Hebreo 10:36 - U Maganda A Baheta Ni Jesu-Cristo

³⁶ Kailangan kam a magtiis tánni masunud moy u kaluuban nu Diyos sakay matanggap moy u inpananto na.

Hebreo 10:36 ပူးပေါင်းရင်းမြစ်များ

Mateo 10:22

Kaiyamutan di kam dipo tu pániwala moy nikán. Pero u matapat nikán hanggan matay ay siya la u maligtas.

Mateo 12:50

Dipo ni ti deya u tumupad tu kaluuben nu Ama ko ti langet ay siya u ina sakay kapatkákka ko hide.”

Mateo 21:31

Deya tu duwwa u summunod tu gusto nu ama na?” “U panganay,” tábbeg de. Sakay kinagi nide ni Jesus, “Kagiyan ko nikam: u madukás hide a tagakolekta ti buwes sakay belyas hide ay mágdipalongo pa nan nikam a magpasakop tu pághare nu Diyos.

Mateo 24:13

Pero u matapat hanggan tu katapusan ay siya u maligtas.

Mateo 7:21

Sakay kinagi pa ni Jesus “Awan atanan a dumulaw nikán a Panginoon ay paghariyan nu Ama ko ti langet. U paghariyan na hide ay u sumunud la nikuna.

Markos 3:35

Ta dipo ni deya man u sumunud tu kaluuben nu Diyos ay siya u ina ko sakay u wáwwadi ko.”

Lukas 21:19

Tu pagtiis moy ay magkahod kam ti biyag a awan ti kahád.

Lukas 8:15

Pero u nesabug tu maganda a luta ay u tolay hide a nagsaneg tu upos nu Diyos sakay u náng-asák tu puso de a te katapatan sakay kalinisan. Dipo tu págtiyaga de kaya nagbunga hide.”

Juan 7:17

Ni deyaman u masoh a sumunud tu kagustuwan nu Diyos ay matukuyan na u itáttoldu ko, ni gábwat tu Diyos oni gábwat la tu sadile ku a kagustuwan.

Gimet 13:22

Sakay nikuna ibutan siya nu Diyos tu katungkulan na ay inpalit na ti David para magin hare. Sakay konna he u kinagi nu Diyos tungkul nikuna, ‘Netan ko ni David a anak ni Jesse u atanan a gusto ko, dipo tukoy ko a nakahanda siya a sumunud tu atanan a iyutus ko!’

Gimet 13:36

Nikuna masunud dán ni David u atanan a kagustuwan nu Diyos ay natay siya sakay nelábbáng a kaguman nu ninunu na hide sakay nahunot.

Roma 12:12

Sakay dipo te pag-asa kam tu biyag magsaya kam. Pagtiisan moy u hirap hide sakay palagi a manalangin.

Roma 12:2

Dyan moy ahigán u gággimitán nu tolay hide ti munduwan iye. Pabayan moy a baguwán kam nu Diyos tu pamamag-itan nu págbagu na tu isip moy hide, tánni matukuyan moy u kaluuben nu Diyos ni ánya u maganda katanggap-tanggap sakay makasaya nikuna.

Roma 2:7

Atádden na ti biyag a awan ti kahád u tolay hide a magsumikap a maggimet ti maganda, a u gusto de ay maalap u karangalan, papure a gábwat tu Diyos sakay biyag a awan ti kamatayan.

Roma 8:25

Pero ni umasa kitam tu awan tam áelingan ay uhayán tam ina a tehhod a págtiyaga.

1 Corinto 13:7

U tolay a te págmahal ay mapagpatawad, te tiwala tu agum, pirme a tehhod a pag-asa, sakay mapagtiis tu atanan a hirap.

Galacia 6:9

Kanya diyan kitam magsawa a maggimet ti maganda tu agum a tolay. Dipo dumemát u aldew a makatanggap kitam ti gantimpala tu awan tam káimang tu pággimet ti maganda.

Efeso 6:6

Gimitán moy iye, te maketa man oni awan bakán a para puriyán nu tolay hide nan dipo tagapagserbi kam ni Cristo sakay sumássunud ti buu a puso tu kaluuban nu Diyos.

Colosas 1:11

Idáddasal me be a pabegsákkán nakam nakwa tu tulung nu dakila na a kapangyariyan tánni makatággád kam sakay makapagtiis tu atanan a bagay ate kasayaan.

Colosas 3:24

Tukoy moy labe a te gantimpala kam tu Panginoon; tanggapán moy u inhanda na tu anak na hide. Dipo ti Cristo a Panginoon u págserbiyan moy.

Colosas 4:12

Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

Hebreo 11:39

Dipo tu pánnampalataya de tu Diyos, ay nángwahak hide ti essa a kasaysayan a awan mali-malimunan maski nikan. Pero u impananto nu Diyos ay awan de natanggap tu panahun de.

Hebreo 12:1

Nadid ta napalebutan kitam ti makpal a tistigu, adággen tamon u kasalanan a alisto a mangtaw-taw nikitam sakay ibutan u ányaman a hadlang a mangpugád nikitam, sakay magtiyaga kitam a magtulos-tulos tu ginanan tam a intakda nu Diyos.

Hebreo 13:21

u mangkaluub nakwa nikam u atanan a kailangan moy para megimet moy u kaluuben na, sakay tu pamamag-itan ni Jesu-Cristo ay gimitán na nikitam u makasaya nikuna. Puriyán ti Cristo hanggan-hanggan Amen!

Hebreo 6:12

Kanya diyan kam magin tamad, nan ahigán moy u tolay hide a dipo tu pánnampalataya de sakay págtiis ay natanggap didan u impananto nu Diyos.

Hebreo 6:15

Nagtiyaga ti Abraham a naguhay, kanya natanggap na u nepananto nikuna.

Hebreo 6:17

Konna bi hod, pinatibay nu Diyos u pananto na tu pamamag-itan nu pánnumpa tánni ipeta na tu pinanantuwan na hide a awan magbabagu u kinagi na a gimitán na.

Hebreo 9:15

Kaya ngane ti Cristo u tagapamagitan tu bigu a kasunduwan. Dipo tu kákkatay na, ay napatawad u katolayan tu kássuway de nikuna a sakup palla hide nu purumero a kasunduwan. Kanya dipo hod, ay matanggap nu dinulaw hide nu Diyos u impananto na a awan ti katapusan a págpapala.

1 Pedro 1:9

Dipo magtanggap kamon tu bunga nu pánnampalataya moy, iye ay u kaligtasan moy.

1 Juan 2:17

Iye hide sakay i munduway ay mawan pero u sumunud tu kagustuwan nu Diyos ay mabiyag hanggan-hanggan.

Pahayag 13:10

Ni deyaman u netakda a madakáp ay sadya a madakáp; sakay ni deyaman u netakda a matay ti áttak ay sadya a matay ti áttak. Kaya kailangan a magpakatatag sakay manalig u pinile hide nu Diyos.”

Pahayag 14:12

Kaya dapat a magpakatatag sakay magin matáttiisán u pinile hide nu Diyos, u sumássunud hide tu utus nu Diyos, sakay dapat a manatile u pánnampalataya de ni Jesus.