Gimet 9:21 - U Maganda A Baheta Ni Jesu-Cristo

²¹ Nagtaka u atanan a nakasaneg nikuna, kanya kinagi de, “Awan beman sa iye u date mágpapahirapán tu mánnampalataya hide ti Jerusalem? Sakay awan beman immangay la he tánni dakáppán hide sakay tawidán tu pupuno nu saserdote hide?”

Gimet 9:21 ပူးပေါင်းရင်းမြစ်များ

Gimet 2:12

Awan de maabut a maisip u nangyare kanya awan matapos-tapos u pamágtanungan de ni ánya u gusto a kagiyán ni itod.

Gimet 2:6

Pákkasaneg nu tolay hide tu galungogung a itod ay nagalalisto hide a immangay tu pamággipun-ipunan nu mánnampalataya hide. Nagtaka hide dipo nasaneg de a makapagupos dán u mánnampalataya hide tu upu-upos de.

Gimet 3:10

Nikuna a matengge de a siya u tolay a date a máklimus a mággetnod tu Pintuwan a Maganda nu Templo ay nagtaka hide ti husto tu nangyare nikuna.

Gimet 4:13

Nagtaka u buo a Sanedrin tu begsák isip a impeta di Pedro sakay ti Juan, lalu dán nikuna naihupaan de a awan bál hide nakapagadal. Naihupaan dila be a hide u kakaguman ni Jesus tu itod.

Gimet 7:59

Mentras bábbatikalán de ti Esteban ay nagdasal siya ti konna he, “Panginoon Jesus, tanggapán mo ispiritu kuwáy.”

Gimet 8:3

Pero tu pagkagusto ni Saulo a sidaán u mánnampalataya hide ay sináddáp na u bila-bilay sakay dinakap na u mánnampalataya hide sakay inkulung na, bábbey man oni lállake.

Gimet 9:22

Pero lalo pa a nagin malalake ti Saulo tu pángngaral na, kanya awan dán tukoy nu Judio hide a mágyan ti Damasco ni ánya itábbeg diyay tu págpatunay na a ti Jesus ay u Mesias.

2 Tesalonica 1:10

Sa ina u mangyare nide tu aldew nu káddemát na. Ta itona a aldew ay puriyán siya sakay parangalan siya nu pinagin banal na hide, a awan ti agum nan u atanan a simmampalataya nikuna. Sakay hikam ay kasale kam bi hod, ta tinanggap moy be u Maganda a Baheta a ingkagi me nikam.

1 Juan 3:1

Isipán moy la ni sakodya ti kadakál u págmahal nikitam nu Ama. Dinulawan na kitam a anak na, a itona ngane u tatahoden. Iye u dahilan ni bakin awan kitam kilala nu makamundo hide a tolay dipo awan de tenggiyán u Diyos.