Hebreo 12:11 - U Maganda A Baheta Ni Jesu-Cristo

¹¹ Mentaras a disiplinaan kitam ay awan kitam masaya nan masakitan. Pero káttapos ni itod ay magkahod kitam ti kapayapaan a bunga nu matuwid a kákkabiyag.

Hebreo 12:11 ပူးပေါင်းရင်းမြစ်များ

Roma 14:17

Dipo u kahariyan nu Diyos ay awan tungkul tu pagkain oni áinumán, ni awan tungkul tu matuwid a kákkabiyag, maganda a rilasyon tu balang essa, sakay kasayaan a gábwat tu Banal a Ispirito.

2 Corinto 4:17

Dipo u pághirap a nadanas me nadid, ay pangsandaliyan la sakay awan masiyadu a madágge. Dipo tukoy me a tehhod a inhanda a dakál a gantimpala u Diyos para nikame. Iye ay manatile a magpakahanggan sakay awan mapantayan.

2 Timoteo 4:8

Nadid ay matanggap ku dán u kurona nu pagkamatuwid. U Panginoon a makatarungan a maghatul u mangkurona nikán tu káddemát nu aldew a pághatul. Bakán la a hikán nan pati be u atanan a nangmahal ni Jesu-Cristo a maguhay tu kássole Na a huway.

Hebreo 12:10

Tu alay nu sabadit a panahun ay disiplinaan kitam nu dáddakál tam hide ayun tu tukoy de a maganda. Pero u pagdisiplina nikitam nu Diyos ay palagi a tu ikapiyya tam tán magin banal kitam a konna nikuna.

Hebreo 5:14

Pero u maigát a kanán ay para tu mágkatanda dán hide sakay tukoy na dán u maganda ay tu madukás.

1 Pedro 1:6

Dipo ti iye dapat kam a magsaya, maske ni magdanas kam pa ti iba-iba a pagsubuk ti sabadit a panahun.

2 Pedro 2:14

Ni umileng hide ti bábbey, ay putat ti kákkasoh. Awan hide ti imang ti pakán gimet ti kasalanan sakay ipahamak dipa ti kasalanan u mágkahina hide ti pánnampalataya. Hide ay sakim. Binusong dán hide!