Hebreo 12:29 - U Maganda A Baheta Ni Jesu-Cristo

²⁹ dipo ni magparusa u Diyos tam ay kumán a apoy a makatutod.

Hebreo 12:29 ပူးပေါင်းရင်းမြစ်များ

2 Corinto 5:11

Kaya ngani, dipo te ánteng kame tu Diyos, ay gimitán me u atanan para maakit me u tolay hide a sumole nikuna. Tukoy nu Diyos u tunay me a pagkatolay, nakwa ay tukoy moy kami be.

2 Tesalonica 1:7

Sakay hikam be a mághahirapán hide ay atádden na ti imangan moy a kaguman me. Mangyare ina tu kássole nu Panginoon Jesus a gábwat ti langet a kaguman nu makapangyariyan na hide a anghel.

2 Tesalonica 1:8

Dumemát siya a tehhod a maggehab a apoy, sakay parusaan na u awan hide nangtengge tu Diyos sakay awan naniwala tu Maganda a Baheta tungkul tu Panginoon tam ati Jesus.

Hebreo 10:27

Nan u maguhay dálla nikitam ay u makaánteng a pademát a pághatul, sakay u maggehab a apoy a mangtutod tu kadima hide nu Diyos!

Hebreo 10:31

Makaánteng u mahatulan nu Diyos a biyag!

2 Pedro 3:7

Tu pamamag-itan be nu upos na, u kasalukuyan nadid a langet sakay luta ay intakda nu Diyos a tutudán ti apoy tu aldew nu pághatul sakay págparusa tu awan hide sumunud tu Diyos.