Hebreo 11:10 - U Maganda A Baheta Ni Jesu-Cristo

¹⁰ Dipo áohayán ni Abraham u essa a banuwan a matibay u pundasiyon a mismo u Diyos u nagplano sakay nángtatag.

Hebreo 11:10 ပူးပေါင်းရင်းမြစ်များ

Juan 14:2

Tu bilay Nama ko ay makpal a kuwarto. Angayák hod para paghanda takam ti páppágyanan moy. Awan ku iye kagiyán ni awan tatahoden.

2 Corinto 5:1

Nadid, tukoy tam a masida u bággi tam a luta a kumán a bilay a páppágyanan tam mentaras a katoy kitam palla ti munduwáy. Pero tukoy tambe a te inhanda u Diyos a para nikitam a bággi a panglanget. Iye ay awan mata-matay magpakahanggan dipo iye ay ginimet nu Diyos, bakán a ginimet nu tolay.

Filipos 3:20

Pero para nikitam, u tunay tam a banuwan ay ti langet. Kaya tunay u pagkasoh tam tu págguhay tu kássole nu Panginoon a ti Jesu-Cristo, u tagapagligtas tam.

Hebreo 11:16

Pero u gusto de ay u mas maganda a banuwan, u banuwan a katoy ti langet. Kanya awan ingkasanike nu Diyos a dulawán de siya a Diyos de, dipo naghanda na hide ti essa a banuwan.

Hebreo 12:22

Pero hikam u inadeniyan moy ay u Buked nu Sion sakay tu banuwan nu Diyos a biyag, u makalanget a Jerusalem, a páppágyanan nu awan mabilang a anghel.

Hebreo 12:28

Kanya magpasalamat kitam tu Diyos, dipo makaguman nakitamon tu kahariyan na a awan mayanág. Sambaan tam u Diyos tu paraan a makasaya nikuna, a tehhod a paggalang sakay ánteng;

Hebreo 13:14

Dipo bakán a ti lutaáy u talaga a lugar tam, nan tehod kitam a áohayán a lugar a págyanan tam tu dumemát a panahun.

Hebreo 3:4

Kada bilay ay tehhod a nanggimet, pero u Diyos la u nanglalang tu atanan a bagay.

Pahayag 21:2

Sakay netan ko u Banal a Banuwan, u bigu a Jerusalem a pasidung a gábwat tu Diyos ti langet. Konna tu bábbey a ikasal a nakabadu ti maganda a handa para tagbuwán nu lállake a makabanga na.