Hebreo 10:33 - U Maganda A Baheta Ni Jesu-Cristo

³³ Ni minsan ay áinsultuwán dikam sakay páppahirapan tu atubang nu kakpalan. Sakay ni minsan be ay makramay kam tu agum moy a magdanas ti konna labi hod.

Hebreo 10:33 ပူးပေါင်းရင်းမြစ်များ

1 Corinto 4:9

Dipo tu pangisip ko, hikame a apostol hide u ginimet nu Diyos a pinakamababa tu atanan a tolay. U kapareho me ay u tolay hide a nahatulan dán ti kákkatay, a áelingán nu anghel hide sakay nu tolay hide.

2 Corinto 12:10

Dipo ni Cristo ay awan nikán ti halaga ni mahinaák, insultuwán, pahirapan, usigán, sestiyán, sakay magtiis. Dipo ni nikanák a mahina ay sakaák be a pabegsákkán nu Diyos.

Filipos 1:7

Dapat la a konna he u kagiyán ko dipo mahal takam a tahod sakay dipo magkaguman kitam a timmanggap tu pagpapala nu Diyos, maski tu itod a malayaák a magpahayag sakay mángtaknág tu Maganda a Baheta hanggan nadid a nakapiresuwák.

Filipos 4:14

Konna pa man hod ay magpasalamaták a tahod dipo tu pángtulung moy nikán tu pághirap ko.

1 Tesalonica 2:14

U nangyare nikam kákkapatkákka mi hide, ay konna tu nangyare tu gurupo nu mánnampalataya hide ni Cristo a mágyan ti Judea. Pinasakitan kam nu kabanuwan moy hide a konna tu taga-Judea hide pinasakitan hide nu kasa-Judio di labe hide.

2 Timoteo 1:8

Kaya dyan mo ikasanike a magpatunay tu Panginoon tam oni tu kákkepireso ko alang-alang nikuna. Nan mákpagtiis ka tu hirap dipo tu págtoldu tam tu Maganda a Baheta. Ta atadden ka nu Diyos ti begsak a gimitan iye.

Hebreo 11:26

Imbilang na a mas mahalaga u magtiis para tu Mesias kasera tu kayamanan hide ti Egipto. Dipo nakatuun u isip na tu gantimpala hide a pademát.

Hebreo 11:36

U agum be ay ininsulto sakay linatigu sakay tehhod be a nekulung a nakakadena.

Hebreo 12:4

Tu pághirap moy kontara tu kasalanan ay awan palla dimmemát tu punto a mabuno kam.

Hebreo 13:13

Kanya umadene kitam nikuna tu luwas nu banuwan sakay magdanas be ti kadustaan a tiniis na.