pinaangay nu Ama ay konna be hod a suguwan takam.”

Juan 20:27

Kinagi ni Jesus ni Tomas, “Ilingán mo i kamát kuwáy hide sakay tawiden mo. Isáddáp mo be ikamát muwe ti hawes kuwáy. Diyan ka magalanganin; maniwala ka dán.”

Gimet 1:15

Kállipas nu sangan a aldew, ay namággipun-ipun u essa a datos ay ti bayinte a mánnampalataya. Timmaknág ti Pedro tu atubang de sakay nagupos,

Roma 11:17

U Judio hide ay konna tu essa a ponan nu kayo a olibu a kináttol u sangan tu pinget na hide. Sakay hikam a bakán a Judio ay konna tu pinget hide nu olibu a timmubu tu talon a inkabit bilang kapalit tu kináttol a pinget hide. Kanya nakinabang kam tu págpapala nu Diyos a para tu Judio hide.

Roma 15:27

Masaya hide a nangatád, sakay dapat la dipo kumán hide a te utang tu Judio hide. Dipo u Hentil hide ay nakabahagi tu págpapala a ispiritwal nu Judio hide, marapat be a tulungan u Judio hide tu pamamag-itan nu págpapala de a pangpilas.

Roma 15:8

Dipo kagiyán ko nikam a pinaangay nu Diyos ti Cristo ti lutaáy para magserbi tu Judio hide sakay para mepeta na a tapat u Diyos tu pángtupad na tu pananto na hide tu ninuno de hide.

Roma 9:24

Sakay awan dán ti iba nan hikitam a dinulaw na, bakán la a u gábwat tu Judio hide nan u gábwat be tu Hentil hide.

1 Corinto 1:2

Iye a sulat ay para tu mánnampalataya hide a katoy ti Corinto a pinili na para magin kao na tu pamamag-itan nu pákpagkaessa ni Cristo Jesus. Kumonna be tu pinile hide tu atanan a lugar a dumulaw tu ngahan nu Panginoon a ti Jesu-Cristo, u Panginoon tam a atanan.

1 Corinto 10:17

Makpal kitam pero nagkaessa kitam a kumán a eessa la a bággi dipo eessa la u tinapay a pamághate-hatiyán tam, kaya maski ni makpal kitam ay eessa la a baggi, dipo kabahagi kitam nu eessa a tinapay.

1 Corinto 9:23

Gággimitán ko iye a atanan dipo tu Maganda a Baheta, tánni mákbahagiyák tu págpapala ni iye.

2 Corinto 1:7

Kaya matibay u pag-asa me para nikam dipo tukoy me a ni kodya a nagin kaguman mi kam tu pághirap ay konna labi hod kaguman mikam tu kasayaan me.

2 Corinto 9:13

U pángngatád moy ay mangpatunay nide a tapat moy a sinunud u Maganda a Baheta tungkul ni Cristo. Dipo hina, magpure hide tu Diyos.

Efeso 3:6

Sa iye u sekreto nu Diyos: tu pamamag-itan nu Maganda a Baheta, u Hentil hide ay makatanggap tu pananto hide nu Diyos kaguman nu Judio hide, sakay parte be hide nu eessa a bággi dipo tu pákpagkaessa de ni Cristo Jesus.

Efeso 4:1

Kaya nadid, bilang essa a nakapireso dipo tu págserbi ko tu Panginoon ay mákkekakagbiyák nikam a mabiyag kam a konna tu nerarapat bilang dinulaw hide nu Diyos.

Efeso 4:4

Eessa kitam a bággi sakay te essa be a Banal a Ispirito. Konna be hod, eessa la u pag-asa moy kaligtasan nikuna a dulawán kam nu Diyos.

Filipos 3:14

Kaya magtulos-tulusák ngane a patamo tu hangganan tánni matanggap ko u gantimpala a awan ti iba nan u pángdulaw nikán nu Diyos a mabiyag ti langet tu pamamag-itan ni Cristo Jesus.

Colosas 1:12

Sakay pirme kam a magpasalamat tu Ama, dipo nebilang kam a karapat-dapat a mákbahagi tu mana a para tu pinile na hide a katoy tu demlag.

Colosas 1:22

Pero dipo tu kákkatay ni Cristo, ay inturing nakam a amigu na tánni makaatubang kam nikuna a banal, matuwid, sakay awan ti kapintasan.

Colosas 3:12

Bilang pinile nu Diyos, banal sakay mahal na, dapat makákkágbiyán kam, maganda u ugale, mapagpakumbaba, mabait sakay handa a magtiis.

1 Tesalonica 2:12

Pinabegsák me u isip moy, pinagkagiyan mikam sakay nákkekagbi kame nikam a mabiyag kam ti tapat tu atubang nu Diyos. Dipo siya u nangpile nikam tánni masakup kam tu kaharian na sakay tu kaluwalhatian na.

1 Tesalonica 5:27

Ipákkekakagbi me nikam tu ngahan nu Panginoon a basaán i sulatán iye tu kákkapatkákka tam hide a atanan.

2 Tesalonica 1:11

Iye u dahilan ni bakin lagi me kam a idáddasal. U dasal me ay nakwa ay magin karapat-dapat kam tu Diyos tu pángdulaw na nikam. Sakay idasal mi be a tu tulung nu kapangyariyan na ay magimet moy u atanan a mágkaganda a bagay a gusto moy a gimitán dipo tu pánnampalataya moy.

