Hebreo 12:15 - U Maganda A Baheta Ni Jesu-Cristo

¹⁵ Pakabantayan moy a awan adággen nu deya man nikam u pagmahal nu Diyos. Dyan kam magmula ti saket ni isip a makapangpadukás tu agum.

Hebreo 12:15 ပူးပေါင်းရင်းမြစ်များ

Lukas 22:32

Pero indaddasal taka a awan manghina u pánnampalataya mo. Ipamenák mo pero pagsisiyan mo labe, kaya gusto ko a tulungan mo u kakagumanan mo hide tánni bumegsák u pánnamplataya de.”

1 Corinto 10:12

Kaya ngane, magingat u magakala a matatag dán ti pánnampalataya, bakay matokso kam sakay magkasala.

1 Corinto 13:8

Mawan u kakayanan a magpahayag tu upos nu Diyos, mawan u kakayanan a magupos ti iba-iba a upos sakay mawan u karunungan, pero u págmahal ay awan ti kahád.

1 Corinto 15:33

Dyan kam padaya, dipo “U madukás a kaguman ay makasida ti mágkaganda a ugale.”

1 Corinto 5:6

Dyan kam magmadakál. Awan moy beman tukoy a u madukás a gimet ay kumán a u págpaalsa ti tinapay? Dipo maski ni badit la ay meahes u atanan.

2 Corinto 13:5

Suriyán moy u sadile moy tánni matukuyan moy a talaga ni tehhod kam a pánnampalataya ni Cristo; purbaan moy sadile moye. Awan moy beman tukoy a katoy nikam ti Cristo Jesus? Maliban dálla ni awan kam tunay a mánnampalataya.

2 Corinto 6:1

Nadid, bilang kaguman tu gawain nu Diyos, ay mákkekakagbi kame nikam a dyan moy sayangán u inyatád nikam nu Diyos a pagpapala.

Galacia 2:13

Pati be u agum a mánnampalataya hod ay inumaheg ni Pedro, pate ti Bernabe ay nákke-aheg nikuna.

Galacia 5:4

Hikam a magpumilit a ituring nu Diyos a matuwid tu pamamag-itan nu kássunud moy tu Kautusan ay inadággen moy dán ti Cristo. Sakay inadiyan moy u kagbi nu Diyos.

Efeso 5:3

Dipo pinile kam nu Diyos bilang kao na, ay awan dán dapat a ketan nikam u tungkul tu ányaman a kalase ni pángngibábbey oni pángngilállake sakay kalaswaan.

Colosas 3:5

Kaya dapat moy dán a ibutan u kagustuwan nu pilas: u pángngibábbey oni pángngilállake, kahalayan, pággisip ti mágkalaswa a bagay, madukás a kagustuwan, sakay u págdámmot a essa a klase ni págsamba tu diyos-diyosan.

Tito 1:15

Malinis u atanan a bagay tu tehhod a malinis a isip, pero tu mágkadukás sakay tu awan mánnampalataya ay awan ti bagay a malinis dipo madangát u konsensiya sakay u pággisipan de hide.

Hebreo 3:12

Kanya magingat kam kákkapatkákka ko, a awan magkahod ti madukás a isip sakay mawanan ti pánniwala a magin dahilan nu káadág moy tu biyag a Diyos.

Hebreo 4:1

Sakay nadid, u pananto nu Diyos tungkol tu imangan a inhanda na ay para labe nikitam. Kanya ngani mangilag kam makay tehhod nikam a awan makaguman tu impananto na.

Hebreo 4:11

Kanya pagsikapan tam a makasáddáp sakay umimang tu páppágyanan nu Diyos. Dipo u sumuway tu Diyos ay awan makasáddáp a konna tu Israelita hide.

Hebreo 6:11

U gusto me ay magtulos-tulos kam a magsikap tu paggimet ti iye, hanggan a matanggap moy u áasaan moy.

2 Pedro 1:10

Kaya ngane, kákkapatkákka ko hide, lalu kam a sumigasig a máng-aheg tu ugale moy tu pángpile nikam nu Diyos. Ni ginimet moy iye ay mapatunayan moy a dinulaw kam ngane nu Diyos sakay awan kam manghina tu pánnampalataya moy.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

2 Pedro 3:11

Ni konna he u mangyare tu atanan a bagay, ay dapat kam a mabiyag a tehhod a kalinisan sakay makadiyos a kákkabiyag,

2 Pedro 3:14

Kaya ngane, mahal ko hide a kákkapatkákka, mentaras maguhay kam ti iye hide a bagay, ay pagsikapan moy a mabiyag a te kapayapaan, malinis sakay awan ti dangát tu pangileng na.

2 Juan 1:8

Magingat kam tánni awan mawanan ti kabuluhan u pinaghirapan me nan maalap moy u kabuuwan nu gantimpala moy.