Gimet 9:22 - U Maganda A Baheta Ni Jesu-Cristo

²² Pero lalo pa a nagin malalake ti Saulo tu pángngaral na, kanya awan dán tukoy nu Judio hide a mágyan ti Damasco ni ánya itábbeg diyay tu págpatunay na a ti Jesus ay u Mesias.

Gimet 9:22 ပူးပေါင်းရင်းမြစ်များ

Lukas 21:15

dipo hikán i mangtolduway nikam tu tama a itábbeg moy, tánni awan ti makagi u kadima moy hide.

Gimet 17:3

impaliwanag na sakay pinatunayan na a dapat pa a magdanas ti hirap u Cristo sakay mabiyag a huway. Kinagi na a, “Ti Jesus a ibábbaheta ko nikam ay siya u Cristo!”

Gimet 18:5

Nikuna dimmemát di Silas sakay ti Timoteo a gábwat ti Macedonia, inyatád dán ni Pablo u buo na a odas tu pángngaral sakay magpatunay tu Judio hide a ti Jesus u Cristo.

Gimet 28:23

Kanya nagtakda hide ti essa a aldew, sakay makpal u immangay tu páppágyanan ni Pablo káddemát ni itod a aldew. Saldew siya a nagpaliwanag nide sakay nángpatunay tungkul tu pághare nu Diyos. Tu pamamag-itan nu Kautusan ni Moises sakay u insulat nu prupeta hide ay ginimet na u atanan a makaya na tán maakit na hide a sumampalataya ni Jesus.

Gimet 9:20

Sakay simmáddáp siya tu sinagoga hide sakay nagtoldu tungkul ni Jesus, kinagi na, a siya u anak nu Diyos.

Gimet 9:21

Nagtaka u atanan a nakasaneg nikuna, kanya kinagi de, “Awan beman sa iye u date mágpapahirapán tu mánnampalataya hide ti Jerusalem? Sakay awan beman immangay la he tánni dakáppán hide sakay tawidán tu pupuno nu saserdote hide?”

Gimet 9:23

Nikuna makalipas u sangan a aldew, ay namágkaessaan nu Judio hide a bunuwán ti Saulo.

Gimet 9:27

Pero kinuyog siya ni Bernabe, sakay inyangay na tu apostol hide. Impaliwanag na nide ni kodya pimmeta u Panginoon ni Saulo sakay nákpágguhon nikuna tu dilan. Kinagi na be ni kodya siya a nagtoldu ti Damasco a awan ti ánteng tungkul ni Jesus.

1 Corinto 1:27

Pero pinile nu Diyos u nebilang hide a awan ti tukoy a tolay ti munduwáy para ipasanike u mágkalalake. Pinile be nu Diyos u mágkahina hide para ipatagama u mágkabegsák.

Galacia 1:18

Kállipas nu tállo a taon ay immangayák ti Jerusalem tánni mákpágguhon ni Pedro. Sapulo wak ay ti limma a aldew a nágyan hod.

Filipos 4:13

Magimet ku iye a atanan dipo tu begsák a inyatád nikán ni Cristo.

1 Timoteo 1:12

Magpasalamaták ni Jesu-Cristo a Panginoon tam, a nangatád nikán ti begsák kaya magimet ko iye. Dipo imbilangák na a karapat-dapat a tagapagserbi na.