Hebreo 13:17 - U Maganda A Baheta Ni Jesu-Cristo

¹⁷ Sumunud kam sakay magpasakup tu mangasiwa hide nikam dipo te pananagutan hide a magbantay nikam, sakay managut hide tu Diyos tungkul ti iye. Ni sunudán moy hide ay masaya hide a gimitán u tungkulin de, pero ni awan ay malungkut hide, sakay ni malungkut hide ay awan iye makatulung nikam.

Hebreo 13:17 ပူးပေါင်းရင်းမြစ်များ

Lukas 16:2

Kanya impadulaw na sakay tinanung, ‘Ánya ben i masaneg-saneg kuwáy tungkul niko? Magkuwentaan kita dán tu pángngasiwa mo. Dipo sapul nadid ay awan taka dán katiwala.’

Gimet 20:28

Ingatan moy u sadile moy sakay u atanan a mánnampalataya a pinabantay nikam nu Banal a Ispirito. Alagaan moy ti husto u mánnampalataya hide tu Diyos dipo tinubus na hide tu pamamag-itan nu digi nu Anak na.

Roma 14:12

Kanya atanan tam ay managut tu Diyos tu atanan a ginimet tam.

1 Corinto 16:16

a pasakup kam tu konna nide sakay tu deya man a tumáttulung tu tagapagserbi hide nu Panginoon.

Efeso 5:21

Pasakup kam tu balang essa bilang tanda nu pággalang moy ni Cristo.

Filipos 1:4

Kada ipagdasal takam a atanan ay grabi u saya ko

Filipos 2:12

Kanya ngane, mahal ko hide a kákkapatkákka, ni kodyaák moy a lagi a sássunudán nikuna mamágkaguman kitam palla ay nakwa lalo kam pa a masássunudán nadid maski ni adeyuwák nikam. Pagsikapan moy a mabiyag a neayun tu kaligtasan a tinanggap moy, sakay gimitán moy iye ate hod a ánteng sakay pággalang tu Diyos.

Filipos 2:16

mentras a ipakapospos moy nide u Maganda a Baheta a makapangatád ti biyag a awan ti kahád. Tánni tu káddemát ni Cristo ay mepagmadakál takam dipo awan nawanan ti kabuluhan u págpagud ko.

Filipos 2:29

Kanya tanggapán moy siya a tehhod a kasayaan bilang tunay a tagapagserbi tu Panginoon. Igalang moy u tolay hide a konna nikuna.

Filipos 3:18

Dipo makpal u mabiyag kontara tu adal tungkul tu kákkatay ni Cristo tu kudus. Sangan ku dán a beses a kagiyán nikam sakay nadid ay magtákták i luwa kuwáy a ipaala-ala nikam a huway i iye.

Filipos 4:1

Kaya ngane mahal ko hide a kákkapatkákka, magpakatatag kam tu pánnampalataya moy tu Panginoon. Mahal takam sakay maammawák nikam hikam u kasayaan sakay gantimpala tu págserbi ko.

2 Tesalonica 3:14

Ni tehhod man hina a awan sumunud ti kákkagiyan kuwáy ti sulatáy, tandaan moy siya sakay iwasan para mapasanike siya.

1 Timoteo 5:17

U pinuno hide a mangasiwa ti mahusay ay dapat la a tumanggap ti pággalang sakay madagdagen u suweldu de lalu dán u mángngaral hide sakay mágtoldu tu upos nu Diyos.

Hebreo 13:24

Ikumusta moy kame tu mangasiwa hide nikam sakay tu atanan a kákkapatkákka. Kumustaán kam be nu kákkapatkákka ti Italia.

Hebreo 13:7

Alalahanán moy u nangasiwa hide nikam, a nángpakapospos nikam tu upos nu Diyos. Isipán moy ni kodya hide a nabiyag hanggan a natay ate pánnampalataya. Ahigán moy u pánnampalataya de tu Diyos.

Santiagu 4:7

Kanya magpasakup kam tu Diyos, labanan moy ti Satanas tánni adeyuwan nakam.

1 Pedro 5:5

Kaya hikam be a áolito sakay mámmadiket hide, pasakup kam tu mágkatanda hide. Magpakababa kam a atanan dipo nesulat tu Kasulatan, “Sasala nu Diyos u palalo hide, sakay kasayaan na u magpakababa hide.”