Gimet 9:17 - U Maganda A Baheta Ni Jesu-Cristo

¹⁷ Kanya immangay ngane hod ti Ananias. Summáddáp siya tu bilay sakay intupo na u kamát na ni Saulo. Kinagi na, “Kapátkákka ko a Saulo, pinaangayák he nu Panginoon tam a ti Jesus, a nákpágguhon niko tu dilan nikuna patamo ka he. Inutusanák na tanni maketa ka a huway sakay maputat ka tu Banal a Ispirito.”

Gimet 9:17 ပူးပေါင်းရင်းမြစ်များ

Mateo 19:13

Nadid te nagtugan ti anak hide ni Jesus para tanongan de ni maari itupo na u kamát na sakay ipanalangin u anak hide. Pero pinagngallan hide nu disepulus na hide.

Markos 5:23

sakay nákkekagbi, “Magipepatay dán u anak ko a dalagita. Mahabag ka, ni maare ay mákkuyog ka nikán sakay itupo mo i kamát muwe nikuna, tán magpiyya siya sakay mabiyag!”

Markos 6:5

Itod u dahilan ni bakin awan siya nakagimet tu makataka-taka a bagay ti itod, liban la tu sasangan a te saket a pinatungan na tu kamát na sakay pinagpiyya.

Lukas 1:41

Nikuna masaneg ni Elizabet u pángngumusta ni Maria ay bigla a nagahikád u anak tu tiyan na sakay naputat siya ti Banal a Ispirito.

Lukas 1:67

Naputat ti Banal a Ispirito ni Zacarias a ama nu anak sakay naghula ti mensahe a gábwat tu Diyos,

Lukas 1:76

Sakay hiko Anak ko ay dulawán de a prupeta nu Kataas-taasan a Diyos a makapangyariyan tu atanan; dipo hiko i mángdipalonguway a mánghanda tu paglakadan nu Panginoon,

Lukas 15:30

Pero nikuna dimmemát u anak mo a nággagastaán tu kabiyagan mo hide tu pángngibábbey ay pinangbuno mo pa tu pinatabiyan mo a bul-o a baka!’

Lukas 15:32

Pero dapat kitam a magsaya dipo u wadi mo a akala tam ay patay dan ay nagsole a huway, pero netan bila.”

Lukas 2:11

Dipo neenak nadid a aldew ti Betlehem tu banuwan ni David u Tagapagligtas, u Cristo a Panginoon.

Gimet 10:36

Nadid inpakapospos nu Diyos tu Israelita hide u Maganda a Baheta tungkul tu pákpágkasundu tu pamamag-itan ni Jesu-Cristo, u Panginoon nu atanan!

Gimet 13:3

Káttapos de a magkulasyon sakay magdasal ay intupo de tu duwwa u kamát de sakay pinaghektat di dán hide.

Gimet 13:52

U disepulus hide ti Antioquia ay tunay ti saya sakay naputat hide tu Banal a Ispirito.

Gimet 19:6

Sakay ti Pablo ay intupo na u kamát na nide sakay simmidung nide u Banal a Ispirito. Nagupos hide ti iba-iba a upos sakay nagpahayag tu upos a gábwat tu Diyos.

Gimet 2:4

Sakay minágkaputat hide ti Banal a Ispirito. Kanya nakapagupos hide ti iba-iba a upos, sigun tu kaluub nu Banal a Ispirito tu balang essa.

Gimet 21:20

Nikuna masaneg di iye ay nagpure hide tu Diyos. Sakay kinagi de ni Pablo, “Tukoy mo kapátkákka, tehhod dán a sangan a libu a Judio u summampalataya ni Jesus pero atanan de ay masigasig pade a sumunud tu Kautusan ni Moises.

Gimet 26:15

Kanya kinagi ko a, ‘Deya ka Panginoon?’ Kanya kinagi na, ‘Hikán ti Jesus a páppahirapan mo.

Gimet 4:31

Káttapos de a magdasal ay nayanág u pamággipun-ipunan de a bilay. Atanan de ay naputat tu Banal a Ispirito sakay buung tapang a nangaral tu Upos nu Diyos.

Gimet 6:6

Nikuna a inyatubang de hide tu apostol hide; ay impagdasal de sakay intupo de u kamát de nide.

Gimet 8:17

Intupo di Pedro sakay ti Juan u kama-kamát de tu ulo nu mánnampalataya hide sakay tinanggap de u Banal a Ispirito.

Gimet 9:18

Sakay agad a natákneg u kumán hide a keskes tu mata ni Saulo kanya naketa dán siya a huway. Kaya timmaknág siya sakay nagpabawtismo.

Roma 15:7

Tanggapán moy u balang essa konna tu pángtanggap ni Cristo nikam tánni mapure nu tolay u Diyos.

1 Corinto 15:47

U kadipalonguwan a tolay ay gábwat tu luta, pero u kaduwwa a tolay ay gábwat ti langet.

1 Corinto 15:8

U kadimodyanan ay nikuna pummeta siya nikán. Kumánnák a neenak tu awan tama a panahun dipo awanák nakaguman ni Jesus pero nagin apostolák napade maski konnaák tu essa a anak a neenak tu awan tama a panahun.

1 Corinto 9:1

Awan beman malayaák? Awan beman apostolák? Awan beman netan ko ti Jesus a Panginoon tam? Awan beman hikam u bunga nu págserbi ko tu Panginoon?

1 Timoteo 4:14

Dyan mo páppabayan u inyatád niko nu Banal a Ispirito a kakayanan a inpagkatiwala na niko nikuna a itupo niko nu pinuno hide nu simbaan u kama-kamát de hide iye u kinagi nu prupeta a gimitan mo.

1 Timoteo 5:22

Dyan mo basta itupo i kamát muwe tu maskin deya la para magin pinuno, nan tukuyán mo pa u pagkatolay na. Magingat ka a awan mesale tu kasalanan nu agum. Magtulos-tulos ka a awan ti dangát.

2 Timoteo 1:6

Dipo he, ay ipaala-ala ko niko a gamitan mo a lagi u inyatad niko nu Diyos a kakayanan a tumulung tu mannampalataya hide nikuna itupo ko niko u kamát ko.

Filemon 1:16

Bakán dán a alipin nan essa dán a pinakamamahal a kapatkákka. Nepamahal dán siya nikán, pero mas lalo dán niko, bakán la a essa alipin nan kapatkákka mupa tu Panginoon.

Hebreo 6:2

tu bawtismo, tu págtupo ti kamát ni te ipagdasal, u kákkabiyag a huway, sakay tungkul tu pághatul nu Diyos tu tolay hide a makasalanan a hide ay maparusaan tu awan ti kahád.

2 Pedro 3:15

Alalahanán moy a kaya awan palla dumemát u Panginoon ay para atádden na pa ti pagkakataun a maligtas u tolay hide, konna tu insulat nikam nu kapatkákka tam a ti Pablo tu pamamag-itan nu karunungan a inyatád nikuna nu Panginoon.