Hebreo 1:1 - U Maganda A Baheta Ni Jesu-Cristo

¹ Tu itod a panahun ay nákpágguhon u Diyos tu ninuno tam hide tu iba-iba a pagkakataun sakay iba-iba a paraan tu pamamag-itan nu prupeta hide.

Hebreo 1:1 ပူးပေါင်းရင်းမြစ်များ

Lukas 1:55

Dipo inpananto na tu lahe ni Abraham a kagbiyan na hide hanggan-hanggan.”

Lukas 1:72

Nagpananto bi siya a kagbiyan na u nuno tam hide, sakay awan na kalimunan u kasunduwan de a banal.

Lukas 24:27

Sakay impaliwanag nide ni Jesus u atanan a nesulat tu Kasulatan tungkul tu sadile na, sapul tu insulat ni Moises hanggan tu insulat nu prupeta hide.

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Juan 16:13

Pero káddemát nu Banal a Ispirito a tagapagtoldu tu tatahoden ay tulungan nakam para maintendiyan moy u atanan a tatahoden. U itoldu na ay bakán a gábwat nikuna, nan u nasaneg nala tu Diyos u kagiyán na. Sakay kagiyán na be nikam u tungkul tu bagay hide a dumemát.

Juan 7:22

Awan beman inyatád nikam ni Moises u utus tungkul tu págture. (Bakán iye a gábwat ni Moises nan tu ninuno moy hide.) Sakay dipo ti iye ay turiyán moy u anak maski Aldew ni Káimang.

Juan 9:29

Tukoy me a nagupos u Diyos ni Moises, pero u tungkul ti tolayan itona ay awan me tukoy ni hádya siya a gábwat.”

Gimet 13:32

Katoy kami he para ibaheta nikam u Maganda a Baheta. Iye u pananto nu Diyos tu nuno tam hide.

Gimet 2:30

Ti David ay essa a prupeta kanya natukuyan na u inpananto nu Diyos nikuna, a essa tu sumunud a lahe na ay magin hare la be a konna nikuna sakay siya u magmana tu kahariyan na.

Gimet 28:23

Kanya nagtakda hide ti essa a aldew, sakay makpal u immangay tu páppágyanan ni Pablo káddemát ni itod a aldew. Saldew siya a nagpaliwanag nide sakay nángpatunay tungkul tu pághare nu Diyos. Tu pamamag-itan nu Kautusan ni Moises sakay u insulat nu prupeta hide ay ginimet na u atanan a makaya na tán maakit na hide a sumampalataya ni Jesus.

Gimet 3:21

Pero kailangan a mágyan pa ti Jesus ti langet hanggan dumemát u panahun a baguwán nu Diyos u atanan a bagay. Itona be u kinagi nu Diyos tu itod tu pamamag-itan nu banal na hide a prupeta.

Hebreo 11:18

a u magin lahe na ay maggábwat ni Isaac.

Hebreo 11:2

Dipo tu pánnampalataya de ay kinasayaan nu Diyos u tolay hide tu itod.

Hebreo 12:25

Kanya magingat kam, sakay diyan moy adiyan u Diyos a magupos nikitam. Dipo u awan hide nágsaneg tu nagupos hide tu itod ti lutaáy ay awan nakaligtas tu parusa! Nadid, kodya kitam makaligtas ni umád kitam a mágsaneg tu magupos a gábwat ti langet?

Hebreo 2:2

Ta u impakapospos nu anghel hide a upos ay napatunayan a tatahoden, sakay u balang sumuway oni awan sumunud ay makatanggap ti karapat-dapat a parusa.

Hebreo 2:3

Konna bi hod, awan kitam makaiwas tu parusa ni awan tam pahalagaan u dakila a kaligtasan. U Panginoon u dipalongo a nángkagi ti kaligtasanan iye, sakay u nakasaneg hide nikuna u magpatunay nikitam a tutuhanan iye.

Hebreo 3:5

Nagin matapat ti Moises tu pámmahala na tu pinile hide nu Diyos bilang essa a tagapagserbi. U atanan a bagay hide a ginimet na ay mage-anino la nu bagay hide a ipahayag nu Diyos tu dumemát a panahun.

Hebreo 4:8

Ta dipo ni nakaimang u tolay hide tu pamamag-itan ni Josue tu itod ay awan dán nakwa huway a nagpananto u Diyos ti essa pa a aldew a káimang.

Hebreo 5:5

Konna bi hod, awan inlangkaw ni Cristo u sadile na a magin pinuno a saserdote. Nan pinile siya nu Diyos a nangkagi nikuna, “Hiko u Anak ko. Sapul nadid ay hikán dán u Ama mo.”

Hebreo 9:19

Dipo káttapos a inpakapospos ni Moises u Kautusan tu katolayan, ay inalap na u dige nu baka hide sakay kambing sakay hinaluwan na ti dinom. Nangalap siya ti madideg a langis sakay pinget ni hisopo, sakay insawsaw na itod tu dige a te halo a dinom. Sakay winasek-wasikan na u libro nu Kautusan sakay u tolay hide.