Hebreo 11:26 - U Maganda A Baheta Ni Jesu-Cristo

²⁶ Imbilang na a mas mahalaga u magtiis para tu Mesias kasera tu kayamanan hide ti Egipto. Dipo nakatuun u isip na tu gantimpala hide a pademát.

Hebreo 11:26 ပူးပေါင်းရင်းမြစ်များ

Mateo 10:41

Ni ti deya u mangtanggap tu essa a propeta dipo siya ay propeta nu Diyos ay makatanggap be gábwat tu Diyos ti gantimpala a nelaan para tu essa propeta. Sakay ni ti deya u mangtanggap tu essa a malinis a tolay dipo tu kabaitan na ay makatanggap be ti gantimpala a nelaan para tu malinis a tolay.

Mateo 5:12

Konna labi hod u ginággimet nu tolay hide tu propeta ko hide tu itod. Magkasayaan kam a tahod dipo dakál u gantimpala moy ti langet.”

Mateo 6:1

Kinagi pa ni Jesus “Siguraduwán moy a dyan kam la maggimet ti maganda para la ipeta tu tolay tánni puriyán di kam. Dipo awan kam ti gantimpala a maalap tu Ama moy ti langet.

Lukas 14:14

Ni konna he u gimitán mo ay pagpalaan ka, dipo maski ni awan hide makagante niko, u Diyos u mangatád niko ti piremyo tu kákkabiyag a huway nu tolay hide a sumunud nikuna.”

Lukas 14:33

Konna bi hod, awan maare a magin disepulus ko u maskin deya ni awan na adággen u atanan a katoy tu biyag na.”

Gimet 5:41

Tunay ti saya a limmakad u apostol hide tu atubang nu Sanedrin dipo pinagustuwan nu Diyos a magdanas hide ti págseste alang-alang ni Jesus.

2 Corinto 12:10

Dipo ni Cristo ay awan nikán ti halaga ni mahinaák, insultuwán, pahirapan, usigán, sestiyán, sakay magtiis. Dipo ni nikanák a mahina ay sakaák be a pabegsákkán nu Diyos.

2 Corinto 6:10

Maski maglungkut kame, ay tehhod kame padi a kasayaan; maski ni mahirap, pero mapayaman be u agum; lubu-lubus, pero u tatahoden kao me u atanan a bagay.

Efeso 1:18

Idáddasal kube tu Diyos a nakwa demlagan nu Diyos i isip moye tánni matukuyan moy u tungkul tu asaan tam a inlaan na nikitam bilang sakup na hide. Sakay para maitendiyan moy ni sakodya ti kakpal u págpapala a inlaan na para tu pinili na hide.

Efeso 3:8

Hikán u pinakamababa tu pinile hide nu Diyos. Konna paman hod ay ginusto na padi a ipagkaluub nikán i tungkulin nan iye, a ipangaral tu Hentil hide u Maganda a Baheta tungkul tu awan masukat a págpapala a gábwat ni Cristo.

Filipos 3:7

Pero dipo ni Cristo, u bagay hide a páppahalagaan ko tu itod ay imbilang ko nadid a awan ti kabuluhan.

Hebreo 10:33

Ni minsan ay áinsultuwán dikam sakay páppahirapan tu atubang nu kakpalan. Sakay ni minsan be ay makramay kam tu agum moy a magdanas ti konna labi hod.

Hebreo 10:35

Kanya diyan kam mawanan ti pánnalig tu Diyos, dipo tehhod a dakál a piremyo a nakalaan para nikam.

Hebreo 11:6

Ni awan kitam sumampalataya tu Diyos, ay awan tam siya mapasaya, dipo ni deyaman u umadene nikuna ay dapat a maniwala a tehhod a Diyos a mángngatád ti piremyo tu tolay hide a magsikap a makilala u Diyos.

Hebreo 13:13

Kanya umadene kitam nikuna tu luwas nu banuwan sakay magdanas be ti kadustaan a tiniis na.

Hebreo 2:2

Ta u impakapospos nu anghel hide a upos ay napatunayan a tatahoden, sakay u balang sumuway oni awan sumunud ay makatanggap ti karapat-dapat a parusa.

1 Pedro 1:11

Kinagi dán nide nu Banal a Ispirito a ti Cristo ay maghirap pa bagu na a matanggap u karangalan. Inadal de ti husto ni nikan sakay ni kodya iye a mangyare.

1 Pedro 4:14

Mapalad kam ni dáddustaán di kam dipo ni Cristo, dipo tukoy moy a katoy nikam u Banal a Ispirito nu Diyos a makapangyariyan.

Pahayag 2:9

Tukoy ko u pagsubuk a dáddanasán mo. Tukoy ko a mahirap kam, pero i tatahodinay ay mayaman kam. Sakay tukoy ko be u pangsássida nikam nu bakán hide a Judio, pero i tahoday ay sakup hide ni Satanas.

Pahayag 3:18

Kaya ngani ipayo ko nikam a mamale kam nikán ti puro a ginto tánni yumaman kam. Mamale kam be nikán ti mapudew a badu tánni mabaduwan i eklas moye a bággi, sakay gamot ti mata tánni maketa kam.