Hebreo 2:17 - U Maganda A Baheta Ni Jesu-Cristo

¹⁷ Kaya kailangan a mepareho ti Jesus tu kákkapatkákka na hide tu atanan a paraan, tánni magin pinakapuno a saserdote a makákkagbiyán sakay matapat a magserbi tu Diyos sakay magalay para tu kapatawaden nu kasalanan nu tolay.

Hebreo 2:17 ပူးပေါင်းရင်းမြစ်များ

Roma 15:17

Sakay bilang tagapagserbi ni Jesu-Cristo, mepagmadakál ko u nagimet ko hide para tu Diyos.

Roma 5:10

Tu itod ay kadima kitam nu Diyos, pero nadid ay tinanggap na kitamon a kaibigan na tu pamamag-itan nu kákkatay nu Anak na. Kanya nadid a tehhod kitamon a maganda a relasyon tu Diyos siguradu dán a iligtas na kitam tu pamamag-itan nu biyag ni Cristo.

Efeso 2:16

Nadid, eessa kitam dalla a baggi tu pamamag-itan nu kákkatay na tu kudus; inibutan na u iyamut nu duwwa a lahe tu balang essa sakay pinagkasundu na kitam tu Diyos.

Colosas 1:21

Tu itod, ay adeyo kam tu Diyos sakay nagin kadima na, dipo tu kadukássan a hod tu isip moy sakay siya be u gággimitán.

Hebreo 10:21

Sakay tehhod kitam a dakila a kataasan a saserdote a mamahala tu pinile hide nu Diyos,

Hebreo 2:11

Ti Jesus u magpabanal tu tolay hide. U Ama na sakay u ama ni iye hide a tolay ay eessa. Kanya awan na ikasanike a dulawán na hide a kapatkákka na.

Hebreo 2:14

Dipo u anak hide nu Diyos ay tolay, kaya nagin tolay be ti Jesus a konna nide a tehhod a pilas sakay dige. Nagin tolay siya tánni tu pamamag-itan nu kákkatay na ay matalo na u kapangyariyan ni Satanas, a tehhod a kapangyariyan tu kamatayan.

Hebreo 2:16

Kanya malinaw a bakán a u anghel hide u táttulungan ni Jesus nan u lahe hide ni Abraham.

Hebreo 3:1

Kanya ngane kákkapatkákka ko hide ti pánnampalataya sakay kaguman tu dulaw nu Diyos, alalahanán moy ti Jesus a pinaangay he nu Diyos a puno a saserdote nu pánnampalataya tam.

Hebreo 3:2

Matapat siya tu Diyos a nangpaangay he nikuna, konna ni Moises a nagin tapat tu pángngasiwa na tu anak hide nu Diyos.

Hebreo 3:5

Nagin matapat ti Moises tu pámmahala na tu pinile hide nu Diyos bilang essa a tagapagserbi. U atanan a bagay hide a ginimet na ay mage-anino la nu bagay hide a ipahayag nu Diyos tu dumemát a panahun.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

Hebreo 4:15

Maintendiyan kitam nu pinuno tam a Saserdote tu kahinaan tam hide. Dipo napurbaan na be a tinokso tu atanan a paraan, konna nikitam, pero maski nikan ay awan siya nagkasala.

Hebreo 5:1

U balang pinakapuno a saserdote a pinile tu katolayan ay pinile a magserbi tu Diyos para nide. Siya u magalay tu kaluub hide sakay alay para mapatawad u kasalanan de hide.

Hebreo 5:10

Indátton siya nu Diyos a pinuno a saserdote konna tu pagkasaserdote ni Melquisedec.

Hebreo 5:2

Mapákpággaguman na ti maayus u tolay hide a awan ti tukoy sakay masuwayin, dipo tehhod be siya a kahinaan a konna nide.

Hebreo 5:5

Konna bi hod, awan inlangkaw ni Cristo u sadile na a magin pinuno a saserdote. Nan pinile siya nu Diyos a nangkagi nikuna, “Hiko u Anak ko. Sapul nadid ay hikán dán u Ama mo.”

Hebreo 6:20

Nágdipalongo dán hod a simmáddáp ti Jesus para nikitam. Siya u awan ti kahád a pinakapuno a saserdote tam a konna tu pagkasaserdote ni Melquizedec.

Hebreo 7:26

Ti Jesus, u kailangan tam a pinakapuno a saserdote. Dipo banal siya sakay awan ti kapintasan, awan ti kasalanan sakay hiwalay tu makasalanan hide, sakay kataasan ti langet.

Hebreo 7:28

U napile hide tu itod a saserdote a ayun tu Kautusan ay palagi a te kahinaan dipo tolay labe hide. Pero ayon tu pananto nu Diyos kinagi na a u mismu na a Anak u magin pinakapuno a saserdote hanggan-hanggan. Sakay awan siya ti kahinaan. I panantuwan iye nu Diyos ay dimodyan a dimmemát nan u Kautusan.

Hebreo 8:1

Iye u gusto me a kagiyán: tehhod kitam a pinakapuno a saserdote a mággetnod tu kawanan nu trono nu Kataas-taasan a Diyos ti langet.

Hebreo 8:3

Tungkulin nu essa a pinakapuno a saserdote a magalay ti kaluub sakay alay. Kanya dapat a tehhod be a iyalay u pinakapuno a saserdote tam.

Hebreo 9:11

Pero dummemát dán ti Cristo a pinakapuno a saserdote nu bigu a kasunduwan. Nagserbi siya tu págsambaan a awan ti kapareho ti kadakila, awan ginimet ni tolay, sakay awan ti munduway.