Gimet 9:39 - U Maganda A Baheta Ni Jesu-Cristo

³⁹ Kanya naghika-hika sakay nákkuyog nide ti Pedro. Káddemát na hod ay inyangay de siya tu kuwarto tu ontok. Agad a immadene nikuna u bábbey hide a bilo a makán sangitán sakay inpeta de nikuna u pággalikábkáb sakay u damit a ginággimet ni Dorcas nikuna biyag palla siya.

Gimet 9:39 ပူးပေါင်းရင်းမြစ်များ

Mateo 17:17

Timmábbeg ti Jesus, “Lahi kam a awan ti paniwala sakay maigát ti ulo! Hanggan nikanák moy dapat palagi a kakaguman? Hanggan nikan ta kam a pagtiisan? Iyangay moy he u anak!”

Mateo 26:11

Tu atanan a panahon ay kakaguman moy u pobre hide pero hikán ay awan moy makaguman ti habang panahon.

Markos 14:8

Ginimet nala u makaya na para nikán. Iye ay pánghanda tu káddemát nu pánglábbáng nikán.

Lukas 24:44

Káttapos ay kinagi na nide, “Iye u gusto ko a tumbukán nikuna kagiyán ko nikam tu itod pa nikuna a kakagumanák moy padla; a kailangan a matupad u atanan a nesulat tungkul nikán tu Kautusan ni Moises, sakay tu insulat nu prupeta hide, sakay tu libro nu Kansiyon hide.”

Juan 12:8

U mágkahirap hide ay pirme moy a kakaguman, pero hikán ay awan dan magmalay a kakaguman moy.”

Juan 17:12

Mentaras a kagumanák de ay iningatan ko hide tu kapangyariyan a inyatád mo nikán. Iningatan ko hide sakay awan ti nepahamak nide, puwera la tu tolay a nagehyok tu kákkepahamak na para matupad u kinagi tu Kasulatan tungkul nikuna.

Gimet 1:13

Káddemát de ti Jerusalem, ay simmangkay hide ti ontok a kuwarto tu bilay a táttulusan de. Iye hide ay di Pedro, Juan, Santiagu, Andres, Felipe, Tomas, Bartolome, Mateo, Santiagu a anak ni Alfeo, Simon a makabayan, sakay ti Judas a anak ni Santiago.

Gimet 20:35

Tu atanan a pagkakataun ay impeta ko nikam tu pamamag-itan nu konna he a págsumikap a dapat moy a tulungan u mágkahirap. Isipán moy u kinagi nu Panginoon a Jesus, ‘Pinagpala u mangatád nan u tumanggap.’”

Gimet 6:1

Nadid tu itod a panahun ay makpal dán a mánnampalataya sakay nagreklamo dán u Helenista hide kontara tu Hebreo hide. Kinagi de a u bábbey hide a bilo tu gurupo de ay napabayan dán tu pángngatád tu kabiyagen de aldew-aldew.

Gimet 8:2

Inlábbáng nu mánnampalataya hide u bangkay ni Esteban sakay sinangitan de ti husto.

Gimet 9:41

Tinawiden ni Pedro u kamát ni Tabita sakay tinulungan na a tumaknág. Dinulawan na u mánnampalataya hide, u bilo hide a bábbey sakay inyatubang na nide ti Dorcas a biyag.

2 Corinto 8:12

Dipo ni kusang-luub u pángngatad moy, tanggapán nu Diyos u ánya man a kaya moy a meatád; awan nakam pagagiden tu awan nikam.

Efeso 4:28

U mágtakaw ay dyan dán magtakaw; nan magtrabaho siya sakay gamitán na u kamát na tu tarabaho a marangal tánni makatulung siya tu mangailangan hide.

1 Tesalonica 1:3

dipo kada magdasal kame tu Diyos a Ama tam ay maisip me u maganda moy a gimet a bunga nu pánnampalataya moy ni Jesu-Cristo. Sakay u pághirap moy dipo tu págmahal sakay tu págtággád moy dipo umasa kam a sumole u Panginoon tam a ti Jesu-Cristo.

1 Tesalonica 4:13

Kákkapátkákka mi hide, gusto me a matukuyan moy ni ánya u mangyare tu mánnámpalataya hide a nágkatay dán, tánni awan kam maglungkut a konna tu tolay hide a awan ti pag-asa.

1 Timoteo 5:3

Igalang moy sakay tulungan u bilo hide a bábbey a awan dán ti maasaan.

1 Timoteo 5:5

U tatahoden a bilo a bábbey ay u mággeessa dálla ti kákkabiyag sakay u Diyos dálla u áasaan na, kaya makándasalán siya aldew ay ti gibi.

1 Juan 3:18

Anak ko hide, u págmahal tam ay dapat bakán la atu upos, nan ipeta tam tu pamamag-itan nu gimet tam a ayun tu tatahoden.