2 Tesalonica 2:14

Dinulaw kam nu Diyos tu pamamag-itan nu Maganda a Baheta a intoldu me nikam, para makaguman moy be u Panginoon tam a ti Jesu-Cristo tu kaluwalhatiyan na.

1 Timoteo 6:12

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

1 Timoteo 6:2

Ni u amo nu alipin ay mánnampalataya be ay dapat awan mawanan u alipin ti pággalang ta matkaka labe hide ti pánnampalataya. Nan dapat di pa ngane a husayán a mágserbi dipo u pagserbiyan de ay kapareho de ti pánnampalataya sakay mahal nu Diyos. Itoldu mo sakay ipasunud i bagayan iye hide.

2 Timoteo 1:9

Siya u nángligtas sakay nangpile nikitam para magin banal a tolay tu atubang na. Ginimet na iye tu pamamag-itan ni Cristo Jesus, bakán a dipo tu mágkaganda tam a gimet nan ayun iye tu kagbi sakay tu kaluuban na a inlaan na para nikitam bagu pa a lalangan i munduway.

2 Timoteo 2:7

Pagisipan mo ti husto u kinagi ko niko, dipo u Diyos u mangtulung niko a mangintendi tu atanan a iye.

Hebreo 10:19

Kanya ngane kákkapatkákka ko hide, malaya kitamon a makasáddáp tu Lugar a Kabanalan dipo tu kákkatay ni Jesus.

Hebreo 10:21

Sakay tehhod kitam a dakila a kataasan a saserdote a mamahala tu pinile hide nu Diyos,

Hebreo 10:23

Magpakatatag kitam tu pag-asa tam, sakay diyan kitamon magduwwa-duwwa, dipo matapat u nagpananto nikitam.

Hebreo 13:22

Ipákpágguhon ko nikam, kákkapatkákka hide, a sanigán moy ti maganda u pangaral ko hide nikam dipo apehet la i sulat kuwáy.

Hebreo 2:11

Ti Jesus u magpabanal tu tolay hide. U Ama na sakay u ama ni iye hide a tolay ay eessa. Kanya awan na ikasanike a dulawán na hide a kapatkákka na.

Hebreo 2:17

Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

Hebreo 3:14

Dipo hikitam a atanan ay kaguman ni Cristo, ni manatile a matatag u pánniwala tam hanggan-hanggan, konna tu inpeta tam a pánnampalataya tu itod nikuna a bigu kitam palla a summampalataya nikuna.

Hebreo 6:20

Nágdipalongo dán hod a simmáddáp ti Jesus para nikitam. Siya u awan ti kahád a pinakapuno a saserdote tam a konna tu pagkasaserdote ni Melquizedec.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Hebreo 7:28

U napile hide tu itod a saserdote a ayun tu Kautusan ay palagi a te kahinaan dipo tolay labe hide. Pero ayon tu pananto nu Diyos kinagi na a u mismu na a Anak u magin pinakapuno a saserdote hanggan-hanggan. Sakay awan siya ti kahinaan. I panantuwan iye nu Diyos ay dimodyan a dimmemát nan u Kautusan.

Hebreo 9:11

Pero dummemát dán ti Cristo a pinakapuno a saserdote nu bigu a kasunduwan. Nagserbi siya tu págsambaan a awan ti kapareho ti kadakila, awan ginimet ni tolay, sakay awan ti munduway.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

1 Pedro 2:9

Pero hikam u lahe hide a pinile nu Diyos, a magin saserdote na a magserbi tu tatahoden a Hare, essa a bansa para tu Diyos. Pinile kitam nu Diyos a magin sakup na sakay mángpakapos-pos tu makataka-taka hide a ginimet na a mágkaganda. Siya be u náng agton nikitam tu makataka-taka a demlag na nikuna a katoy kitam palla tu kadiklámman.

1 Pedro 3:5

Konna hod u ugale nu bábbey hide a banal a immasa tu Diyos tu itod a panahun. Nagpasakup hide tu kákkabanga de.

1 Pedro 5:1

Hikam a pinuno hide nu mánnampalataya hide, mákkekagbiyák nikam bilang essa be a konna nikam. Tistiguwák tu pághirap ni Cristo, sakay kabahagiyák be tu karangalan na a adene dán a mehayag. Mákkekakagbiyák nikam

1 Pedro 5:10

U Diyos a naggábwatan nu Págpapala, siya u nangpile nikam tu pamamag-itan ni Jesu-Cristo tánni makabahagi nakam tu kapuriyan na a awan ti kahád, kaguman ni Cristo. Pero ipakultad napa a magtággád kam ti hirap tu sabadit a panahun, tánni gimitán nakam a ganap, sakay siya u mangpabegsák ti isip moye, sakay mangpatatag tu pánnampalataya moy nikuna.

1 Juan 1:3

Inpakapospos mi ngane nikam u netan me sakay nasaneg tánni makaguman mikam tu pákpagkaessa me tu Ama sakay tu Anak na a ti Jesu-Cristo.

Judas 1:1

Hikán ay ti Judas, a tagapagserbi ni Jesu-Cristo, a wadi ni Santiago. I sulat kuwáy ay para tu pinile hide nu Diyos, a mabiyag tu págmahal nu Diyos a Ama sakay áalagaan ni Jesu-Cristo.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”

Pahayag 18:20

Magsaya ka langet, tu nangyare nikuna! Magsaya kam, atanan a pinile, apostol hide, sakay prupeta hide! Dipo hinatulan dán siya nu Diyos tu ginimet na nikam!