Hebreo 12:1 - U Maganda A Baheta Ni Jesu-Cristo

¹ Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Hebreo 12:1 ပူးပေါင်းရင်းမြစ်များ

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

Mateo 24:13

Pero u matapat hanggan tu katapusan ay siya u maligtas.

Markos 10:50

Imbudas ni Bartimeo u alikábkáb na, lummukso a timmáknág sakay immadene ni Jesus.

Lukas 12:15

Sakay kinagi na nide a atanan, “Magingat kam tu atanan a kalase ni kakutidan; dipo u tunay a biyag nu essa a tolay ay awan masukat tu kakpal nu yaman na.”

Lukas 16:28

dipo tehhodák a limma a kákkapatkákka a lállake hod, utusan mo siya a angay na hide pagkagiyán tánni awan be hide meangay ti lugaráy a paghirapan ko.’

Lukas 21:34

Kinagi ni Jesus, “Pero mag-ingat kam, dyan kam mággaabalaán a máglalasingán sakay mágsasayaán, sakay dyan kam mabalisa ti pakán ehyok moy tu kabiyagan moy hide tu aldew-aldew. Bakay abutan kam ni Aldiwan itod a awan handa.

Juan 3:32

Kakkagiyan na u netan na sakay u nasaneg na ti langet, pero sasangan la u maniwala tu kinákkagi na.

Juan 4:39

Nadid, makpal a Samaritano u naniwala ni Jesus ti banuwanan itod, dipo tu patunay nu bábbey, “Natukuyan ni Jesus u atanan a ginimet ko.”

Juan 4:44

Ti Jesus dám be u nagkagi a u essa a prupeta ay awan igagalang tu sadile na a banuwan.

Roma 12:12

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

2 Corinto 7:1

Nadid, mahal me hide a kákkapatkákka, nadid ta inpananto nikitam nu Diyos iye hide a bagay ay adággen tam u atanan a mágkadukás a gimet a makapangatád ti dangát tu isip tam sakay makedukás tu bággi tam. Sikapán tam a mabiyag ti banal sakay tehhod a ánteng tu Diyos.

Galacia 2:2

Simmoliyák dipo kinagi nikán nu Diyos a dapaták a angay hod. Nákpágguhunák ti sadiliyan tu puno hide nu mánnampalataya hide, sakay inpakapospos ko nide u Maganda a Baheta a ibábbaheta ko tu Hentil hide. Ginimet ko iye tán masigudu ko a awan masayang u pinagpaguden ko tu nakalipas hanggan tu kasalukuyan.

Galacia 5:7

Maganda dán nakwa u kássunud moy tu tatahoden a pánnampalataya. Ti deya u nangpugád nikam a diyan itulos u kássunud moy tu tatahoden?

Efeso 4:25

Kanya adággen moy dán u págbule-bule sakay u tatahoden u ikagi moy tu kákkapátkákka moy hide dipo kabilang kitam tu eessa a bággi.

Filipos 1:30

Nadid, danasán moy ngane u pághirap a netan moy a dinanas ko tu itod sakay nabaheta moy a dáddanasán kupa de hanggan nadid.

Filipos 2:16

mentras a ipakapospos moy nide u Maganda a Baheta a makapangatád ti biyag a awan ti kahád. Tánni tu káddemát ni Cristo ay mepagmadakál takam dipo awan nawanan ti kabuluhan u págpagud ko.

2 Timoteo 2:4

Dapat ay konna ka tu essa a sundalo a awan mák-alam tu bagay hide a awan ti kaugnayan tu pagigin sundalo. Nan pagsikapan na a mapasaya u pinuno na.

2 Timoteo 4:7

Ginimet ko u atanan a makaya ko para tupadán u tungkulin a intiwala nikán nu Diyos konna tu essa a mággayam a nagginan ti mahusay hanggan a natapos u karera. Nadid nagimet ku dán u tarabaho a inyatád nikán nu Diyos. Sakay nanatiliyák a tapat tu pánnampalataya ni Cristo.

Hebreo 6:15

Nagtiyaga ti Abraham a naguhay, kanya natanggap na u nepananto nikuna.

Santiagu 1:3

dipo tukoy moy dán a u pagsubuk hide ay máng-atád ti katatagen tu pánnampalataya moy.

1 Pedro 2:1

Kanya adággen moy dán u atanan a mágkadukás, u pakándaya, pakánwari-ware, kákkaiyamut, sakay pakán upos ti awan ti pinagseserbiyan tu agum.

1 Pedro 4:2

Kanya mentaras biyag kitam he ti munduwáy hanggan diyan tamon sunudán u makaluta hide a kagustuwan nu sadile tam nan sapulan tamon a mabiyag a ayun tu kagustuwan nu Diyos.

1 Pedro 5:1

Hikam a pinuno hide nu mánnampalataya hide, mákkekagbiyák nikam bilang essa be a konna nikam. Tistiguwák tu pághirap ni Cristo, sakay kabahagiyák be tu karangalan na a adene dán a mehayag. Mákkekakagbiyák nikam

1 Pedro 5:12

Ti Silvano u nangtulung nikán ti iye a sulat. Essa siya a kapatkákka tam a tapat sakay pagtiwalaan ko. Tu pamamag-itan ni sulat kuwan iye ay gusto ko a pabegsákkán u isip moy sakay patunayan a u atanan a intoldu ko nikam tungkul tu kagbi nu Diyos ay tatahoden. Kanya diyan kam humiwalay ti kagbi naan iye.

2 Pedro 1:6

u karunungan ay dagdagen moy ti págpugád tu sadile; u págpugád ti sadile ay dagdagen moy ti katatagen; u katatagen ay dagdagen moy ti pagkamaka-Diyos;

Pahayag 1:9

Hikán u kapatkákka moy a ti Juan tu pánnampalataya sakay kaguman moy tu pághirap sakay págtiis a danasán nu kaguman hide tu kaharian nu Diyos dipo tu pákpagkaessa tam ni Cristo. Neangayák tu puduk a Patmos dipo inpakapospos ko u upos nu Diyos sakay u tatahoden a inpahayag ni Jesus.

Pahayag 13:10

Ni deyaman u netakda a madakáp ay sadya a madakáp; sakay ni deyaman u netakda a matay ti áttak ay sadya a matay ti áttak. Kaya kailangan a magpakatatag sakay manalig u pinile hide nu Diyos.”

Pahayag 22:16

“Hikán ti Jesus, u nangutus tu anghel ko para ipakapospos nikam a grupo nu mánnampalataya hide iye hide a bagay. Gábwaták tu lahe ni David sakay hikán u mademlag a biton ti dimadimang.”

Pahayag 3:10

Dipo sinunud moy u utus ko a magtiyaga ay ingatan takam be káddemát nu pagsubuk a dumemát tu atanan a tolay ti munduway.