Gimet 9:32 - U Maganda A Baheta Ni Jesu-Cristo

³² Nadid, nilebut ni Pedro u bawat banuwan tánni bisitaán u kákkapátkákka hide ti pánnampalataya. Nikuna bisitaán na u kákkapátkákka hide ti Lida,

Gimet 9:32 ပူးပေါင်းရင်းမြစ်များ

Mateo 27:52

Nabukasan u lábbang hide sakay nabiyag a huway u makpal a naniwala tu Diyos a nágkatay dán.

Gimet 1:8

Pero ni kátna dán nikam u Banal a Ispirito ay magkahod kam ti kapangyariyan a mangpatunay tungkul nikán ti Jerusalem, tu buo a Judea, ti Samaria, sakay hanggan tu kasuluk-sulukan ni munduway.”

Gimet 26:10

Kanya konna hod u ginimet ko ti Jerusalem. Makpal a kristiyano u impepireso ko, dipo tu kapangyariyan a inyatád nikán nu puno nu saserdote hide. Sakay nikuna a hatulan u agum nide ti kamatayan ay essaák be a immayun nide.

Gimet 8:14

Nikuna nabaheta nu apostol hide a mámmágyan ti Jerusalem a tinanggap nu Samaritano hide u Upos nu Diyos ay inutusan de a angay hod di Pedro sakay ti Juan.

Gimet 8:25

Matapos a nagpatunay di Pedro ay ti Juan, sakay nangaral tu Upos nu Panginoon tu banuwan ni Samaria ay nagsole hide ti Jerusalem. Intoldu di be u Maganda a Baheta tungkul tu Panginoon tu tinaleban de a babaryo ti Samaria.

Gimet 9:13

Pero timmábbeg ti Ananias, “Panginoon, makpalák dán a nabaheta ti tolayan iye, tungkul tu kadukássan a ginággimet na tu mánnampalataya hide ti Jerusalem.

Gimet 9:33

ay netan na hod u essa a lállake, Eneas u ngahan na. Lopog siya sakay walo dán a taon a kumákkatdug.

Gimet 9:41

Tinawiden ni Pedro u kamát ni Tabita sakay tinulungan na a tumaknág. Dinulawan na u mánnampalataya hide, u bilo hide a bábbey sakay inyatubang na nide ti Dorcas a biyag.

Roma 1:7

Iye a sulat ay para nikam a atanan a mahal nu Diyos a katoy hina ti Roma, a dinulaw tánni magin banal. Nakwa ay magkahod kam ti págpapala sakay kapayapaan a gábwat tu Diyos a Ama sakay tu Panginoon tam a ti Jesu-Cristo.

Efeso 1:1

Mahal mi hide a kákkapatkákka, hikán ay ti Pablo a apostol ni Cristo Jesus a ayun tu kaluuban nu Diyos. Saiye u sulat ko para tu pinile hide nu Diyos a he ti Efeso sakay matapat be a sumunud ni Cristo Jesus:

Filipos 1:1

Mahal ko hide a kákkapatkákka, iye a sulat ay gábwat nikán a ti Pablo sakay ti Timoteo a alipin hide ni Cristo Jesus. Iye ay para tu atanan a pinile nu Diyos a taga-Filipos a summampalataya hide ni Cristo Jesus, pate u puno hide sakay tu tumulung nide a mangasiwa tu mánnampalataya hide.