Hebreo 2:2 - U Maganda A Baheta Ni Jesu-Cristo

² Ta u impakapospos nu anghel hide a upos ay napatunayan a tatahoden, sakay u balang sumuway oni awan sumunud ay makatanggap ti karapat-dapat a parusa.

Hebreo 2:2 ပူးပေါင်းရင်းမြစ်များ

Gimet 7:53

Tinanggap moy u Kautusan a inyatád nu Diyos tu pamamag-itan nu anghel hide, pero awan moy itod sássunudán!”

Galacia 3:19

Ni konna hod, bakin a neatád pa u Kautusan? Neatád iye para mepeta tu tolay a hide ay nagkasala tu atubang nu Diyos. Pero iye ay hanggan la a dumemát u impananto a apo ni Abraham. Neatád iye a Kautusan tu pamamag-itan nu anghel hide sakay tu tulung nu tagasuhog.

Hebreo 1:1

Tu itod a panahun ay nákpágguhon u Diyos tu ninuno tam hide tu iba-iba a pagkakataun sakay iba-iba a paraan tu pamamag-itan nu prupeta hide.

Hebreo 10:28

Ayun tu patunay nu duwwa oni tállo a tistigu, u sumuway tu Kautusan ni Moises ay awan ti habag a bunuwán.

Hebreo 10:35

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Hebreo 11:26

Imbilang na a mas mahalaga u magtiis para tu Mesias kasera tu kayamanan hide ti Egipto. Dipo nakatuun u isip na tu gantimpala hide a pademát.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Hebreo 12:25

Kanya magingat kam, sakay diyan moy adiyan u Diyos a magupos nikitam. Dipo u awan hide nágsaneg tu nagupos hide tu itod ti lutaáy ay awan nakaligtas tu parusa! Nadid, kodya kitam makaligtas ni umád kitam a mágsaneg tu magupos a gábwat ti langet?

2 Pedro 1:19

Kaya lalo a timmibay u pánniwala me tu inpakapospos nu prupeta hide. Kaya dapat la a pakaisipán moy iye ti husto, dipo kumán iye a simbuwan a mangdemlag tu madiham a lugar hanggan tu aldew a káddemát nu Panginoon. Kapareho siya nu biton ti dimadimang a mangatád ti demlag tu isip moy.

Judas 1:5

Maskin tukoy moy dán iye hide a atanan ay gusto ko la a ipaisip nikam, a maski ni inligtas nu Panginoon u lahe a Israel ti Egipto ay pinuksa na padi u atanan a awan summampalataya nikuna.