Hebreo 11:25 - U Maganda A Baheta Ni Jesu-Cristo

²⁵ Ginusto na pa a mákpaghirap tu tolay hide nu Diyos, nan magtamasa ti kasayaan a awan la magmalay a maggábwat tu kasalanan.

Hebreo 11:25 ပူးပေါင်းရင်းမြစ်များ

Mateo 13:21

Pero dipo kapareho siya nu essa a mula a awan ti gimot a madisalad ay awan siya makatággád tu hirap nu seste dipo tu pánniwala na ay alisto siya a ummadág tu pánniwala na.

Lukas 16:25

Pero kinagi ni Abraham, ‘Anak isipán mo a nagpakasawa ka tu biyag mo ti luta atod. Sakay ti Lazaro ay nagtiis ti hirap. Pero nadid ay masaya dán u biyag na he sakay hiko damman ay mághahirapán ka hina.

Gimet 7:34

Netan ko u páng-ape nu taga-Egipto hide tu pinile ko hide sakay nasaneg ko u daing de, kayaák a katoy he tánni iligtas ko hide. Nadid maghanda ka ta paangayán taka ti Egipto.’

Roma 5:3

Sakay masaya kitam maske ni maranasan tam u hirap hide, dipo matuto kitam a magtiis.

2 Corinto 5:17

Kaya ni deya man u nákpagkaessa ni Cristo ay essa dán a bigu a nilalang. Awan dán u date na a pagkatolay; siya ay binagu dán.

Colosas 1:24

Masayaák tu pághirap ko nadid dipo tukoy ko a para iye tu ikapiya moy. I pághirap ni bággi kuwáy nadid ay pángtulos-tulos tu pághirap ni Cristo para tu mánnampalataya hide a magebággi na.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

Hebreo 10:32

Isipán moy u nangyare nikam tu itod, nikuna a pákkatanggap moy tu Maganda a Baheta. Nagdanas kam ti makpal a kahirapan pero awan kam natalo.

Hebreo 11:37

U agum be ay binábbatikal, tináppeng ti lagadi sakay binuno ti áttak. Nagsulot be u agum ti koblet ni tupa sakay koblet ni kambing. Sakay u agum be ay naklimu-limus, inape-ape, sakay pináppasakitan.

Hebreo 4:9

Kanya ngane tehhod palla a nakahanda a imangan u pinile hide nu Diyos, a konna tu káimang nu Diyos káttapos nu pánglalang na tu kapitto a aldew.

Santiagu 1:20

Dipo u iyamut ay awan makatulung tu tolay tánni magin matuwid tu pangileng nu Diyos.

Santiagu 5:5

Nabiyag kam ti sagana sakay nágpapasarapán kam la ti biyag moye ti munduwan iye. Pero tu dimodyán a aldew ay te pananagutan kam. Kumán kam a u hayup a tumabe dipo makpal a makan, pero awan na tukoy a bunuwán bál siya.

1 Pedro 2:10

Tu itod ay bakán kam palla a sakup nu Diyos pero nadid ay sakup na kamon. Awan nikam tu itod u kagbi nu Diyos, pero nadid ay hod dán nikam u kagbi na.

Pahayag 18:7

Ni kodya siya a nagpakasaya sakay nagmataas tu itod, ay ipabate moy be nikuna u katapat ni iye hide a kahirapan sakay kalungkutan. Dipo u pirme na a kákkagiyán ay ‘Tanyagák a Raina! Awanák bilo, sakay awanák makadadanas ti kalungkutan maski nikan!’