Gimet 9:15 - U Maganda A Baheta Ni Jesu-Cristo

¹⁵ Pero kinagi nikuna nu Panginoon, “Kammudán hod! Dipo pinile ko siya para ipangaral tu Hentil hide u tungkul nikán, tu hare hide, sakay tu lahe hide ni Israel,

Gimet 9:15 ပူးပေါင်းရင်းမြစ်များ

Mateo 10:18

Dipo disepulus takam ay ikaso di kam be tu gubernador sakay tu hare hide. Siya dán itod u odas moy a magbahagi nide sakay tu awan hide Judio tungkul nikán.

Juan 15:16

Bakán a hikam u nangpile nikán, nan hikán u nangpile nikam, tán maglakad kam sakay magbunga tu bunga hide a manatile a hanggan-hanggan. Ni konna hod, ánya man u agidán moy tu Ama tu ngahan ko ay iyatád na nikam.

Gimet 13:2

Essa aldew mentaras a magkulasyon sakay magpure hide tu Panginoon, kinagi nu Banal a Ispirito nide, “Ibukod moy di Bernabe sakay ti Saulo. Tehhodák a inlaan a tarabaho para nide.”

Gimet 21:19

Káttapos na hide a kumustaán ay essa-essa na a kinagi u bagay hide a ginimet nu Diyos tu Hentil hide tu pamamag-itan nu págserbi na.

Gimet 22:14

Kinagi na pa a, ‘Pinile ka nu Diyos nu nuno tam hide tán matukuyan mo u kagustuwan na, tán ketan mo u Banal na a Tagapagserbi tánni masaneg mo u boses na.

Gimet 22:21

Pero kinagi nikán nu Panginoon, ‘Lumakad ka dán dipo paangayán taka tu adeyo a lugar, tu Hentil hide.’”

Gimet 25:22

Sakay kinagi ni Agripa ni Festo, “Gusto ko a masaneg tolayan itod.” “Masaneg mo siya ni ilaw,” kagi ni Festo.

Gimet 26:1

Kinagi ni Agripa ni Pablo, “Maare ka dán a magupos; ánya makagi muway nadid tungkul ti sadile muwe?” Nagpatabi pa ti Pablo bilang pággalang na, sakay nagupos tu págtanggul tu sadile na:

Gimet 26:32

Sakay kinagi pa ni hare a Agripa ni Festo, “Maare tamon nákwa siya a paluwasán ni awan na la impákkekagbi a iyatubang u kaso na tu hare ti Roma.”

Gimet 27:24

Sakay kinagi na nikán, ‘Diyan ka manteng Pablo. Kailangan a umatubang ka tu hare ti Roma. Alang-alang niko ay iligtas nu Diyos u kakagumanan mo hide ti barkuwáy.’

Gimet 28:17

Kállipas nu tállo a aldew ay impadulaw ni Pablo u puno nu Judio hide ti Roma. Nikuna namagkatipun dán hide ay kinagi na, “Kákkapatkákka ko hide, maskin awanák ti nagimet a kasalanan kontara tu banuwan tam oni tu patakaran nu nunu tam hide ay dinakappák de ti Jerusalem sakay inpiresuwák de tu gubiyerno ni Roma.

Gimet 28:28

Kinagi pa ni Pablo, “Kanya nadid gustu ko a matukuyan moy a iye a impakapospos ko nikam tungkul tu kaligtasan a gubwát tu Diyos ay impáppangaral dán tu Hentil hide sakay hide pa u naniwala ti iye!”

Roma 1:1

Iye a sulat ay gábwat ni apostol Pablo a tagapagserbi ni Jesu-Cristo a dinulaw sakay pinile na tánni mángbaheta tu Maganda a Baheta nu Diyos.

Roma 1:5

Tu pamamag-itan ni Jesu-Cristo ay tinanggap me u kaluub a magin apostol tánni maakit me u tolay hide tu atanan a bansa a sumampalataya sakay sumunud nikuna.

Roma 11:13

Nadid, iye dámman u kagiyán ko nikam a bakán hide a Judio. Ginimiták a apostol nu Diyos para nikam, sakay ikarangal ko i tarabahuwan iye.

1 Corinto 15:10

Pero dipo tu kagbi nu Diyos nikán ay nagin apostolák, sakay awan be nawanan ti kabuluhan u kaluub a iye nikán. Nagtrabahuwák ti husto kasera tu agum nide, pero bakán iye tu sadile ko a kakayanan nan tu kabaitan la nu Diyos nikán.

1 Corinto 9:16

Bakán a dipo a mángngaralák tu Maganda a Baheta ay maariyák dán a magmadakál. Ina u tungkulin a netalaga nikán. Kakagbiyák ni awan ko ibaheta u Maganda a Baheta!

Galacia 1:1

Iye a sulat ay gábwat nikán a ti Pablo, a pinile a apostol bakán a gábwat tu tolay oni tu pamamag-itan nu tolay, nan ti Jesu-Cristo sakay tu Diyos Ama a huway a nangbiyag ni Jesus.

Efeso 3:1

Kaya dipo ti iye, hikán a ti Pablo ay nepireso dipo tu pángngaral ko tungkul ni Cristo Jesus nikam a Hentil hide.

1 Timoteo 2:7

Dipo he ay napiliyák a tagapagbaheta, apostol, sakay tagapagtoldu ti pánnampalataya sakay tu tatahoden tu Hentil hide. Tatahoden i kagiyán kuwáy, awanák magbule-bule.

2 Timoteo 1:11

Piniliyák na a apostol sakay tagapagtoldu para mepahayag ko u Maganda a Baheta.

2 Timoteo 2:4

Dapat ay konna ka tu essa a sundalo a awan mák-alam tu bagay hide a awan ti kaugnayan tu pagigin sundalo. Nan pagsikapan na a mapasaya u pinuno na.

Pahayag 17:14

Geraán de u Tupa pero taluwán na hide, dipo siya u Panginoon nu atanan a panginoon sakay Hare nu atanan a hare. Kaguman na tu tagumpay u dinulaw sakay pinile na a nagin tolay na, a matapat a palagi a magserbi nikuna.”