Hebreo 11:3 - U Maganda A Baheta Ni Jesu-Cristo

³ Dipo tu pánnampalataya ay naintendiyan tam a nilalang u mundu tu pamamag-itan nu upos nu Diyos sakay u bagay hide a ketan ay gábwat tu awan hide ketan.

Hebreo 11:3 ပူးပေါင်းရင်းမြစ်များ

Juan 1:3

Tu pamamag-itan na ay nalalang u atanan a bagay, sakay awan ti ányaman a nalalang ni awan tu pamamag-itan na.

Gimet 14:15

“Dyan moy ina gimitán, tolay kami labe a konna nikam! Katoy kame he para ipangaral me nikam u Maganda a Baheta tánni adággen moy dán ina hide a gimet a awan ti pinagseserbiyan sakay sumole kam tu biyag a Diyos a nanggimet tu langet, tu luta, tu diget, sakay u atanan a katoy hod.

Gimet 17:24

U Diyos a nanglalang ti munduway sakay tu atanan a mágyan hod ay siya u Panginoon ti langet sakay ti lutaáy. Awan siya mágyan tu templo a ginimet nu tolay.

Roma 4:17

Konna he u kinagi na tu Kasulatan, “Ginimet taka a ama nu makpal a bansa.” Iye a pananto ay tehhod a bisa tu atubang nu Diyos a panaligan na, u Diyos a nangbiyag tu patay hide sakay manglalang tu atanan a bagay a awan palla.

1 Corinto 2:7

Pero u ipáppangaral me ay u lihim a karunungan nu Diyos a nelihim tu itod pero intalaga na iye para tu kapuriyan tam, bagu pa a lalangán i munduwáy.

1 Timoteo 4:5

Dipo atanan nu makan ay nebilang a malinis dipo itod u kinagi tu Upos nu Diyos sakay dipo dambe tu págdasal tam.

Hebreo 1:2

Pero nadid a dimodyan a aldew, ay nákpágguhon siya nikitam tu pamamag-itan nu Anak na a tagapagmana tu atanan a bagay. Sakay tu pamamag-itan na ay ginimet nu Diyos u buo a mundu sakay tu atanan a katoy he.

Hebreo 6:5

Nadanas di dán be u kagandaan nu upos nu Diyos, sakay u kapangyariyan nu Diyos a maghare tu dumemát a panahun.

2 Pedro 3:5

Umád de a kilalaán a linalang nu Diyos u langet sakay tu luta tu kapangyariyan nu upos na. Nilalang u luta gábwat tu dinom sakay tu pamamag-itan nu dinom.

Pahayag 4:11

“Karapat-dapat ka a tumanggap ti papure, pággalang, sakay kapangyariyan, Panginoon me a Diyos; Dipo hiko u nanglalang tu atanan a bagay. Sakay ayun tu kagustuwan mo ay nilalang mo hide sakay pinanatile ti iye.”