Hebreo 13:5 - U Maganda A Baheta Ni Jesu-Cristo

⁵ Diyan kam kumán a hupa ni pilak; makontento kamon ni ánya u katoy nikam. Dipo kinagi nu Diyos, “Awan taka lakaden oni pabayan.”

Hebreo 13:5 ပူးပေါင်းရင်းမြစ်များ

Mateo 6:19

Sakay kinagi pa ni Jesus “Dyan kam magpuhon ti kayamanan he ti munduwáy dipo u kayamanan he ay anayán, simangán sakay matakaw nu mágtakaw hide.

Mateo 6:25

Kaya itoldu ko nikam a dyan kam maligalig tu pangangailangan nu biyag moy a konna ti kanán, inumán, sakay badu. Awan beman mas mahalaga u biyag nan tu makan sakay mas mahalaga u bággi nan tu badu?

Mateo 6:34

Kanya dyan kam mabalisa tu pangangailangan moy para ni ilaw dipo bahala be u Diyos hod. Dyan moy dán dagdagen pa u problema moy kada aldew.”

Markos 7:22

mangilállake, managhile, sakay pángloko, sakay mágkahalay, pághambug, sakay tu iba a gimet a madukás.

Lukas 3:14

Tinanung be siya nu sundalo hide, “Ay hikame, ánya be u dapat me a gimitán? Dyan kam mamilit a magaged ti pilak maskin deya oni dyan kam magsihe ti kakabuliyan. Makontento kamon tu suweldu moy,” tábbeg ni Juan.

Lukas 8:14

U nesabug tu kasaetan ay u tolay hide a nágsaneg tu upos na pero tu kalayan ay dinaig hide nu kákkabalisa de ti biyag, kákkasoh ti kayamanan sakay págsasaya tu magkadukás hide a bagay. Kanya awan hide lummagu tu pánnampalataya de.

Roma 1:29

Kanya nagin alipin dán hide nu atanan a kadukássan, sakay kalokuwan, kasakiman, sakay madukás a isip. Naputat hide ti sene, pámmuno, págtalo-talo, págdaya, sakay págmetmet.

1 Corinto 5:11

U gusto ko a kagiyán a awan moy pákkagumanan ay u makánkagiyán hide a Kristiyano pero mággagimitán labe hide ti madukás, madadámmot, sumamba tu diyos-diyosan, magsesti, máglalasingán, sakay mágtakaw. Dyan kam mamákkan nide.

1 Corinto 6:10

u mágtakaw, u madadámmot, máglalasing, u mapagdusta sakay tu magdaya hide ay awan ti kabahagi tu kahariyan nu Diyos.

2 Corinto 4:9

Usigán di kame pero awan kame pinabayan nu Diyos. Páppasakitan dikame pero awan pade matuluyan a matay.

Efeso 5:3

Dipo pinile kam nu Diyos bilang kao na, ay awan dán dapat a ketan nikam u tungkul tu ányaman a kalase ni pángngibábbey oni pángngilállake sakay kalaswaan.

Efeso 5:5

Tukoy moy a awan makaangay tu kahariyan ni Cristo sakay tu Diyos u tolay hide a mángngibábbey oni mangilállake, mágkalaswa, sakay sakim (dipo u kasakiman ay págsamba tu diyos-diyosan.)

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

1 Timoteo 3:3

Sakay awan siya máglalasingán, awan mágbálbág nan masássohán ti kapayapaan, awan mákpágdadima sakay awan be masássohán ti pilak.

2 Pedro 2:14

Ni umileng hide ti bábbey, ay putat ti kákkasoh. Awan hide ti imang ti pakán gimet ti kasalanan sakay ipahamak dipa ti kasalanan u mágkahina hide ti pánnampalataya. Hide ay sakim. Binusong dán hide!

2 Pedro 2:3

Sakay tu makasadile de a kagustuwan, ay dayaán dikam tu pamamagitan nu mágkaganda a upos para maalap de u kayamanan moy. Nalay dán a nakahanda u hatul a para nide, sakay u Diyos a mangparusa nide ay awan tidug.

Judas 1:11

Kakagbi hide sakay makaánteng u demáttán ni iye hide a tolay dipo inaheg de u halimbawa ni Cain. Sakay dipo la tu pagkasoh de tu pilak ay impatibung de u sadi-sadile de a konna ni Balaam. Limmaban hide tu puno de a konna ni Core a pinuksa nu Diyos, kaya puksaan be hide nu Diyos.