Hebreo 13:16 - U Maganda A Baheta Ni Jesu-Cristo

¹⁶ Sakay diyan tam kalimunan a maggimet ti maganda sakay tu káttulung tu agum dipo ina u alay a kasayaan nu Diyos.

Hebreo 13:16 ပူးပေါင်းရင်းမြစ်များ

Lukas 18:22

Nikuna masaneg iye ni Jesus ay kinagi na, “Essa pa a bagay u kulang niko. Ilako mo u atanan nu kabiyagen mo sakay iyatád mo tu mágkahirap hide u naglakuwan mo tán magkahod ka ti kayamanan ti langet. Káttapos ay sole ka sakay sumunud ka nikán.”

Gimet 10:38

Tukoy moy ti Jesus a taga-Nazaret, siya u nángkaluuban nu Diyos tu Banal a Ispirito sakay kapangyariyan bilang patunay a siya u napile. Katoy nikuna u Diyos kanya maski hádya i angayan naay ay maggimet siya ti maganda sakay palayaán na u páppahirapan hide nu diyablo.

Gimet 9:36

Ti Joppa ay tehhod be a essa a bábbey a mánnampalataya, u ngahan na ay Tabita, (ti Griego, u ngahan na ay Dorcas, u gusto na a kagiyán ay ogsa.) Inyobus na u atanan a odas na tu pággimet ti maganda sakay tu págtulung tu mágkahirap hide.

Roma 12:13

Tulungan moy u kákkapatkákka moy hide a mánnampalataya a te kailangan, sakay patulusán moy u awan hide ti matulusan.

Galacia 6:10

Kanya ngane samantalaán tam u pagkakataun a makagimet kitam ti maganda tu atanan a tolay, lalu dán tu kákkapatkákka tam hide ti pánnampalataya.

Galacia 6:6

U tináttolduwan hide tu upos nu Diyos ay dapat mangatád tu pagpapala de tu magtoldu nide tu upos nu Diyos.

Efeso 4:28

U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

Filipos 4:14

Konna pa man hod ay magpasalamaták a tahod dipo tu pángtulung moy nikán tu pághirap ko.

Filipos 4:18

Nadid, dipo tu tulung a impatawed moy ni Epafrodito a para nikán ay tehhod dán u atanan a kailangan ko hide sakay subra-subra ngane. Iye hide ay masáppot a alay tu Diyos, alay a katanggap-tanggap sakay makasaya nikuna.

1 Tesalonica 5:15

Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.

2 Tesalonica 3:13

Kákkapatkákka me hide, diyan kam magsawa a maggimet ti maganda.

1 Timoteo 6:18

Itoldu mo nide a dapat a u maganda u gimitan de, para yumaman hide tu mágkaganda a gimet. Magin masaya hide a mangatád sakay handa a tumulung tu agum.

Filemon 1:6

I dasal ku la a mas lalo mu pa a ipakapospos tu agum u pánnampalataya mo. Tánni lumagu u pang-unawa mo tu atanan a mágkaganda a bagay a neatád nikitam dipo he nikitam ti Cristo.

Hebreo 6:10

Dipo matapat u Diyos. Awan na kalimunan u gimet moy sakay u págmahal moy nikuna tu pamamag-itan nu págserbi moy tu kákkapatkákka moy hide a Kristiyano, a hanggan nadid ay gággimitán moy pade.

3 Juan 1:11

Mahal ko a amigu, dyan mo ahigán iye hide a madukás a halimbawa. U ahigán mo ay u maganda, dipo u maggimet ti maganda ay anak nu Diyos; u maggimet ti madukás ay awan palla nakatengge tu Diyos.