Hebreo 11:16 - U Maganda A Baheta Ni Jesu-Cristo

¹⁶ Pero u gusto de ay u mas maganda a banuwan, u banuwan a katoy ti langet. Kanya awan ingkasanike nu Diyos a dulawán de siya a Diyos de, dipo naghanda na hide ti essa a banuwan.

Hebreo 11:16 ပူးပေါင်းရင်းမြစ်များ

Mateo 25:34

Sakay kagiyan ko tu atoy hide tu kawanan ko, ‘Kamon he, hikam a pinagpala nu Ama ko! Mágyan kam tu kaharian a inhanda para nikam sapul pa nikuna ginimet u mundo.

Markos 12:26

Tungkul be tu kákkabiyag a huway, awan moy pad beman la nabasa u insulat ni Moises? Nikuna a hod siya tu maggangat a kayo, kinagi nikuna nu Diyos, ‘Hikán u Diyos ni Abraham, U Diyos ni Isaac sakay u Diyos ni Jacob!’

Markos 8:38

Ni ikasanikiyák moy sakay ni ikasanike moy be u upos ko tu tolay hide a makasalanan nadid a panahun, sakay ni awan kam tapat tu Diyos ay ikasanike kam be nu Anak nu Tolay káddemát na a tehhod a kapangyariyan a gábwat tu Ama na, kaguman na u anghel hide.”

Lukas 12:32

“Hikam a disepulus ko hide, dyan kam manteng, maski sasangan kam la dipo gugusto nu Diyos a kaguman nakam tu kahariyan na.

Lukas 20:37

Pate ti Moises ay nágpatunay a mabiyag a huway u patay hide. Dipo nikuna a katoy siya tu maggehab a mahenggád a kayo ay dinulawan na u Panginoon a, ‘Diyos ni Abraham, Diyos ni Isaac, sakay Diyos ni Jacob.’

Juan 14:2

Tu bilay Nama ko ay makpal a kuwarto. Angayák hod para paghanda takam ti páppágyanan moy. Awan ku iye kagiyán ni awan tatahoden.

Gimet 7:32

Kinagi na, ‘Hikán u Diyos nu ninuno mo hide, u Diyos di Abraham, Isaac sakay ti Jacob.’ Minagpágpág ti Moises ti ánteng sakay awan siya makaileng.

Filipos 3:20

Pero para nikitam, u tunay tam a banuwan ay ti langet. Kaya tunay u pagkasoh tam tu págguhay tu kássole nu Panginoon a ti Jesu-Cristo, u tagapagligtas tam.

2 Timoteo 4:18

U Panginoon u mángligtas nikán tu atanan a mágkadukás sakay ligtasák a iyangay na tu kahariyan na ti langet. Puriyán siya hanggan-hanggan! Amen.

Hebreo 10:34

Nákpagtiis kam tu pághirap nu nágkepireso hide. Sakay tinanggap moy a te kasayaan nikuna a inagew de u ari-ariyan moy, dipo tukoy moy a tehhod kam a mas maganda sakay awan mawan a ari-ariyan u nelaan nikam.

Hebreo 11:10

Dipo áohayán ni Abraham u essa a banuwan a matibay u pundasiyon a mismo u Diyos u nagplano sakay nángtatag.

Hebreo 11:14

Hod tam he a matukuyan a u tolay hide a konna hod ti pággisipan ay maguhay palla hide ti sadile de a banuwan.

Hebreo 11:40

Iye ay dipo tehhod a mas maganda a plano u Diyos para nikitam, dipo gusto na a makaguman de kitam ni tupadán na dán u impanananto na nide a hide ay magin ganap.

Hebreo 12:22

Pero hikam u inadeniyan moy ay u Buked nu Sion sakay tu banuwan nu Diyos a biyag, u makalanget a Jerusalem, a páppágyanan nu awan mabilang a anghel.

Hebreo 13:14

Dipo bakán a ti lutaáy u talaga a lugar tam, nan tehod kitam a áohayán a lugar a págyanan tam tu dumemát a panahun.

Hebreo 2:11

Ti Jesus u magpabanal tu tolay hide. U Ama na sakay u ama ni iye hide a tolay ay eessa. Kanya awan na ikasanike a dulawán na hide a kapatkákka na.

Pahayag 21:2

Sakay netan ko u Banal a Banuwan, u bigu a Jerusalem a pasidung a gábwat tu Diyos ti langet. Konna tu bábbey a ikasal a nakabadu ti maganda a handa para tagbuwán nu lállake a makabanga na.