Hebreo 13:7 - U Maganda A Baheta Ni Jesu-Cristo

⁷ Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.

Hebreo 13:7 ပူးပေါင်းရင်းမြစ်များ

Mateo 24:45

Kinagi pa ni Jesus “U matapat sakay malalaki a utusan ay siya u atádden ti kapangyariyán nu amo na a mamahala tu agum a alipin na hide. Siya u mangatád nide ti makan de tu tama a panahon.

Lukas 12:42

Timmábbeg u Panginoon, “Ni deya u tapat sakay malalake a alipin ay siya i páng-intregaanay nu amo na tu kasabilay na hide ni tehhod siya a angayan. Siya i nakabahalaay a mangatád ti makan tu agum hide a utusan tu tama a odas.

Lukas 5:1

Nadid, essa a aldew mentaras mangaral ti Jesus tu baybay nu diget a Genesaret ay kinadahupodupan siya nu dapat a kakpal a tolay dipo gusto de a mágsaneg tu upos nu Diyos.

Lukas 8:11

“Iye u kahulugen nu talinhaga: u bine ay u upos nu Diyos.

Gimet 13:46

Pero tunay ti begsák u isip di Pablo sakay ti Bernabe a nagupos, “Dapatay ay hikam pa u purumero me a pángpakapospusan tu Upos nu Diyos. Pero dipo awan moy tinanggap iye, impeta moy a awan kam karapat-dapat tu biyag a awan ti kahád, kanya angay kame dálla mangaral tu bakán hide a Judio.

Gimet 14:23

Tu balang simbaan nu mánnampalataya hide ay nagpile ti Bernabe sakay ti Pablo ti magin pinuno tu simbaan de. Káttapos de a nagdasal sakay nagkulasyon ay impagkatiwala de tu Panginoon a pánnaligan de.

Gimet 4:31

Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Roma 10:17

Kanya sumampalataya la u tolay ni masaneg na u mensahe tungkul ni Cristo. Sakay makasaneg la siya ni tehhod a mangaral tungkul ni Cristo.

1 Corinto 10:13

Awan palla ti pagsubuk a dummemát nikam a awan dinanas nu atanan a tolay. Matapat u Diyos, sakay awan na pakultadan a subukán kam tu mas pa tu kaya moy. Nan, káddemát nu pagsubuk, ay atádden na kam pa ti begsák tánni mapagtagumpayan moy itod.

1 Corinto 11:1

Nadid, ahigánnák moy a konna tu páng-aheg ko ni Cristo.

1 Corinto 4:16

Kaya mákkekakagbiyák nikam a umaheg kam nikán.

Filipos 3:17

Kákkapatkákka ko hide, ahigán moy u halimbawa ko. Sakay ahigán moy be u agum a mabiyag a konna nikame.

1 Tesalonica 1:6

U kakkabiyag me sakay u Panginoon tam a ti Jesu-Cristo u inaheg moy. Sakay nikuna a tanggapan moy u Maganda a Baheta ay nagdanas kam ti makpal a kahirapan, pero maski konna paman hod ay katoy padi nikam u kasayaan a inpagkaluub nu Banal a Ispirito.

1 Tesalonica 2:13

Kaya ngane, pirme kame a magpasalamat tu Diyos, dipo nikuna a ipakapospos me nikam u Upos na, ay tinanggap moy iye dipo naintendiyan moy a tatahoden iye a Upos nu Diyos, bakan a upos nu tolay. Kaya ngane u kapangyariyan nu Upos na ay ketan tu maayus moy a kákkabiyag a mánnampalataya hide.

2 Tesalonica 3:7

Tukoy moy labe a dapat moy a ahigán u ginimet me. Awan kame nagin tamad a magtarabaho nikuna a hod kami palla hina.

2 Tesalonica 3:9

Ginimet mi iye bakán a awan kame ti karapatan a maguhay tu tulung moy nan atáden me kam ti halimbawa a dapat moy a ahigán.

1 Timoteo 3:5

Dipo ni awan na kaya a mapangasiwaan u sadile na a pamilya, kodya na a mapangasiwaan u simbaan nu Diyos?

Hebreo 13:17

Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Hebreo 13:24

Ikumusta moy kame tu mangasiwa hide nikam sakay tu atanan a kákkapatkákka. Kumustaán kam be nu kákkapatkákka ti Italia.

Hebreo 6:12

Kanya diyan kam magin tamad, nan ahigán moy u tolay hide a dipo tu pánnampalataya de sakay págtiis ay natanggap didan u impananto nu Diyos.

1 Pedro 4:11

Ni tagapangaral u kaluub mo ay ipangaral mo u upos nu Diyos. Ni tagapagserbi u kaluub mo ay gamitán mo u begsák mo tu págserbi a inyatád niko nu Diyos tán puriyán de u Diyos tu pamamag-itan ni Jesu-Cristo. Kao nu Diyos u kapangyariyan sakay u karangalan hanggan-hanggan. Amen.

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 20:4

Káttapos ay naketaák ti makpal a trono, sakay u mággetnod hide hod ay naatádden ti karapatan a maghatul. Sakay netan ko be u kaliduwwa nu pinutulan hide dipo tu págpatunay de tungkul ni Jesus sakay tu págpahayag de tu Upos nu Diyos. Awan hide simmamba tu makaánteng a hayup sakay tu rebulto na, sakay awan hide nagpatatak tu tatak nu makaánteng a hayup tu kidáp de oni tu kamát de. Biniyag hide tán mákapaghare hide a kaguman ni Cristo tu alay nu sanglibu a taon.

Pahayag 6:9

Nikuna a ibutan nu Tupa u kalimma a selyo ay netan ko tu sahok nu altar u kaliduwa nu binábbuno hide dipo tu kássunud de tu upos nu Diyos sakay tu matapat de a págpatunay he.