Hebreo 10:29 - U Maganda A Baheta Ni Jesu-Cristo

²⁹ Sakodya ti kadágge tu palagay moy u parusa nu tolay a awan mángpahalaga tu Anak nu Diyos, sakay u awan mángpahalaga tu digi na a nangpatibay tu kasunduwan sakay nángpabanal nikuna, sakay u awan mánggalang tu makákkagbiyán a Banal a Ispirito?

Hebreo 10:29 ပူးပေါင်းရင်းမြစ်များ

Mateo 26:28

“dipo iye u digi ko a mangpatibay tu uhunan nu Diyos, u digi ko a mebuhos para mapatawad u kasalanan nu tolay hide.

Mateo 7:6

Dyan moy iyatád tu aso hide u malinis hide a bagay, o ni iyatád u perlas moy tu babuy hide dipo yáyyudakán di la itod sakay duklusán di kam.

Markos 7:2

Dipo netan de u disepulus hide ni Jesus a awan naguges ti kamát bagu a kinuman, a ayun tu kaugaliyan nu Pariseo hide.

Lukas 12:10

Sakay ni deya man u magupos ti kontara tu Anak nu Tolay ay mapatawad. Pero u magupos ti madukás tu Banal a Ispirito ay awan mapatawad.

Juan 10:36

bakin moy a kagiyán a lapastanganán ko u Diyos dipo tu kinagi ko a hikán ay Anak nu Diyos? Piniliyák nu Ama sakay pinaangayák na he ti munduwáy.

Juan 17:19

Sakay alang-alang nide ay inlaan ko i sadile kuwáy niko, tán melaan be hide niko tu pamamag-itan nu tatahoden.

Gimet 7:51

Talaga makásseng ulo moye! Awan palla nabagu i isip moye! Umád moy a sanigán u tatahoden! Ni ánya u ginimet nu dáddakál moy hide, ay itod be i gággimitán moyay. Masássuwayán kam a pirme tu Banal a Ispirito.

Roma 16:20

U Diyos a pinaggábwatan ni kapayapaan ay adene nadán a puksaán u kapangyariyan ni Satanas tu pamamag-itan moy. Pagpalaán kam nu Panginoon Jesus.

1 Corinto 11:27

Kaya ni deya man u kuman tu tinapay sakay uminom tu baso nu Panginoon a awan karapat-dapat ay nagkasala hide tu Panginoon Jesus a siya u náng-alay tu bággi na sakay tu digi na.

1 Corinto 11:29

Dipo ni deya man u kuman sakay uminom a awan na áisipán u kahalagaan nu bággi nu Panginoon Jesus, ay kumán a kimman sakay umminom tu hatul para tu sadile na.

1 Corinto 15:25

Dipo ti Cristo ay dapat a maghare hanggan matalo na sakay mapasuko na u atanan a kadima na.

1 Corinto 15:27

Dipo kinagi nu Kasulatan: “U atanan a bagay ay impasakup nikuna nu Diyos.” (Pero u upos a, “atanan a bagay,” ay maliwanag a awan he kaguman u Diyos a nángdátton tu atanan a bagay tu sakup nu kapangyariyan ni Cristo.)

1 Corinto 6:11

Konna hina u agum nikam tu itod. Pero nalinis kamon tu kasalanan moy hide sakay netalaga kamon tu Diyos. Napatawad kamon tu ngahan nu Panginoon tam a ti Jesu-Cristo sakay tu Banal a Ispirito nu Diyos.

Efeso 4:30

Sakay dyan moy palungkután u Banal a Spirito, dipo siya u tanda nu Diyos nikam, sakay siya u katibayan nu kaligtasan moy káddemát nu netakda a aldew.

Efeso 5:26

Ginimet na iye para hikitam a mánnampalataya hide ay magin banal tu atubang nu Diyos dipo hikitam ay imbilang na a nalinisan dán tu pamamag-itan nu pánniwala tam tu upos na kanya hikitam ay nabawtismuwan dán tu dinom.

Hebreo 10:10

Dipo tu págsunud ni Jesu-Cristo tu kaluuban nu Diyos, ay lininis na kitam tu kasalanan tam hide tu pamamag-itan nu pág-alay na tu sadile na a bággi. Pumensan nala iye a ginimet, sakay awan dán iye mahuwa-huway.

Hebreo 12:25

Kanya magingat kam, sakay diyan moy adiyan u Diyos a magupos nikitam. Dipo u awan hide nágsaneg tu nagupos hide tu itod ti lutaáy ay awan nakaligtas tu parusa! Nadid, kodya kitam makaligtas ni umád kitam a mágsaneg tu magupos a gábwat ti langet?

Hebreo 13:20

U Diyos a ginábwatan nu kapayapaan, sakay nangbiyag a huway tu Panginoon Jesus, a nagin Dakila a Pastol nu tupa hide dipo tu dige na a nangpatibay tu awan ti kahád a kasunduwan,

Hebreo 2:11

Ti Jesus u magpabanal tu tolay hide. U Ama na sakay u ama ni iye hide a tolay ay eessa. Kanya awan na ikasanike a dulawán na hide a kapatkákka na.

Hebreo 2:3

Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.

Hebreo 4:14

Kanya magpakatatag kitam tu pánnampalataya tam, dipo tehhod kitam a dakila a Pinakapuno a Saserdote, simmáddáp dán siya ti langet tu atubang nu Diyos. Siya ay ti Jesus a Anak nu Diyos.

Hebreo 6:4

Dipo kodya mo a mapagsise sakay pasoliyán u immadág dán hide tu pánnampalataya de? Nademlagan dán hide tu itod, naranasan di dán be u kaluub a gábwat ti langet, sakay nakatanggap be hide tu Banal a Ispirito.

Hebreo 6:6

Ni umadág pa hide, káttapos de a maranasan iye a atanan ay awan dán hide mapasole a huway. Dipo u gusto ni iye a kagiyán ay ipako de a huway tu kudus u Anak nu Diyos sakay pasanikiyán tu atubang nu makpal a tolay.

Hebreo 9:13

U dige nu kambing sakay nu toro sakay u abu nu dumalaga a baka ay iwasek-wasek tu tolay a madangát ti biyag. Káttapos ni itod ay mebilang dán hide a malinis ayun tu Kautusan.

Hebreo 9:20

Káttapos ay kinagi na, “Iye u dige a nangpatibay tu Kasunduwan a inyatád nu Diyos sakay ipatupad na nikam.”

Pahayag 1:5

Sakay gábwat be iye ni Jesu-Cristo, u tapat a tistigu, ti bagayan iye hide, u kadipalonguwan a nabiyag a huway, sakay Hare nu atanan a hare ti munduway. Siya ay puriyán tam, dipo tunay a mahal na kitam. Sakay pinalaya na kitam gábwat tu kákkaalipin tam tu kasalanan tam hide tu pamamag-itan nu kákkebuhus nu dige na tu kudus.