Hebreo 13:23 - U Maganda A Baheta Ni Jesu-Cristo

²³ Gusto ko be a matukuyan moy a nakalaya dán u kapatkákka tam a ti Timoteo. Ni dumemát siya a pagdaka ay ikoyog ko siya káangay ko hina.

Hebreo 13:23 ပူးပေါင်းရင်းမြစ်များ

Roma 15:25

Pero nadid, kailangan ko pa umangay ti Jerusalem tánni iyangay ko u tulung tu kákkapatkákka hod.

Roma 15:28

Pákkeangay ko tu nakagi a tulung tu kákkapatkákka hide ti Jerusalem, maglakadák a tamo hina nikam baguwák a angay ti Ispanya.

Colosas 1:1

Mahal ko hide a kákkapatkákka, iye a sulat ay gábwat nikán a ti Pablo a apostol ni Cristo Jesus ayun tu kaluuben nu Diyos sakay gábwat be tu kapatkákka tam a ti Timoteo.

1 Tesalonica 3:2

Sakay pinaangay mi hina nikam ti Timoteo a kapatkákka tam sakay kaguman me a tagapagserbi tu Diyos tu pángpakapospos tu Maganda a Baheta patungkul tu Panginoon tam a ti Cristo. Pinaangay me siya hina nikam tán pabegsákkán u isip moy sakay tán patibayán u pánnampalataya moy.

1 Timoteo 6:12

Gimitán mo atanan a makaya mo tu pangpakapos-pos mo tu pánnampalataya mo. Sakay palagi mo a isipan a kaguman ka tu biyag a awan ti kahád dipo ina u nangdulawan niko nu Diyos. Sakay i pannampalataya muwan ina ni Cristo u impakapospos mo tu atubang nu makpal a tistigu.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

Filemon 1:1

Iye a sulat ay gábwat nikán a ti Pablo, a pumáppireso dipo tu pángpakapospos ko tu Panginoon tam a ti Jesu-Cristo. U kapátkákka tam a ti Timoteo u kaguman ku he. I sulat miyan iye ay para niko, Filemon, a mahal mi a kaguman tu gawain nu Panginoon.

Filemon 1:22

Sakay pánghandaák mo be ti tulusan ko dipo umasaák a sanigan nu Diyos u dasal mo a makasoliyák hina para bisitaán taka.

Pahayag 7:14

Timmábbegák, “Awan ku ben tukoy. Hiko i makatukuyay.” Kaya kinagi na nikán, “Hide u nagtagumpay tu mahigpit a hirap. Mapudew dán nadid u badu de kumán a linabaan tu dige nu Tupa.