Gimet 8:9 - U Maganda A Baheta Ni Jesu-Cristo

⁹ Pero ti lugaran itod ay te essa a lállake, a u ngahan na ay ti Simon. Tu itod ay páppahangaán na u Samaritano hide tu pamamag-itan nu salamangka. Ipágmadakál na a tehhod siya a kapangyariyan.

Gimet 8:9 ပူးပေါင်းရင်းမြစ်များ

Juan 7:18

U magtoldu a ayun la tu sadile na a kagustuwan ay u gusto nala ay puriyán siya ni tolay. Pero u magtoldu a inutusan nu Diyos ay u gusto na ay mapure u Diyos. Sakay u págtoldu na ay tama, bakán a kakabuliyan.

Gimet 13:6

Nikuna nalebut de u buo a puduk hanggan tu siyudad a Pafos ay nesapulan di hod u essa a mággalbularyo a Judio a magkukunware a prupeta. Bar-Jesus u ngahan na.

Gimet 13:8

Pero sinaway hide nu mággalbularyo a ti Elimas (iye u ngahan na tu upos a Griego) tánni awan sumampalataya u gubernador.

Gimet 5:36

Sakay awan beman awan palla nalay a limmitaw ti Teudas a nagkunware a essa a dakila a puno, sakay naakit na u áppat a datos a tolay a nák-agum nikuna. Pero namághiwewalay u tauhan na hide nikuna nabuno siya kaya nabaliawan u gurupo de.

Gimet 8:11

Nalay dán a panahun a pináppaniwala na hide tu pamamag-itan nu págsalamangka na, kaya tulos-tulos hide a mágsaneg nikuna.

2 Tesalonica 2:4

Kalabanán na u atanan a sássambaán sakay diyos nu tolay hide, sakay ilangkaw na u sadile na. Mággetnod siya tu disalad nu Templo nu Diyos sakay ikagi na u sadile na a siya u Diyos.

2 Timoteo 3:2

Káddemát ni panahunan ina ay magin makasadile u tolay hide, gusto diyay ay kaowan de u atanan a pilak, hambug hide. Mágkaseste hide, masássuwayan hide tu dáddakal de, awan hide ti utang a luub, nabusong hide dipo awan hide tumengge tu Diyos.

2 Timoteo 3:5

Magkukunware hide a tehhod a pánnampalataya pero awan labe ketan tu biyag de u kapangyariyan nu Diyos. Adeyuwan mo u konna he hide a tolay.

2 Pedro 2:18

Dipo u pangisip de ay tunay hide ti kalalake, pero awan labe ti seserbi u kákkagiyán de. Kákkagiyán de a awan madukás u kássunud tu kagustuwan nu pilas. Kanya maakit de a maggimet a huway ti madukás u bigu palla hide a immadág tu date de a madukás a kákkabiyag.

Pahayag 22:15

Pero magwahak tu luwas u mágkadukás hide a tolay, u mágdipoh hide, u mángngibábbey oni mángngilállake, u mágbabono hide, u mágsamba hide ti diyos-diyosan, sakay u mágkabule hide ti upos sakay ti gimet.