Hebreo 11:35 - U Maganda A Baheta Ni Jesu-Cristo

³⁵ Dipo tu pánnampalataya, ay nesole tu sangan a bábbey u mahal di hide ti biyag a nagkatay káttapos a biyagán a huway. U agum be ay umád de a palayaán hide, nan tiniis de u págpahirap nide, dipo tukoy de a maske matay hide ay huway labe hide a biyagán; sakay ibiyagan itod ay adeyo a masmaganda.

Hebreo 11:35 ပူးပေါင်းရင်းမြစ်များ

Mateo 22:30

Dipo tu huway a kákkabiyag, u tolay hide ay awan mákkabanga; hide ay magin kapareho nu anghel hide ti langit.

Markos 12:25

Dipo tu kaduwwa a biyag ay awan dán hide mákkabanga. Dipo kapareho dán hide nu anghel hide ti langet.

Lukas 14:14

Ni konna he u gimitán mo ay pagpalaan ka, dipo maski ni awan hide makagante niko, u Diyos u mangatád niko ti piremyo tu kákkabiyag a huway nu tolay hide a sumunud nikuna.”

Lukas 20:36

Dipo konna dán hide tu anghel hide a awan mata-matay sakay magin anak dán hide nu Diyos. Dipo biniyag na dán hide a huway.

Juan 5:29

Mabiyag hide a huway sakay lumuwas hide tu nelábbángngan de. Atanan a naggimet ti maganda ay magkahod ti biyag a awan ti kahád. Pero atanan a naggimet ti madukás ay mahatulan sakay maparusaan.”

Gimet 22:29

Pagdaka a immadeyo u magimbistiga hide nikuna. Nanteng be u pinuno nu sundalo hide dipo impapungo na ti Pablo, a essa bál a Romano.

Gimet 23:6

Natukuyan ni Pablo a tehhod hod a Saduseo sakay Pariseo hide, kanya kinagi na ti mabegsák, “Kákkapatkákka ko hide, Pariseowák, anakák nu Pariseo hide. Naimbistigaanák nadid dipo tu pánniwala ko a mabiyag a huway u patay hide.”

Gimet 24:15

Konna nide, sumampalatayaák tu Diyos a huway na a biyagán u atanan a tolay, matuwid oni awan matuwid.

Gimet 4:19

Pero timmábbeg ti Pedro sakay ti Juan, “Hikamon i manghatulay ni ánya u tama sakay ni ánya u maganda tu atubang nu Diyos; sunudán mikam beman oni sunudán me u Diyos?

Gimet 9:41

Tinawiden ni Pedro u kamát ni Tabita sakay tinulungan na a tumaknág. Dinulawan na u mánnampalataya hide, u bilo hide a bábbey sakay inyatubang na nide ti Dorcas a biyag.

1 Corinto 15:54

Ni mapalitan dán ti awan mahunot u bággi sakay mapalitan dán ti awan matay u bággi ay matupad u kinagi na tu Kasulatan: “Natalo dán u kamatayan; ganap dán u tagumpay!”

Filipos 3:11

Para ti konna hod ay maranasan ku be u mabiyag a huway.